မေတ္တာပွားရမည့် အရပ်မျက်နှာ
ဘုရားရှင်ကိုယ်တော်မြတ်က မေတ္တာကမ္မဋ္ဌာန်းပွားများမည့်သူရဲ့ ထားရှိရမည့် စိတ်နေသဘောထားကို ဟောကြားတော်မူပြီးနောက် မေတ္တာပွားများရမယ့် အရပ်မျက်နှာများကိုလည်း ညွှန်ကြားပြသတော်မူလို၍
“အထက်အရပ်ကို ဘဝဂ်တိုင်အောင် အောက် အရပ်ဆိုလျှင် အဝီစိတိုင်အောင် ၀ဲယာရှေ့နောက် ထက်အောက် ဖီလာ အလုံးစုံသော လောက၌ ကျဉ်းမြောင်းခြင်း မရှိသော အတွင်းရန် အပြင်ရန်ကင်းသော အတိုင်းအရှည်မရှိသော မေတ္တာစိတ်ကို ပွားများရမယ်လို့ ဆက်လက်ဟောကြားပေးတော်မူပါတယ်။
ဣရိယာလေးဖြာ ပွားများပါ
ပွားများရမယ့် ဣရိယာပုဒ်ကိုလည်း အခြားကမ္မဋ္ဌာန်းများကဲ့သို့ “ဘိက္ခဝေ၊ ဘိက္ခု အရညဂတော ဝါ ရုက္ခမူလဂတော ဝါ သုညာဂါရဂတော ဝါ နိသီဒတိ ပလ္လင်္ကံ အာဘုဇိတွာ ဥဇုံ ကာယံ ပဏိဓာယ စသည်ဖြင့် ထိုင်ဣရိယာပုဒ်တစ်ခုတည်းဖြင့်သာ မဟောကြားပဲ
“ ငိုက်မျည်းခြင်းကင်း၍ ရပ်နေသမျှ သွားနေသမျှ ထိုင်နေသမျှ လျောင်းနေသမျှ ကာလပတ်လုံး ဤ (မေတ္တာနှင့်ယှဉ်သော) သတိကို ပွါးများအံ့လို့ စိတ်ကို အဓိဋ္ဌာန်ပြုထားရမယ်” လို့ အထူးညွှန်ကြားတော်မူပါတယ်။ တစ်နည်းအားဖြင့်လည်း ထိုင်ဣရိယာပုဒ်ဖြင့် မေတ္တာကမ္မဋ္ဌာန်းရှုမှတ်မှု အောင်မြင်တဲ့အခါ သွား၊ ရပ် ၊လျောင်းရာအခါများမှာလည်း ၀သီဘော်နိုင်နင်းအောင် ဆက်လက်အားထုတ်ကြရမယ်(ရှုမှတ်တိုင်းစိတ်မှာထင်ရှား မေတ္တာပွားလို့ရအောင် ကြိုးစားကြရမယ်)လို့ ရှုနည်းစံနစ်ကို အသေးစိတ်ဟောပြတော်မူလိုက်ခြင်းပဲ ဖြစ်ပါတယ်။
ဘုရားချီးမွမ်းတော်မူသော မေတ္တာကမ္မဋ္ဌာန်း
ထို့နောက် “မေတ္တာတရားပွားများတယ်ဆိုတာ ငါဘုရားသာသနာတော်မှာ အပြစ်ကင်းပြီး သတ္တ၀ါတွေ အကျိုးလိုလားပြီး နေထိုင်တာဖြစ်လို့ မြတ်သော နေခြင်း 'ဗြဟ္မဝိဟာရ' ဟူ၍ ငါဘုရား ဟောတော်မူတယ်” လို့ …အားတက်စရာ ချီးမွမ်းတိုက်တွန်းစကားကိုလည်း ဆိုတော်မူလိုက်ပြန်ပါတယ်။
အရှုမတတ်က ဒိဋ္ဌိကပ်လာနိုင်
မေတ္တာပွားတယ်ဆိုတာ သတ္တ၀ါဆိုတဲ့ ပညတ်တရားကိုသာ အာရုံပြုနေရတာဖြစ်တော့ ၀ိပဿနာအရာ မကျွမ်းကျင်မနိုင်နင်းပါက ပညတ်ကိုမခွါနိုင်ပဲ အတ္တဒိဋ္ဌိမှာ သွားငြိကပ်တတ်ပါတယ်။ ဟုတ်တယ်လေ ရှုရပုံကိုကာ သဗ္ဗေသတ္တာ ၊ သဗ္ဗေပါဏာ ၊ အဝေရာဟောန္တု မဟုတ်ပါလား ၊ ပရမတ္ထ လက္ခဏာသဘာဝကလည်း ရှုကွက်အာရုံထဲမှာမပါလေတော့ ဒါချည်းသာတစ်သက်လုံးထိုင်ရှုနေရင် မေတ္တာဈာန်ရပြီး ဗြဟ္မပြည်သာရောက်သွားနိုင်တယ် အတ္တဒိဋ္ဌိကကွာမှာမဟုတ်ဘူး။
ဒါ့ကြောင့် ဘုရားရှင်ကိုယ်တော်မြတ်ကြီးက အတ္တဒိဋ္ဌိအယူမှ စင်ကြယ်စေပြီး ထိုမေတ္တာဈာန်သမထကိုအခြေခံမှတစ်ဆင့်တက်ကာ ၀ိပဿနာများ ဆက်လက်ရှုပွားနိုင်ကြဖို့ရန် ရည်သန်တော်မူကာ ဒိဋ္ဌိဉ္စ အနုပဂ္ဂမ္မ လို့ ဆက်လက်ဟောကြားတော်မူလိုက်တာဖြစ်ပါတယ်။
ရသည့်ဈာန်ကို ၀ိပဿနာတင်စေလို
ထိုသို့တောအရပ်သို့ ရှုမှတ်ပွားများကြရင်း မေတ္တာဈာန်ချမ်းသာကို ခံစားကြရတဲ့အခါ ထိုဈာန်မှထ၍ အကြင် ၀ိတက် ၀ိစာရအစရှိတဲ့ ဈာနင်္ဂ ဈာနသမ္ပယုတ္တတရားတို့ကို၎င်း ထိုနာမ်တရားတို့၏ မှီရာ ဟဒယ၀တ္ထုရုပ်ကို၎င်း ဆက်လက်သုံးသပ်ပြီး နာမ်တရား ၊ရုပ်တရား တို့ကိုလည်း သိမ်းဆည်း၍ ထိုနာမရူပပရိဂ္ဂဟညာဏ်ဖြင့် ဒီဈာန် ၊ဈာနင် ဈာနသမ္ပယုတ်တရားတွေနဲ့ မှီရာဝတ္ထုရုပ်ဆိုတာတွေဟာ သင်္ခါရတရားသက်သက်မျှသာတည်း ပုဂ္ဂိုလ်သတ္တ၀ါ ငါသူတစ်ပါး ယောက်ျားမိန်းမဆိုတဲ့ သတ္တ၀ါပညတ်ပညတ်ကို မရအပ်လေစွတကားလို့ ရှုမှတ်ခါ အတ္တဒိဋ္ဌိကို ပယ်သတ်ပစ်နိုင်ရမှာဖြစ်ပါတယ်။
ထိုသို့ သမ္မဿနညာဏ်မှစ၍ ရုပ်နာမ်တို့ကိုသုံးသပ်လျှင် ထိုရုပ်နာမ်တို့ရဲ့ ဖြစ်ဟန်ပျက်ဟန်တို့ကို လူပြောသူပြောမဟုတ် ကိုယ်တိုင်ကိုယ်ပိုင် ဥဒယဗ္ဗယညာဏ်နဲ့ ထိုးထွင်းသိလာပါလ်ိမ့်မယ်။ ဒီလိုသိမြင်လိုက်ရတော့ သြော် ဖြစ်သမျှပျက်ကြရတာချည်းပါကလား ကြည့်စမ်းပါဦး ငါက အေးညိမ်းချမ်းသာလိုက်တာလို့ထင်ခဲ့တဲ့ မေတ္တာဈာန်နာမ်တရားတွေ မှီရာဝတ္ထုတွေကလည်း ခဏမစဲ တဖွဲဖွဲချည်း ဖြစ်နေပျက်နေကြပါလားလို့ သဘောပေါက်လာပါလိမ့်မယ်။
ထို့နောက်မှ အဖြစ်ဟူသမျှအပျက်မှာဆုံးရတယ်ဆိုတာသဘောပေါက်ပြီး နောက်ဆုံးတော့ အပျက်ဘူတာဆိုက်ရတာချည်းပဲ လောကမှာ ဘယ်အရာမှ မတည်မြဲဘူး ပျက် ,ပျက် , ပျက်ပဲ ဒီအပျက်ကြီးကို ငါတို့မက်မောနေခဲ့ကြတာ ခုတော့ အပျက်လိုချင်တော့ အပျက်ပဲ ရနေတာပဲဆိုပြီး ဘင်္ဂညာဏ်ကို တစ်ဆင့်တက်ခွင့်ရလာပြန်တာပေါ့။
ဒီတင် ကိုယ်ရထားတဲ့ခန္ဓာဟာ ပေါက်ကွဲနေတဲ့ အနုမြူဗုံးတစ်လုံးအလား ဆင့်ကဲ ဆင့်ကဲ တဒုံးဒုံး ပေါက်ကွဲပျက်စီးနေတာကြီးကြည့်ပြီး ထိတ်လန့်တုန်လှုပ်လာပါသတဲ့ ဒါကိုဘယညာဏ်လို့ ဆိုပါတယ်။
နောက်ဒီအဖြစ်နောက် ဒီအပျက်တရားကို အပြစ်မြင်ပြီး အပြစ်တွေတင်နေမိတော့တယ် ဒီအပျက်တရားရအောင်လုပ်ခဲ့တာ ဘယ်သူပါလိမ့် အကြောင်းရှာကြည့်ပြန်တော့ တဏှာဆိုတဲ့ လိုချင်တောင့်တနေတဲ့ လက်သယ်ကိုိုတွေ့ရတယ် ၊ဒီတင် သူ့ကို ရုံးတင်စစ်ဆေးတော့တာပေါ့ ။ ဟေ့ကောင် မောင်တဏှာ မင်းမှန်မှန်ပြောစမ်း ဘာလို့လိုချင်ရတာလဲ ခုမင်းလိုချင်တောင်းတတိုင်း ကံတွေကို မျိုးစေ့ချလိုက်လုပ်ပေးလို့ ကောင်းပင်ဆိုးပင်တွေပေါက်လာတယ်လေ ပေါက်လာတော့ ဒီအပင်တွေသေပြန်ရောပဲ ဘာမှမကောင်းဘူး ဘာလို့လိုချင်ကြီးစွာတောင်းတခဲ့ရတာလဲဆိုတော့
တဏှာကလည်း မျက်နှာငယ်လေးနဲ့ “ဟာဗျာ တစ်လှေလုံးပါတဲ့ ချေးတွေ ပုဇွန်ဆိပ်ခေါင်းပုံချနေတော့တာပဲ ကျုပ်တစ်ယောက်ထဲကြောင့် အဲဒီကံပင်တွေပေါက်လာရတာမဟုတ်ပါဘူးဗျာ ကျုပ်ကို အမှန်မမြင်နိုင်အောင် မောဟကဖုံးပြီး ကလိန်ညာဏ်ဆင်ပြနေတော့ ကျုပ်လည်းလိုချင်တောင်းတမိတာပေါ့ဗျ တကယ်သာအမြင်မှန်ရင် ဘယ်အပျက်တွေတောင်းတနေပါတော့မလဲ ဒီအပင်တွေပေါက်တော့ မှိုက်ရှုပ်တာပဲ အဖတ်တင်မပေါ့။ ဒီတော့ တရားခံက ကျုပ်တင်မဟုတ်ဘူး အ၀ိဇ္ဇာပါပါတယ်ဆိုပြီး ပုန်းကွယ်နေတဲ့ အ၀ိဇ္ဇာကိုပါ ဖော်ကောင်လုပ်လိုက်တယ်။
ဒီတင် ရှုညာဏ်က ဆုံးဖြတ်ချက်ချလိုက်တယ် အင်း တစ်ဦးနဲ့တစ်ယောက် လွှဲချမနေပါနဲ့တော့ အ၀ိဇ္ဇာကဖုံးကွယ်ထားတော့ အမှန်မမြင်ဘူး ဒီအမှန်မမြင်တဲ့အပေါ်မှာ တဏှာကတပ်မက်တော့ ရအောင်လုပ်ပေးဖို့ ပူဆာပြီပေါ့ ဒီလောဘအလိုလိုက်မိလို့ ကံသင်္ခါရတွေ ထူထောင်မိတော့ ကောင်းကံနဲ့ အထက်မိုးပျံလမ်းကသွားရတယ် ။ ဆိုးကံနဲ့ မြေအောက်လမ်းကမြန်းရပြန်တယ် ။ အကြောင်းကွင်းဆက်ရဲ့အစက မောင်မင်းတို့နှစ်ယောက်ပဲ သွားတွေ့တယ်..လို့ နှစ်ဦးလုံးရဲ့ အပြစ်တွေကို အာဒီန၀ညာဏ်နဲ့ ရှင်းကနဲ မြင်လိုက်ရတာပေါ့
နောက်နောင်တော့ တော်ပြီတော်ပြီ မင်းတို့တောင်းသမျှ လိုက်လုပ်ကြလို့ ကံသင်္ခါရတွေကနေ ဒုက္ခမျိုးစေ့တွေ ထပ်ထပ်ရနေရတာ ငါသိသွားပြီ မင်တို့လုပ်ဆောင်လည်ပတ်နေပုံကို ငါစိတ်ပျက်သွားပြီလို့ နိဗ္ဗိန္ဒညာဏ်ဖြစ်လာပြန်တယ်။
ဒီနောက်တော့ သူတို့နဲ့အတူမနေချင်တော့ပါဘူးလေ ဒီအပျက်ဒုက္ခတွေကြားကနေ ဘယ်လိုလွတ်မြောက်အောင်ကြံရပါ့ဆိုတော့ လွတ်မြောက်လိုတဲ့ မုဉ္စိတုကမျတာညာဏ်လာပြန်ရော ။
နောက်တော့ ရှုးရှုးဒိုင်းဒိုင်းနဲ့ တဖက်သားတွေလှည့်အပြစ်တင်နေတဲ့ ညာဏ်က ကဲဖြစ်သမျှအကြောင်းတော့ မထူးတော့ပါဘူးလေ ကမိတဲ့ဇာတ်ထုတ်တော့ မိုးလင်းအောင်ကရတော့မှာပဲ နောက်ဆက်မမိုက်ပြီးရောပေါ့ဆိုပြီး အမှုမှန်ပေါ်ပြီးတဲ့တရားခံတွေကို အပြစ်ထပ်မဆိုတော့ပဲ ဒီဖြစ်ပျက်သဘောကြီးကိုလည်း တဏှာဒိဋ္ဌိနဲ့မစွဲယူတော့ပဲ ဥပေက္ခာပြုကာ မျက်နှာလွှဲပစ်လိုက်တယ် သင်္ခါရုပေက္ခာညာဏ်ပေါ့ ။
နောက်တော့ မိမိအလုပ်ဖြစ်တဲ့ ဖြစ်ဟန်ပျက်ဟန်လေးကိုကြည့်မြဲတိုင်းစိုက်ကြည့်နေရင်း အဖြစ်နောက်မှာလည်း ညာဏ်လေးကကပ်သိနေတယ် အပျက်နောက်မှာလည်း ညာဏ်လေးကကပ်သိနေတယ်။ ဒီအဖြစ်နဲ့အပျက်ကို အဖန်ဖန်ရှဖန်မြင်ဖန်များလာတော့ ညာဏ်အားလည်းကောင်းသထက်ကောင်းလာပြီး မနားတမ်းဝါးနှစ်လုံးကိုတရစပ်ပွတ်နေရင် အပူလွန်ပြီး မီးထတောက်သလို မီးထတောက်သည်နှင့် အပွတ်လည်းရပ်လိုက်သလို
ဖျတ်ဆို ညာဏ်မီးထတောက်တော့တာပေါ့ ဒီတင် ဒီညာဏ်မီးတောက်ကလေးက အ၀ိဇ္ဇာဆိုတဲ့ အမှန်တရားကို ပိတ်ကာထားတဲ့သဘောရဲ့ တစ်ထပ်တစ်လွှာကို လောင်မြိုက်ပစ်လိုက်ပါတယ် ၊ဒီညာဏ်မီးတစ်ပြိုက်မှာပဲ အယူမှားတဲ့ မိစ္ဆာဒိဋ္ဌိနဲ့ လမ်းမှန်လမ်းမှား မခွဲခြားနိုင်တဲ့ ၀ိစိကိစ္ဆာသဘောကိုလည်း အပြတ်ရှို့မြိုက်ပစ်လိုက်တော့ လမ်းမှန်ကိုလည်းမြင်ရတယ်၊လမ်းမှန်သိသွားမှတော့ လမ်းဖြောင့်သွားပြီပေါ့ဗျာ ။
ဥပမာတစ်နည်းနဲ့ ပြောရမယ်ဆိုရင် ဓားသွေးကျောက်ပေါက်မှာ တုံးနေတဲ့ဓားသွားကို မြမြထက်အောင်သွေးရင်း ဓားထက်လာတော့ လမ်းပိတ်နေတဲ့ ခြုံနွယ်တွေကို တစ်ချက်ထပြီး အားပါပါခုတ်ချလိုက်တာ တစ်ချက်ထဲနဲ့ လမ်းပိတ်နေတဲ့ သစ်ပင်နှစ်ပင် တိကနဲ ပြတ်ကျသွားတာတွေ့လိုက်ရတယ်။ ဒါပေမယ့် သူတို့နှစ်ပင်ထက် ခိုင်လည်းခိုင်တုပ်လည်းတုပ်တဲ့ ကိလေသာပင်ကြီးတွေကကတော့ ကျန်သေးတာပေါ့ ဒီတင် ဓားသွေးဆရာက ပြတ်သွားတဲ့အပင်တွေကိုိတစ်ချက် ကျန်နေသေးတဲ့အပင်ကြီးတွေကိုတစ်ကြိမ် ခုတ်ဖြတ်လိုက်ပုံ ခုတ်ဖြတ်လိုက်လို့ တိကနည်းပြတ်ကျသွားပုံ နောက် ထိုနှစ်ပင်ရှင်းသွားလို့ မိမိသွားရမယ့် လမ်းမတော်ကြီး ထီးထီးပေါ်လာပုံကို ကြည့်ကာ အားရ၀မ်းသာဖြစ်နေသလိုပေါ့ ။
အရှုခံနဲ့ ရှုညာဏ်ကို တစ်ထပ်ထဲကျအောင် ညာဏ်ဓားသွေးနေရင်းက မြမြထက်လာတဲ့ ညာဏ်ဓားနဲ့ ကိလေသာပင်တွေတစ်ချက်ထခုတ်လိုက်တော့ အမြင်မှားမှူ မိစ္ဆာဒိဋ္ဌိနဲ့ မဝေခွဲနိုင်မှု ၀ိစိကိစ္ဆာပင်တွေ တိကနဲ ပြတ်ကျသွားပါသတဲ့ ။ နောက်တော့ ခုတ်ဖြတ်ပစ်လိုက်တဲ့ ဒိဋ္ဌိ ၀ိစိကိစ္ဆာဆိုတဲ့ ပေါင်းပင်နှစ်မျိုး(ပယ်ပြီးကိလေသာ) နဲ့ ကျန်တဲ့လမ်းပိတ်နေတဲ့ ကိလေသာပင်တွေ(ကြွင်းကိလေသာ)ကိုတစ်ချက် ခုတ်ဖြတ်လိုက်ဟန်(မဂ်)သစ်ပင်များ ပြတ်ကျသွားပုံ (ဖိုလ်)၊ ကိလေသာပင်နှစ်ပင်ဆိုဆိုသလောက် ရှင်းကနည်းဖြစ်သွားတဲ့ နေရာလွတ်တစ်ခုကနေ မိမိသွားရမယ့်လမ်းမတော်ကြီးနဲ့ ရောက်ရှိမယ့် သုခရွှေမြို့တော်ကြီး (နိဗ္ဗာန်)ကိုလည်းလှမ်းမြင်လိုက်ရတာကို ကြည့်ပြီး ကြည်နူးနေမိပါသတဲ့ (ပေစ္စ၀က္ခဏာသဘော) ။
ဒီနောက်မှာတော့ သူ့သီလက စောင့်သီလမဟုတ်တော့ပဲ အမြဲထာဝရ ဒုစရိုက်ဒုရာဇီဝတွေကို မလုပ်တော့ပဲ တည်သီလဖြစ်လာပြီး အသက်သာအသေခံမယ် သီလတော့အပျက်မခံဘူးဆိုတဲ့ လူကောင်းပကတိဘ၀ရောက်လာပါတော့တယ်။ ဓမ္မဒိဋ္ဌာန်ကျကျရှုမြင်သုံးသပ်လာတယ် ။ မှန်မှန်ကန်ကန်ပြောဆိုလာတယ်။ ကောင်းမွန်စွာအသက်မွေးတယ် ။အရင်ကလည်း ဒီစီးပွားရေးပဲ ခုလည်း ဒီစီးပွားရေးပဲနော် စီးပွားရေးကတော့မပြောင်းပါဘူး။ ဒါပေမယ့် သဘောထားတွေတော့ပြောင်းသွားပြီး အရင်က သူ့ထက်သာရင်မနာလိုဘူး ပြိုင်ဖက်ဒုက္ခရောက်တာ မြင်ချင်တယ် ကြားချင်တယ် ။ ခုတော့ အဲလိုတွေမဟုတ်တော့ဘူး ငါချမ်းသာသလို သူလည်းလည်းချမ်းသာပါစေဆိုတဲ့ ကိုယ်ချင်းစာစိတ်အပြည့်ရှိတဲ့သူတစ်ယောက် ဖြစ်လာတော့တာပေါ့။ (ဒါကိုလောကုတ္တရာမဂ်မှာ မဂ္ဂင်ရှစ်ပါး ပြည့်သွားပြီလို့ ဆိုကြတာပါ )
နိဗ္ဗာန်သွားတဲ့ မဂ္ဂင်လမ်းမတော်ကြီးပေါ် စတင်ခြေချမိပြီး ဆက်လျှောက်ရင် တစ်ထိုင်ထဲနဲ့လည်း နိဗ္ဗာန်မြို့တော်ရောက်တော့မှာသေချာတယ် ။ ဆက်မလျှောက်ပဲ နားနားနေနေ နေသူအတွက်ကလည်း အလွန်ဆုံး ခုနစ်ဘ၀ပဲ ကြာတော့မယ် တစ်နေ့တစ်လံ ပုဂံဘယ်ရွေ့ နိဗ္ဗာန်မြို့ကြီးလှမ်းမြင်ပြီးကာမှတော့ လမ်းမပျောက်တော့ဘူးလို့ ဆိုပါတယ်။ ဒါ့ကြောင့် ဘုရားရှင်ကိုယ်တော်မြတ်က သီလ၀ါ- ဒိဋ္ဌိဝိစိကိစ္ဆာကို အမြစ်ပါ ပယ်သတ်ပြီးသူမှာ ၀ိရတီမဂ္ဂင်သုံးပါးပါ တပြိုင်နက်ပါဝင်လာကြလို့ လောကုတ္တရာသီလရှိသူ သီလ၀ါတစ်ယောက်ဖြစ်သွားပြီ မှန်ကန်တဲ့ ညာဏ်အမြင်နဲ့လည်း ပြည့်စုံနေပြီဖြစ်လို့ ဒဿနေန သမ္ပန္နောလို့ ဆက်လက်ဟောကြားတော်မူခဲ့တာ ဖြစ်ပါတယ်။
နတ်သုဒ္ဓါထမင်းမစားရခင်တုန်းက ပြောင်းထမင်း ဆန်ကြမ်းကို အငမ်းမရစားလာခဲ့တဲ့ ဆင်းရဲသားဟာ နတ်သုဒ္ဓါဟင်းကောင်းကို တစ်ကြိမ်စားပြီးတဲ့နောက်မှာတော့ ထမင်းကြမ်းကိုသိပ်စားမ၀င်တော့ပါဘူး ပိုပြီး နူးညံ့ချိုသာတဲ့ နတ်သဒ္ဓါပဲ အာရုံရောက်ရောက်သွားသလိုပဲ ထိုသောတာပတ္တိမဂ်ညာဏ်နဲ့ နိဗ္ဗာနကို မမြင်ရခင်အထိတော့ မြက်မှန်စိမ်းတပ်ပြီး မြက်ချောက်တွေလိမ်ကျွေးခံထားရတဲ့နွာဟာ အားရပါးရစားနေသလို အ၀ိဇ္ဇာဆိုတဲ့မျက်မှန်စိမ်းတတ်ထားခံခဲ့ရတော့ ၀တ္ထုကာမ ကိလေသာကာမတွေကို အားရပါးရ တဏှာဒိဋ္ဌိတွေနဲ့ မြိုသွင်းစားသောက်မိခဲ့တာပေါ့ ခုတော့ သောတာပတ္တိမဂ်ညာဏ်နဲ့ နိဗ္ဗာန်ကြီးကိုလည်း မြင်ပြီးရော ကာမဂုဏ်ငါးပါးကို ဖုတ်လေတဲ့ငပိ ရှိတယ်တောင် မထင်တော့ပါဘူး နိဗ္ဗာန်ကြီးကို ရှုချင် မြင်ချင် အေးငြိမ်းချမ်းသာမှုကြီးဆီကို ရောက်ချင်စိတ်သာ ပြင်းထန်ပြီး ကာမဂုဏ်တွေအနံ့သိပ်မခံချင်တော့ပါဘူး ။ဒါ့ကြောင့် မြတ်စွာဘုရားက ကာမေသု ၀ိနေယျ ဂေဓံ လို့ ထပ်မံဟောကြားတော်မူပြန်တာပါ။
ဒီလိုနဲ့ ကာမဂုဏ်တွေပါးလာရင် သက္ကဒါဂါမ် ၊ ကာမဂုဏ်တွေကို လုံးဝဆက်စုပ်ရွံရှာလာရင် အနာဂါမ်အဆင့်ကနေ အရဟတ္တဖိုလ်ပေါက် နိဗ္ဗာန်ရောက်ရတော့မှာဖြစ်ပါတယ်။
အနာဂါမ်အဆင့်ကနေဆက်မတက်နိုင်ရင်တောင်မှ သေလွန်ရင် သုဒ္ဓ၀ါသဘုံသို့ရောက်သွားပြီး ထိုဘုံမှာပဲ ပရိနိဗ္ဗာန်စံဝင်ပါလိမ့်မယ်၊ နောင်တစ်ဖန်တော့ ပဋိသန္ဓေအနေနဲ့ ပြန်လာမှာမဟုတ်တော့ပါဘူး..
လူကြီးဖြစ်မှ နိဗ္ဗာန်ရမည်
အရွယ်လေးရောက်လာတော့ မိမိမသိနားမလည်ခင်တုန်းက ပူဆာလို့ရထားတဲ့ ကစားစရာ အုန်းလက်မြင်းရုပ်တွေ အိုးဖုတ် ချိုးရုပ်တွေကို အမှိုက်ပုံးထဲသွားစွန့်လိုက်သလို ၀တ္ထုကာမ ကိလေသာကာမတွေအပေါ်မှာ တပ်မက်မှုမရှိတော့ပဲ စိတ်ကလွတ်မြောက်နေပါတော့တယ်။
ဘေးဒုက္ခတွေပတ်လည်ဝိုင်းနေတဲ့ သားရဲတွင်းကြီးထဲကနေ ဖောက်ထွက် လွတ်မြောက်သွားတာနဲ့ အဲဒီနေရာကို ဘယ်တော့မှ တစ်ဖန်ပြန်မလာတော့သလို ဘ၀ခန္ဓာကနေ ရွံရှာစက်ဆုပ်လို့ ပြေးထွက်သွားသူ အရိယာသူတော်စင်ကြီးဟာလည်း ဘယ်တော့မှာ နောက်ပြန်လှည့်လာပြိး ဒုက္ခခံရဖို့ ပဋိသန္ဓေနေတော့မှာမဟုတ်တော့ဘူး၊ ဒါ့ကြောင့် ဘုရားရှင်က န ဟိ ဇာတုဂ္ဂဗ္ဘသေယျ ပုန ရေတိ လို့ ဟောကြားတော်မူလိုက်ပါတယ်။
အထက်ပါအတိုင်း ဘုရားရှင်ကိုယ်တော်မြတ်က မေတ္တာကမ္မဋ္ဌာန်းမှာ ၀ိပဿနာကူးပုံကို အသေးစိတ် နားလည်သဘောပေါက်အောင် ရှင်းလင်းဟောကြားပေးတော်မူပြီးနောက်
“ကဲ ချစ်သားတို့ တောမှာသွားပြီး မေတ္တာကမ္မဋ္ဌာန်းပွားများမည့် ချစ်သားတို့လိုက်နာပြုကျင့်ရမယ့် ကျင့်ဝတ်ဆယ့်လေးခု ရှောင်ကြဉ်ရမယ့် ကျင့်ဝတ်တစ်ခုနဲ့ မေတ္တာပွားများပုံ ဆယ့်တစ်နည်း ၊ မေတ္တာပွားများရမည့်သူရဲ့ စိတ်ထား ၊မေတ္တာပွားများရမည့် အရပ်မျက်နှာ ၊ မေတ္တာပွားများရမည့် ဣရိယာပုဒ် ။ မေတ္တာဈာန်မှ အတ္တဒိဋ္ဌိခွါကာ ၀ိပဿနာတင်ပုံ ၊ မဂ်ပေါက်ဖိုလ်ဝင် နိဗ္ဗာန်မြင်ပုံ အလုံးစုံကိုဟောကြားပေးတော်မူခဲ့ပြီးဖြစ်တယ်။
ဒီတော့ မိမိတို့လာရာလမ်းကိုပြန်ကြွကြပြီး ထိုနတ်ကြမ်းတောမှာသာ တစ်ဖန်သွား၍ တရားအားထုတ်ကြကုန်လော့ ၊ မေတ္တာလက်နက်ကိုယ်စီဆွဲကိုင်ကာ တဖန်ရောက်လာကြကုန်သော သင်တို့အား ဟိုအရင်တစ်ခါကကဲ့သို့ ဒုက္ခပေးမချောက်လှန့်ကြတော့ ဒုက္ခမပေးကြတော့ပဲ သင်တို့အကျိုးစီးပွားသာ လိုလားစောင့်ရှောက်မှုပေးကြပါလိမ့်မယ်” ..လို့ နှစ်သိမ့်မှုပေးကာ တရားအားထုတ်ဖို့စေလွှတ်တော်မူလိုက်ပါတယ်။
မေတ္တာသုတ်ပရိတ်တရားကို နာယူနေကြသော ထိုရဟန်း(၅၀၀)တို့ကလည်း“ကောင်းလှပါပြီ မြတ်စွာဘုရား ။ ဘုရားတပည့်တော်များထိုတောအရပ်သို့ တဖန်ချဉ်းကပ်ပြီး ၀ဋ်ဘ၀ကိုအဆုံးသတ်ပြီး မဂ်ဖိုလ်နိဗ္ဗာန်ရသည်အထိ
ကြိုးစားအားထုတ်ကြပါမည်ဘုရား” လို့ ကတိပေးလျှောက်ထားကာ ထိုတောအုပ်သို့ တဖန်ပြန်ကြွလာခဲ့ကြပါတယ်။
ရဟန်းတော်ငါးရာတို့လည်း ထိုတောအရပ်ပြန်ရောက်လာကြပြီး မေတ္တာကမ္မဋ္ဌာန်းများ စီးဖြန်းပွားများကြတဲ့အခါမှာတော့ သူတို့ရဲ့မေတ္တာဓာတ်ဟာ ထိုတောစောင့်နတ်တို့ စိတ်နှလုံးထိ ကူးစက်သွားရပါတော့တယ်။ ရဟန်းတော်များမျက်နှာက ကြည်လင်နေတော့ ဖူးမ၀လို့ ဖူးမ၀လို့ဆိုပြီး အကြိမ်ကြိမ်လာရောက်ဖူးမြော်တယ်။
“အရှင်ဘုရား ဘာအလိုရှိပါသလဲ ဘုရား “
“အရှင်ဘုရား အလိုရှိတာမိန့်ပါဘုရား “
“ဒီတော ဒီတောင်မှာ ကြိုက်သလောက်သတင်းသုံးပါဘုရား “
“အရင်တစ်ခါလို တပည့်တော်များ မနှောက်ယှက်တော့ပါဘူးဘုရား “..နဲ့ ထိုရဟန်းတော်များပြန်ကြွသွားကြမှာတောင် စိုးရိမ်နေကြပြန်သတဲ့ ၊ ကဲဖြစ်ပုံနော် ။မေတ္တာပို့ခြင်း အကျိုးတွေပေါ့ဗျာ ။ ။
ရဟန်းတော်များလည်း နတ်အများရဲ့ ကူညီစောင့်ရှောက်ပေးမှုကြောင့် မပင်မပမ်း ချမ်းချမ်းသာသာ မေတ္တာကမ္မဋ္ဌာန်းကိုပွားများကာ ဈာန်သမာဓိများရကြတော့ ထိုဈာန်မှထကာ လက္ခဏာယာဉ်တင် ၀ိပဿနာရှုတော်မူကြပြန်ရာ ၀ါတွင်းမှာပင် ရဟန္တာဖြစ်တော်မူကြ၍ သီတင်းကျွတ်လပြည့်မဟာပ၀ါရဏာနေ့မှာ ပုထုဇဉ်မပါ ရဟန္တာငါးရာချည်းသက်သက် သုဒ္ဓပ၀ါရဏာ ပြုတော်မူနိုင်ခဲ့ကြပါသတဲ့။
ဒီတော့ မေတ္တာပွားများရကျိုးဟာ အကျိုးဆက်အနေနဲ့ မရေတွက်နိုင်အောင် များပြားလှပြီး အရဟတ္တဖိုလ်ပေါက် နိဗ္ဗာန်ကို မျက်မှောက်ပြုနိုင်တယ်လို့ ဆိုပါရစေ။
မေတ္တာဘာဝနာကမ္မဋ္ဌာန်း စီးဖြန်းရခြင်း အကျိုး(၁၁)မျိုးကိုတော့ ပဋိသမ္ဘိဒါမဂ်မှာ အောက်ပါအတိုင်း ထုတ်ဖော်ဟောကြားထားတော်မူခဲ့ပါတယ်။
မေတ္တာအကျိုး (၁၁)မျိုး
(၁) ချမ်းသာစွာအိပ်စက်ရခြင်း၊
(၂) ချမ်းသာစွာနိုးလာခြင်း၊
(၃) ယုတ်ညံ့သော အိပ်မက်ကို မမြင်မက်ရခြင်း၊
(၄) လူအများရဲ့ ချစ်ခင်လေးစားမှုကို ခံရခြင်း၊
(၅) နတ် ဘီလူး နာနာဘာဝတို့ချစ်ခင်နှစ်သက်ခြင်း၊
(၆) နတ်တို့အမြဲစောင်မခြင်း ၊
(၇) မီး၊ အဆိပ်၊ ဓားလက်နက်စသည်တို့ မကျရောက်ခြင်း
(၈) သူတစ်ပါးအကျိုးလိုလားမေတ္တာပွားနေသဖြင့် စိတ်အေးချမ်းကာ သမာဓိကောင်းလာခြင်း ၊
(၉) မျက်နှာအဆင်းသည် အထူးကြည်လင်ရွှင်လန်းနေခြင်း၊
(၁ဝ) အကြောဆွဲ မျက်ဖြူလန်မဖြစ်ပဲ စိတ်အေးချမ်းသာစွာ အသေကောင်းနဲ့ သေရခြင်း
(၁၁) မျက်မှောက်ဘ၀မှာ တရားထူးကို ထိုးထွင်းမသိနိုင်ခဲ့လျှင်တောင်မှ မေတ္တာဈာန်အစွမ်းဖြင့် ကိလေသာ ကာမဂုဏ်များကို ၀ိက္ခမ္ဘနပဟာန်အားဖြင့်ခွါထားပြီးဖြစ်၍ ကာမဘုံထက်တစ်ဆင့်မြင့်သော ဗြဟ္မာ့ပြည်သို့ ကပ်ရောက်ရခြင်း စသည့်အကျိုးတို့ဖြစ်ပါတယ်။
စာရှုသူအပေါင်းတို့ကို အကြောင်းတိုက်ဆိုင်မှပဲ ကျမ်းစာလာ မေတ္တာပွားများသူများနဲ့ လက်တွေ့မေတ္တာအကျိုးခံစားရပုံတို့ကို ဝေေ၀ဆာဆာ ဆက်လက်တင်ပြပေးပါဦးမယ်။
ယခုတော့ ကမ္မဋ္ဌာန်းတရားလာတောင်းကြတဲ့ ရဟန်းတော်များလည်း နတ်ကြီးတောပြန်သွားကြကာ တရားအားထုတ်တော်မူကြရင်း အရဟတ္တဖိုလ်ပေါက် နိဗ္ဗာန်ရောက်သွားတော်မူကြပြီဖြစ်၍ မေတ္တာသုတ်တော်အား ရေးဖွဲ့တင်ပြခြင်းကို ခေတ္တနားပါဦးမည်။
ကိုယ်စိတ်နှစ်ဖြာ ဘေးရန်ကွာ၍ ကျန်းမာချမ်းသာကြပါစေ မေတ္တာများစွာဖြင့်(လင်္ကာအရှင်-မုံရွာ)
No comments:
Post a Comment