*သာသနာပြင်ပ အားကျသူများ*

      ယခုခေတ် စာသင်သားတော်တော်များများ မကြာခဏပြောလေ့ရှိကြသည် ၊ခေတ်ဟောင်းပညာရေးစံနစ်အကြောင်း ၊ ပိုးသာကုန် မောင်ပုံစောင်းမတတ်ဘူးတဲ့ ။ အချိန်သာကုန်သွားတယ် စာသင်သားဘ၀လည်းဆုံး အချိန်ကုန်တာသာ အဖတ်တင်ပြိး ဘာတခုမှလည်း တိတိကျတျ မသိရဘူးတဲ့ ။စာပေသင်အံပို့ချနေကြခြင်းရဲ့ အဓိကပန်းတိုင်နဲ့ ရည်ရွယ်ချက်ကိုလည်း သေချာကျန စဉ်းစားမိကြဟန်မတူပါဘူး ။ လတ်တလောပစ္စက္ခဘာမှအကျိုးမရဘူးလို့ ထင်ကြရပေမယ့် ဒီစာပေပရိယတ်ဆိုတဲ့ မြေပုံကိုရမှ မိမိတို့တစ်ဆင့်တက်လှမ်းကြမယ့် ပဋိပတ်စခန်းမှာ လမ်းမမှားကြမှာပါ ။ နောက်တဖန် စာပေသင်အံပို့ချနေတာကိုက ဓမ္မာနုဿတိပွားပြီး မိမိစိတ်မှာဖြစ်ပေါ်လာမယ့် အကုသိုလ်တွေကို တားဆီးပိတ်ပင်နေကြတယ်ဆိုတာ ရိပ်မှရိပ်မိကြပါလေစ။ 
     တောင်မြို့မဟာဂန္ဓာရုံဆရာတော်ဘုရားကတော့ စာပေသင်အံပို့ချရင်း သာသနာမှာပဲ ပျော်မွေ့နိုင်ကြဖို့ စာတန်ခိုး ဆိုတဲ့ကဗျာတစ်ပုဒ်ကို ရေးသားသီကုံးတော်မူခဲ့ဖူးပါတယ်

စာချစာသင်..အလုပ်ခွင်ဝယ်

အစဉ်မွေ့လျော်..များသူတော်တို့

ရွှင်ပျော်လုံ့လ...သဒ္ဓါကြွ၍

ဥာဏစင်ဖြူ...သင်ယူမူကား..

ထိုသူစီးပွား..သုတများဖြင့်...

စဉ်စားဥာဏ်ဝယ်...အမြင်ကျယ်၏..

မကွယ်စေကာ..ကိလေသာလည်း..

သူငါရုန်းကြမ်း...ဖြစ်စတမ်းမို့...

ဗရမ်းဗတာ..ဖြစ်မလာဘဲ..

က္ကုသာမစ္ဆေရ..မထကြွဘူး..

ရာဂ.ဒေါသော..မာန..မောတို့

အပြောကျယ်ကျယ်..သေးငယ်ငယ်မှ

စ၀ယ်ပဟာန်..တဒင်္ဂနှင့်

ဝိက္ခမ္ဘန..ပယ်နိုင်ကြသည်...

သင်ချအကျိုး...စာတန်ခိုး...

     

     အထက်ပါကဗျာလေးကိုဖတ်ရှုကြည့်လျှင်ပင် စာပေပရိယတ်သင်ယူကြရတာဟာ အကျိုးများလှတာတွေ့မြင်ရမှာပါ သို့သော်လည်း နှောင်းခေတ်စာသင်သားတချို့က ရဟန်းဘ၀ လူ့ဘ၀နှစ်မျိုးလုံးတို့မှာ အသုံးချနိုင်မယ့် အခြားပညာရပ်များကိုသာ အပတ်တကုတ်ကြိုးပမ်းအားထုတ်လာကြတာတွေတွေ့ရပါတယ် ။ 

    ရဟန်းတော်တစ်ပါးကဆို သူနိုင်ငံခြားပညာတော်သင်အဖြစ်နဲ့ တက္ကသိုလ်တခုရောက်မှ အဲဒီကတက္ကသိုလ်ပါမောက္ခကြီးက အရှင်ဘုရား စာချတန်းမှာသင်ကြားခဲ့ရတဲ့ ဗြဟ္မဇာလသုတ်ကို အကျဉ်းချုပ်ပြောပြပါဆိုတော့ သူဘာတခုမှ မယ်မယ်ရရ ပြောမပြတတ် ပြောမပြနိုင်ခဲ့တဲ့အကြောင်း   ဆောင်းပါးတစ်ပုဒ်ရေးသားထားတာလည်း ဖတ်လိုက်ရဖူးတယ် ။

        မြန်မာနိုင်ငံက ဆရာတော်တစ်ပါးကလည်း သူ့အမြင်ဒဿနမှာ ခေတ်သစ်မှာဘောင်မ၀င်တော့တဲ့ ပရိယတ်ပညာသင်စံနစ်ကို ပြင်ပစ်ဖို့လိုအပ်နေပြိဖြစ်ကြောင်း ထောက်ပြပြောဆိုသွားခဲ့ပါသေးတယ် ။ ယင်းဒဿနာကိုလက်ဆုပ်လက်ကိုင်ပြုခွင့်ရကြတဲ့ ရဟန်းပျိုများကား အကျိုးမများလှဘူးဟုဆိုကာ လက်တွေ့အသုံးချ အင်္ဂလိပ်ဂရမ္မာစတာတွေကိုပဲ အပတ်တကုတ်သင်ယူလာကြတာတွေ များလာနေပါတယ် ။
     ယင်းကဲ့သို့သော အမြင်အမျိုးမျိုးလှိုင်းတံပိုးကြားမှာ ပရိယတ်ပညာတော်သင်ကျောင်းတော်ကြီးများကတော့ ကြိုးစားရုန်းကန် နေကြရဆဲပါပဲ ။

    အဆိုးဆုံးကြုံတွေ့ကြရတဲ့ အမြင်ဒဿနလှိုင်းတံပိုးတခုကတော့ “မင်းဘယ်လောက်ပဲ ဘုန်းကြီးဘ၀မှာ စာတတ်တတ် လူထွက်လို့ကတော့ နလပိန်းတုံး အသုံးမကျပါဘူးကွာ ၊ စာချတန်းအောင်ပါတယ်လို့ပြောရင်တောင် ။ဒါဆို ရေးတတ်ဖတ်တတ် (အဆင့်ထဲ)ထည့်လိုက်လို့ အပြောခံရတာပဲ ”တဲ့ ။

      ဒီလိုအမြင်တွေကိုဆွဲကိုင်လာတဲ့ခေတ်မှာ ရဟန်းတော်တစ်ချို့က သမိုင်းသုတေသီဆိုတာကို စိတ်ဝင်တစားလေ့လာကြတယ် ။တချို့ကဘာသန္တရ ၊ တချို့ကကဗျာအလင်္ကာ စတာစတာတွေဖက် ချိန်ခွင်လျှာ အလေးသာလာကြတာကို သတိထားမိတယ် ။ မန္တလေးနေတုန်းက တွေ့ခဲ့ရသေးတယ် သိုင်းပညာသင်ကြားကြတဲ့ ကိုရင်ကြီးများ တိုက်ရေးခိုက်ရေးမှာ ဘာများလုပ်ကြဦးမှာပါလိမ့် .....။ 

ဒါကတော့ ကျွန်ုပ်ပါဆင်နယ်အတွေးများဖြစ်လို့ စာဖတ်သူအနေနဲ့လည်း သဘောထားကွဲလွဲကောင်း ကွဲလွဲနိုင်တာပါပဲ။

   ကျွန်ုပ်တင်ပြပေးချင်တဲ့ သုတ်တော်တခုရှိပါသေးတယ် ၊ ယင်းသုတ်တော်ထဲမှာ မြတ်ဗုဒ္ဓကိုယ်တိုင်ကကို နှောင်းခေတ်ကိုထင်ဟပ်စေတဲ့ မိန့်မှာမှုတွေကို တွေ့မြင်ရလို့ပါပဲ ။ နောင်တချိန်မှာ သစ္စာတရားများ လေ့လာမှတ်သားနာယူကျင့်ကြံမှုကိုတော့ စိတ်ဝင်စားမှုနည်းပါးလာကြပြီး 

....…” ကဗျာဆရာတို့ ဖွဲ့ဆိုအပ်ကုန်သော၊ ကဗျာဆရာတို့ စီရင်အပ်ကုန်သော၊ ဆန်းကြယ်သော အက္ခရာ ရှိကုန်သော၊ ဆန်းကြယ်သော ပုဒ်ဗျည်းရှိကုန်သော၊ သာသနာတော်ပြင်ပဖြစ်သော တပည့်တို့ ဟောအပ် ကုန်သော သုတ္တန်တို့ကို ဟောပြောအပ်ကုန်သည် ရှိသော် နာယူလိုကြကုန်လတ္တံ့၊ နားထောင်ကြကုန်လတ္တံ့၊ သိလိုသော စိတ်ကို ဖြစ်စေကုန်လတ္တံ့၊ ထိုသုတ္တန်တရားတို့ကို သင်ယူအပ် အဖန်တလဲလဲ လေ့ကျက်အပ်၏ ဟူ၍ မှတ်ထင်ကြကုန်လတ္တံ့”  ကြိုတင်ဟောကိန်းထုတ်ထားတော်မူခဲ့တာကို ယခုခေတ်အခြေနေနဲ့ နှီးနှောတိုက်ဆိုင်ကြည့်နိုင်ကြဖို့ တင်ပြပေးလိုက်ရပါတယ်။  
    ဘုရားသားတော် ရဟန်းတော်များသည် ရဟန်းကိစ္စ ဓုရနှစ်ဖြာ၌သာ ကြိုးစားအားထုတ်တော်မူကြရင်း လောကအကျိုး ၊ သာသနာအကျိုး ၊ မိမိ၏အကျိုးကို ကြိုးစားဆောင်ရွက်နိုင်ကြပါစေကုန်။

                                   

                                                * အာဏိသုတ် *

      ရဟန်းတို့ ရှေးကဖြစ်ဖူးသည်ကား ဒသာရဟမင်းတို့အား အာနကမည်သော မုရိုးစည်သည် ရှိ၏၊ ဒသာရဟမင်းတို့သည် အာနကမည်သော မုရိုးစည်ကို တီးခတ်သည်ရှိသော် ထိုမုရိုးစည်အား အခြားမယ်န အစပ်ကို ထည့်သွင်း ဆက်စပ်ကုန်၏။ ရဟန်းတို့ အာနကမည်သော မုရိုးစည်၏ အဟောင်းဖြစ်သော စည်အခေါင်းသည် ကွယ်ပျောက်၍ မယ်နအစပ်သည်သာလျှင် ကြွင်းကျန် သော အခါမျိုးသည် ဖြစ်လေရာ၏။

      ရဟန်းတို့ ဤအတူသာလျှင် နောင်အခါ၌ ရဟန်းတို့သည် မြတ်စွာဘုရား ဟောတော်မူအပ်သော နက်နဲကုန်သော၊ နက်နဲသော အနက်သဘောရှိကုန်သော၊ လောကမှ ထွက် မြောက်ကြောင်းဖြစ်ကုန်သော၊ ဆိတ်သုဉ်းခြင်းသုညတနှင့် စပ်ကုန်သော သုတ္တန်တို့ကို ဟောအပ်ကုန်သည် ရှိသော် ကောင်းစွာ မနာယူလိုကုန်လတ္တံ့၊ နားမထောင်ကုန်လတ္တံ့၊ သိလိုသော စိတ်ကို မဖြစ်စေကုန်လတ္တံ့၊ ထိုတရားတို့ကို သင်ယူအပ် အဖန်တလဲလဲ လေ့ကျက်အပ်၏ဟု မမှတ်ထင်ကုန်လတ္တံ့။

     ကဗျာဆရာတို့ ဖွဲ့ဆိုအပ်ကုန်သော၊ ကဗျာဆရာတို့ စီရင်အပ်ကုန်သော၊ ဆန်းကြယ်သော အက္ခရာ ရှိကုန်သော၊ ဆန်းကြယ်သော ပုဒ်ဗျည်းရှိကုန်သော၊ သာသနာတော်ပြင်ပဖြစ်သော တပည့်တို့ ဟောအပ် ကုန်သော သုတ္တန်တို့ကို ဟောပြောအပ်ကုန်သည် ရှိသော် နာယူလိုကြကုန်လတ္တံ့၊ နားထောင်ကြကုန်လတ္တံ့၊ သိလိုသော စိတ်ကို ဖြစ်စေကုန်လတ္တံ့၊ ထိုသုတ္တန်တရားတို့ကို သင်ယူအပ် အဖန်တလဲလဲ လေ့ကျက်အပ်၏ ဟူ၍ မှတ်ထင်ကြကုန်လတ္တံ့။

     ရဟန်းတို့ ဤအတူ မြတ်စွာဘုရား ဟောတော်မူအပ်ကုန်သော နက်နဲကုန်သော၊ နက်နဲသော အနက်သဘောရှိကုန်သော၊ လောကမှ ထွက်မြောက်ကြောင်း ဖြစ်ကုန်သော၊ ဆိတ်သုဉ်းခြင်းသုညတနှင့် စပ်ကုန်သော ထိုသုတ္တန်တရားတို့၏ ကွယ်ပျောက်ခြင်းသည် ဖြစ်လတ္တံ့။

      ရဟန်းတို့ ထို့ကြောင့် ဤ သာသနာတော်၌ ''မြတ်စွာဘုရား ဟောတော်မူအပ်ကုန်သော နက်နဲကုန်သော၊ နက်နဲသော အနက်သဘော ရှိကုန်သော၊ လောကမှ ထွက်မြောက်ကြောင်း ဖြစ်ကုန်သော၊ ဆိတ်သုဉ်းခြင်းသုညတနှင့် စပ်ကုန်သော သုတ္တန်တရားတို့ကို ဟောအပ်ကုန်သည် ရှိသော် ကောင်းစွာ နာယူကုန်အံ့၊ နားထောင်ကုန်အံ့၊ သိလိုသော စိတ်ကို ဖြစ်စေကုန်အံ့၊ ထိုတရားတို့ကို သင်ယူအပ် အဖန်တလဲလဲ လေ့ကျက်အပ်၏ဟု မှတ်ထင်ကုန်အံ့''ဟု ဤသို့လျှင် သင်တို့ ကျင့်ရမည်ဟု (ဟောတော်မူ၏)။

                                                             (သြပမ္မသံယုတ်)