*****မိတ်ဆွေကောင်းနဲ့ ပေါင်းမိကြစေဖို့ (၁၄) *****

      ထိုရဟန်းတော်ငါးပါးတို့သည် ဘုရားနှစ်ဆူတို့၏အကြားကာလ၌ လူ့ပြည်နတ်ပြည် အစုံအဆန် စည်းစိမ်ချမ်းသာတို့ကိုခံစားကြပြီးလျှင် ကျွန်ုပ်တို့ဂေါတမဘုရားရှင်လက်တော်ရောက်သောအခါ ပါရမီများလည်းပြည့်ကြပြီဖြစ်သည့်အလျောက် ပစ္ဆိမဘ၀ိကသားများဖြစ်ကြသည့်အားလျော်စွာ ကျွတ်တမ်းဝင်ချိန်တန်၍ ဘုရားပွင့်စဉ်လူ့ပြည်မှာ ပြန်လည်မွေးဖွားလာကြပါတယ်။
ထိုအမျိုးသားငါးယောက်တို့မှာ
၁။ကုမာရကဿပ
၂။ဗာဟိယဒါရုစီရိယ
၃။သဘိယ ပရိဗိုဇ်
၎။ပက္ကုသာတိ (သို့) ပုက္ကုသာတိမင်း နှင့်
၅။မလ္လမင်း၏သား ဒဗ္ဗ
 ဟူ၍ထင်ရှားဖြစ်လာကြပါတယ်။

       ကုမာရကဿပရဲ့ဇာတ်လမ်းကလည်း ရင်နာဖွယ်ကြည်နူးဖွယ်တွေစုံလို့ပါပဲ ။ ရာဇဂြိုလ်ပြည်မှာ အိမ်ထောင်သားမွေးမလုပ်လိုပဲ ဥပုသ်သီတင်းကိုသာစောင့်ပြီး ဗြဟ္မစရိယအကျင့်မြတ်ကိုသာကျင့်နေတဲ့ အမျိုးကောင်းသမီးလေးတစ်ယောက်ရှိခဲ့ပါတယ်။ သူမ၏မိဖ သူဋ္ဌေးကြီးဇနီးမောင်နှံက အရွယ်ရောက်လာတော့ သမီးကညာအခါမလင့်စေနဲ့ဆိုတဲ့ ဆောင်ပုဒ်ကိုလက်ကိုင်စွဲပြီး သမီးကို အမျိုးဇာတ်တူသူ သူဋ္ဌေးသားလေးတစ်ယောက်နဲ့ အိမ်ထောင်ပြုဖို့နားချကြပါသတဲ့။ ဒါပေမယ့် သမီးအလိမ္မာလေးကလည်း ပါရမီရှင်မလေးပီပီ အိမ်ထောင်မပြုလိုကြောင်း အကြောက်အကန်ငြင်းဆိုတာပေါ့။

    ဒါပေမယ့် ထိုခေတ်ထိုအခါရဲ့ လူ့ဘောင်အဖွဲ့အစည်းဆိုတာ မိဘတို့စီမံတဲ့အတိုင်းသာ လက်ခံလိုက်နာကြရလေတော့
နောက်ဆုံးဘယ်လိုမှမလွန်ဆန်နိုင်သည့်အဆုံး သူဋ္ဌေးသားတစ်ဦးရဲ့ ဇနီးသည်ဘ၀ရောက်ရတော့တာပေါ့။ ထိုသူဋ္ဌေးသားလေးကိုအစွဲပြုပြီး သူဋ္ဌေးသမီးသူတော်စင်မလေးဟာ ပဋိသန္ဓေရလာပါတော့တယ် ။
  


       ထိုအမျိုးသမီးလေးရဲ့ဝမ်းထဲမှာရောက်လာသူကတော့ အဲခြားသူမဟုတ်ပဲ နောင်တစ်ချိန်မှာ ကုမာရကဿပထေရ်ရယ်လို့ တရားဓမ္မများဆန်းကြယ်စွာဟောကြားရင်း ကျော်ကြားထင်ရှားလာမယ့် ကုမာရကဿပအလျောင်းလျာလေးပဲဖြစ်ပါတယ်။
      လူ့ပြည်ရောက်လာခင် နတ်သားဘ၀တုန်းထဲက မိဖနှစ်ဖက်တို့မှ မြင့်မြတ်တဲ့စင်ကြယ်တဲ့ ထိုသူဋ္ဌေးလင်မယားရဲ့ သားလေးဖြစ်ဖို့ သေချာဆင်ခြင်စဉ်းစားပြီး ၀င်စားလာပုံပါပဲ ၊ဒါပေမယ့် ကုမာရအလောင်းလျာလေးဟာ ကံမကောင်းခဲ့ရှာပါဘူး။ သူ့ကိုပဋိသန္ဓေယူထားလိုက်ရပေမယ့် သူ့မယ်တော်စိတ်က အစထဲက အိမ်ထောင်သားမွေးကိစ္စတွေစိတ်ကုန်နေတာဆိုတော့ ဒီကိလေသာကာမဂုဏ်တောမှာနေရတာကို အရမ်းစိတ်ဒုက္ခရောက်နေရရှာတာပေါ့။
      သူဋ္ဌေးသားလေးကလည်း စိတ်ကောင်းရှိသူပီပီ ချစ်ခင်ကြင်နာစွာနဲ့မေးမြန်းပါတယ်။

      "ချစ်နှမကိုကြည့်ရတာ အရင်ကလောက်ပျော်ရွှင်ကြည်နူးပုံမရပါဘူး။ ကျန်းမာရေးများမကောင်းလို့လေသလား"
      "အိုမဟုတ်ပါဘူးအရှင် ၊ကျမပုံမှန်ပါပဲ"
"ဒါဆိုလည်းနှမဘာတွေဘယ်လိုဖြစ်လို့ စိတ်လက်မကြည်မသာဖြစ်ရတာလဲ ။အစ်ကို့အပေါ်အလိုမကျတာရှိရင်လည်း ပွင့်ပွင့်လင်းလင်းပြောပါ.."လို့ဆိုတော့
    "အစ်ကို့အပေါ်စိတ်အလိုမကျတာလည်းတစ်ခုမှမရှိပါဘူး၊ ဒါပေမယ့် ကျမကအရင်ထဲက အိမ်ထောင်သားမွေးအလုပ်တွေကို ငြီးငွေ့စက်ဆုပ်လို့ ဘိက္ခုနီမလုပ်ပြီးတရားအားထုတ်ချင်ခဲ့တာလေ။ ခုဖေဖေမေမေဆန္ဒကိုမလွန်ဆန်နိုင်လို့သာ အစ်ကို့အိမ်ရောက်ခဲ့ရပါတယ်။ စိတ်ထဲမှာတော့ ဖြစ်ချင်တာတစ်မျိုး ဖြစ်နေတာတစ်မျိုးနဲ့မို့ ၀မ်းနည်းနေမိတာပါ"

   ဒီစကားတွေကြားရတော့ သူဋ္ဌေးသားလေးကလည်း စိတ်ကောင်းနှလုံးကောင်းရှိသူပီပီ ။အင်း….ငါ့တော့ ကိလေသာကာမဂုဏ်ကိုစက်ဆုပ်နေတဲ့ သူတော်ကောင်းမလေးကိုမှ စိတ်ဒုက္ခပေးမိသလိုဖြစ်နေပြီ။ တစ်ဦးနဲ့တစ်ဦး စိတ်တူသဘောတူမဟုတ်ရင်လည်း အိမ်ထောင်သယ်ဘ၀နဲ့ သူမကိုချီနှောင်ပြီး လောကငရဲထဲဆွဲမသွင်းတော့ပါဘူးလေ။ သူမအလိုဆန္ဒပြည့်ဝဖို့ ငါဖြည့်ဆည်းလိုက်လျောရမှာပေါ့…လို့တွေးပြီး။
    ဒါဆိုငါ့နှမလေးစိတ်အလိုအတိုင်း ဘိက္ခုနီဝတ်နိုင်ဖို့ အစ်ကိုစီမံပေးပါ့မယ်ဆိုပြီး အခမ်းအနားအဆင်အယင်တွေနဲ့ မင်းကိုးကွယ်တဲ့ဘိက္ခုနီမကျောင်းသွားပို့ကာ ဘိက္ခုနီမလေးဝတ်စေပါသတဲ့။

    သူမအလိုအတိုင်း ဘိက္ခုနီတော့ဝတ်ခွင့်ရပါရဲ့ သူမတို့လင်မယားသွားဆည်းကပ်မိတဲ့ကျောင်းက ဘုရားရှင်ရဲ့ ရဟန်းကောင်းတွေနေတဲ့ကျောင်းမဟုတ်ပဲ ဒေ၀ဒတ်ရဲ့တပည့်မ ဘိက္ခုနီမတွေနေတဲ့နေရာဖြစ်နေတာပေါ့ ။အစပထမတော့ သူဋ္ဌေးမျိုးကတောင် ရဟန်းမ၀တ်လာတယ်ဆိုပြီး အရမ်းအရေးပေးကြပါတယ်။ သူမရဲ့ဝမ်းထဲမှာ ကိုယ်ဝန်မျိုးစေ့ကလေးကပါလာတာ သူတို့လည်းမသိကြဘူးလေ။
      ဒါပေမယ့် တစ်နေ့ထက်တစ်နေ့ သူမ၀မ်းဗိုက်က အရင်နဲ့မတူတော့ဘူး ကိုယ်ဝန်သည်ကဲ့သို့ဖြစ်လာပြီလေ။ ဒီတော့မှ မျက်လုံးပျုးကုန်ကြတယ် ။
ဒါဘယ်သူ့လက်ချက်လဲ…ဘယ်သူနဲ့ကျုးလွန်မှောက်မှားမိတာလဲ…
တီးတိုးတီးတိုးစသည်ပေါ့လေ။

      ထိုသူဋ္ဌေးသမီးဘိက္ခုနီမလေးလည်း တရားလိုလို့ရဟန်းမလုပ်လိုက်ကာမှ ဘယ်ကဘယ်လိုကိုယ်ဝန်ရလာတယ်ဆိုတာ တွေးမရအောင်ပါပဲ။ သူမလည်း သူ့လင်တော်မောင်ကလွဲလို့ ဘယ်သူတစ်ဦးတစ်ယောက်နဲ့မှ
မဖောက်ပြားခဲ့ဖူးဘူးလေ။ ဒါပေမယ့် အခုလိုကိုယ်ဝန်ပေါ်မှာ မောင်တော်ရေ ကျမကိုလာခေါ်ပါတော့လို့ သူဋ္ဌေးသားလေးကို အကြောင်းကြားလို့ကလည်းမဖြစ်တော့ဘူး အခြေနေတွေကလည်းလွန်ကုန်ပြီ ဘိက္ခုနီမ၀တ်ခဲ့မိပြီ။

           နောက်ပြီး ဒီဘိက္ခုနီမတွေရဲ့ကုိုးကွယ်အားထားရာကိုကြည့်ပြန်တော့လည်း ဘုရားရှင်မဟုတ်ပဲ သံဃာသင်းခွဲထွက်လာတဲ့ ရှင်ဒေ၀ဒတ်အသင်းပင်းတွေ။ အခုချိန်ကျမှ ဘုရားကျောင်းတော်သွားရင်လည်း ကိုယ်ဝန်ရမှ ဘုရားရှင်ကိုသိက္ခာကျစေတယ်ဆိုပြီး ငါ့ကိုပြောကြတော့မှာပဲ။ ငါ့ကံကိုက ဆိုးလွန်းလှပါတယ်ဆိုပြီး နေ့စဉ်နဲ့အမျှ မျက်ရည်နဲ့ မျက်ခွက်ဖြစ်ရရှာပါတော့တယ်။

      ဒေ၀ဒတ်အသင်းပင်းဘိက္ခုနီတွေဟာလည်း နောက်ဆုံးမကြံတတ်တော့ ဆရာဒေ၀ဒတ်သွားလျှောက်ထားကြရတော့တယ်။ သူဋ္ဌေးသမီးလေးကလည်း သူသီလမပျက်ပါဘူး ဘာမှမလုပ်ပါဘူး တွင်တွင်ငြင်းနေတယ်။ ဘယ်ကဘယ်လိုဒီသူဋ္ဌေးသမီး ကိုယ်ဝန်ရလာတာလဲပေါ့။ ဒေ၀ဒတ်ဆိုတာကလည်း တစ်ကိုယ်တော်အတ္တသမားတစ်ယောက်ကိုး အခုလိုအခက်ခဲကြုံလာတဲ့အချိန်မှာ ထိုသူဋ္ဌေးသမီးလေးကိုအကာကွယ်မပေးပဲ ဒီလိုဆို မလွယ်ဘူး ဒီကိုယ်ဝန်ငါနဲ့ရတယ်သာ နာမည်ထွက်ရင် ငါတော့အရှက်ကွဲတော့မယ်။ ဒီတော့ ဒီကောင်မလေးကို လူဝတ်လဲစေပြီး သူ့အိမ်သူပြန်လွှတ်လိုက်ပါလို့ အမိန့်ချလိုက်ပါသတဲ့။

     ဒီလိုကယ်သူမယ့်အခြေအနေတွေကြားထဲမှာ သူဋ္ဌေးသမီးဘိက္ခုနီမလေးကပြောလိုက်တယ် “အိုကျမလူတော့မထွက်နိုင်ဘူး။ကျမလင်တော်မောင်ကိုယ်တိုင် ကျောင်းလိုက်ပို့ပြီး သင်္ကန်းစီးပေးထားခဲ့တာ။ ကျမရဟန်းမ၀တ်ခဲ့တာလည်း ရှင်ဒေ၀ဒတ်ကိုကြည်ညိုလို့မဟုတ်ဘူး။ဘုရားရှင်ရဲ့သာဝကထင်လို့သာ ဒီကျောင်းတိုက်မှာဝတ်လာခဲ့မိတာ ။ရှင်ဒေ၀ဒတ်ရဲ့ ဒီလို  လက်လွှတ်စံပယ်ဆုံးဖြတ်မှူအောက်မှာ ကျမရည်ရွယ်ချက်အပျောက်တော့မခံနိုင်ဘူး။ ဘုရားရှင်ထံသာ ကျမကိုပို့ပေးကြပါ ကျမဘုရားရှင်မိန့်တော်မူတဲ့အတိုင်း နာခံမယ်လို့ ”အတင်းအကျပ်တောင်းဆိုတော့တာပေါ့။

    ဒီတော့မှ ဒေ၀ဒတ်အဖွဲ့သားများလည်း သူတို့လက်ကလွတ်အေးတာပဲ ။ဂေါတမဟာ မဟာကရုဏာရှင်ကြီးလုပ်နေတာပဲ သူကလေးမွေးနိုင်တယ်ဆို လက်ခံလိမ့်မပေါ့ဆိုကာ ဘုရားရှင်ထံခေါ်သွားပြီး ကိုယ်ဝန်သယ်ဘိက္ခုနီမလေးကို ထားပစ်ခဲ့ကြတာပေါ့။
     ဘုရားရှင်ကိုယ်တော်မြတ်ကြီးကတော့ ဒီသူဋ္ဌေးသမီးလေးရဲ့ ကိုယ်ဝန်ဟာ ၊ဘိက္ခုနီမ၀တ်ခင် လူ့ဘ၀ထဲက သူဋ္ဌေးသားလေးနဲ့ရတဲ့ကိုယ်ဝန်ဆိုတာ ကြိုတင်သိမြင်တတော်မူပြီးဖြစ်ပါတယ် ဒါပေမယ့် သာသနာတော်ကိုမကြည်ညိုသူတွေရဲ့ ကဲ့ရဲ့ပြစ်တင်စွပ်စွဲမှူဘေးမှလွတ်မြောက်စေဖို့ အဖြစ်မှန်ကိုအများသိအောင်လုပ်ဖို့လိုတယ်လေ။
      ဒါ့ကြောင့် ကောသလမင်းကြီးရော အနာထပိဏ်ကျောင်းဒါယကာကြီးနဲ့ ၀ိသာခါကျောင်းအမကြီးရော အခြားလူကြီးလူကောင်းဥပါသကာ ဥပါသိကာစုံညီစွာဖိတ်ကြားပြီး ဒီအမျိုးသမီးလေးကိုယ်ဝန်အရင့်အမာကာလုံနဲ့ ရဟန်းမပြုလုပ်ခဲ့ရာနေ့ရက်တို့ကို စိစစ်တွက်ချက်စေပါတယ်၊ ဒီဘိက္ခုနီမ ကိုယ်ဝန်သယ်လေးရဲ့ အမှုတွဲကိုလည်း ၀ိနည်းဓိုရ်ဆရာတော်ကြီး ဥပါလိမထေရ်အား အစအဆုံးအမှန်တိုင်းဖြစ်စေဖို့ တာဝန်လွှဲပေးလိုက်ပါတယ်။

     အရှင်ဥပါလိထေရ်လည်း ကောသလမင်းကြီးရှေ့မှောက်မှာပဲ ၀ိသာခါဥပါသိကာမကြီးကိုခေါ်စေ၍ သူမရဲ့ကိုယ်ဝန်ရရာကာလကို ကြည့်ရှူသုံးသပ်စေပါတယ်။ဝိသာခါလည်း တင်းတိမ်ကန့်လန့်ကာကိုကာစေ၍ ထိုဘိက္ခုနီမလေးရဲ့ ကိုယ်ဝန်သည်တို့သဘာဝအတိုင်း လက်ခြေဖောယောင်နေမှု မျက်နှာများအမ်းနေမှု၊ ချက်ရင်စတဲ့လျို့ဝှက်အပ်ရာဌာနတို့ရဲ့ သံဝါသပြုခဲ့ရာကာလအပိုင်းအခြားတို့စစ်ဆေးတွက်ချက်ကာ တိကျမှန်ကန်တဲ့အဖြေကိုထုတ်ပြီး။
       ဒီဘိက္ခုနီမကလေးရဲ့ ကိုယ်ဝန်ဟာ ရဟန်းမဘ၀မှာရတာမဟုတ်ပဲ ။လူ့ဘ၀ထဲက အိမ်ထောင်ရှင်အမျိုးသားနဲ့ရတဲ့ကိုယ်ဝန်သာဖြစ်ကြောင်း အတိအလင်းကြေညာလိုက်ပါတယ်။

       ထိုအခါကျမှ ဘုရားရှင်၊ ဥပါလိမထေရ် ။ဝိသာခါကျောင်းအမကြီးတို့ကျေးဇူးနဲ့
ကောသလမင်းသူဋ္ဌေးသူကြွယ်တို့ရှေ့မှောက်မှာပဲ ထိုသူဋ္ဌေးသမီးရဟန်းမလေးဟာ အလွန်စိတ်ချမ်းသာမှုကိုရသွားရပါတော့တယ်။
              Xxxxxxxxxxxxxxxxxxxxxxxxxxxxxxxxxxxxxxx
       ဒီလိုနဲ့ပဲ ကိုးလလွန်ဆယ်လမြောက်တော့ ဘိက္ခုနီမကလေးဟာ  သာဝတ္ထိနှင့် ဇေတ၀န်အကြားက ကောသလမင်းကြီးဆောက်လုပ်လှူဒါန်းထားတဲ့ ရာဇိကာရာမ ( ရာဇိကာရုံ ) ကျောင်းတိုက်အတွင်းမှာပဲ  အလွန်ချောမောလှပတဲ့သားငယ်ကလေးကို မွေးဖွားခဲ့ပါတယ်။

      ကလေးကိုမြင်လျှင်မြင်ခြင်း မိခင်ရဲ့ချစ်ခြင်းမေတ္တာဟာ စမ်းရေပမာတသွင်သွင်စီးဆင်းလာပြီး အရင်တုန်းကကြုံခဲ့တွေ့ခဲ့ရတဲ့ ဘ၀အခက်ခဲသုက္ခ၊ဒုက္ခတွေလည်း အကုန်လုံးပြေပျောက်ပြီး ရေထိပန်းလို လန်းလာပါတော့တယ် ။သားကလေးဟာသူမဘ၀
သူမရဲ့ ပျော်ရွှင်မှူတစ်ခုလိုဖြစ်လာပါတော့တယ်။ဒီသားကလေးကိုလည်း အရိပ်တကြည့်ကြည့်နဲ့ပေါ့၊အနားကကိုမခွါနိုင်တော့ဘူး။ တရားလည်းမေ့ဘုရားလည်းမေ့ဆိုတာလိုပဲ။

     တစ်နေ့ ကောသလမင်းကြီး ဘိက္ခုနီမကျောင်းဘေးကနေ ဖြတ်အသွားမှာ ကလေးငယ်လေးရဲ့ စူးစူးဝါးဝါး အော်ငိုနေသံကိုကြားရတော့ ။
     ဟ ဘိက္ခုနီမတွေဆီကလည်း ကလေးငိုသံကြားနေရပါလား…
ဘယ်လိုဖြစ်တာတုန်းဆိုမှ မင်းတိုင်ပင်အမတ်ကြီးက ၀င်လျှောက်ထားလိုက်ရမယ်။

       "မင်းကြီး ဒီကလေးငယ်လေးက ဟိုတခါ မင်းကြီးကိုယ်တိုင် တရားအဆုံးဖြတ်ပေးခဲ့ရတဲ့ ဘိက္ခုနီမကလေးကမွေးတာပါ"
   " သြော်ဟုတ်ပေသားပဲ ၊ ဘုရားကျောင်းကန်နဲ့ ကလေးငိုသံ ဟန်မကျသေးပါဘူးအမတ်ကြီးရယ်။ အခြားဘိက္ခုနီတွေ တရားမှတ်ပျက်ကုန်ပါ့မယ်။ အဲဒီကလေးကို မင်းကြီးမွေးစားတော်မူမယ် ..နန်းတော်ယူခဲ့ကြလုိ့ အမိန့်တော်ချလိုက်ပြန်ပါတယ်"

        သူတော်ကောင်းသတို့သားလောင်းကလေးဖြစ်တဲ့ကုမာရကဿပ အလောင်းလျာလေးရဲ့ ကံဇာတာကလည်း အခုတက်လိုက်အခုကျလိုက်ဆိုတာလိုပဲ အရှင်မွေးတော့ နေ့ချင်းကြီးဆိုတာလို ပထမ သူဋ္ဌေးသမီးလေးဝမ်းထဲမှာ ၀င်စားခဲ့ပေမယ့် ကံမကောင်းအကြာင်းမလှတော့
ဒေ၀ဒတ်အသင်းပင်းထဲရောက်ရတယ်။ ဒါပေမယ့် ဒီကလေးရဲ့ ဘုန်းကံပါရမီက ဒေ၀ဒတ်နဲ့မအပ်စပ်ဘူးလေ ဘုရားရှင်ထံမှောက်ရောက်လာပြီး ဘုရားကျောင်းကန်အတွင်းမှမွေးလာခဲ့ရတယ်။ သာသနာတစ်လျှောက်လုံး မွေးမွေးချင်းသင်္ကန်းပတ်ခွင့်ရတာတော့ ဒီသားငယ်ကလေးတစ်ဦးနေမှာပါပဲ။

       အခုတဖန် မင်းကြီးက သူမွေးစားမယ်ဆိုပြန်တော့
ဘုရင့်သားတော်လေးဖြစ်သွားရပြန်ပြီပေါ့။မင်းကြီးက
ကလေးနာမည်ကိုတော့ ကဿပလို့ ပေးလိုက်ပါသတဲ့။

       ဒါပေမယ့် ဒီဘိက္ခုနီမသား ကဿပကလေးဟာ ကံတွေကဆိုးပြီးရင်း ဆိုးတုန်းပြောရမှာပါပဲ ၊အဲခြားကလေးတွေနဲ့သွားကစားလို့ ရန်ဖြစ်ရင် သူ့ကိုကလေးအချင်းချင်းးနှိမ်ကြတယ် "အမေမရှိတဲ့ အမိမဲ့သား
ကောသလမင်းကြီးက သနားလို့ကောက်မွေးစားထားတဲ့ကောင်…"တဲ့။
     ကလေးငယ်လေးပီပီ သူရင်နာတယ် ဒီလိုပြောတာမခံနိုင်တော့
ကောသလမင်းကြီးကို အကြိမ်ကြိမ်မေးတယ်

     "ခမည်းတော်မင်းကြီး သားတော်ကို မိဘမရှိလို့ ကောက်မွေးစားထားတာဆို"
    "ဟာ …မင်းကိုအဲဒါဘယ်သူပြောလဲ ငါ့သားမို့ မင့်ကိုငါကမွေးထား အဆောင်အယောင်တွေပေးထားတာပေါ့ကွဲ့ "
"ဒါဆို သားရဲ့မယ်တော်ကဘယ်သူလဲပြောပြပါ "

        ကောသလမင်းကြီးလည်း အနီးနားရှိနို့ထိမ်းတွေထဲက တစ်ယောက်ကို မျက်စိမှိတ်ကာ အချက်ပေးလိုက်တယ် ၊ထိုနို့ထိမ်းတွေထဲကတစ်ယောက်ထွက်လာပြီး ကလေးကိုပွေ့ရင်း ပြောလိုက်တယ်။

     "သားကမေမေ့သားပေါ့ ကလေးရယ် မင့်ခမည်းတော်ကြီးက မင်းတတြားကြီးပေါ့ သားအဲလိုတွေလျှောက်မမေးရဘူးလေ ။ သူများတွေက မနာလိုလို့ပြောတာ.."
    ဒီလိုဖြေသိမ့်လိုက်တာကိုပဲ ကလေးဆိုတော့ စိတ်ကျေနပ်သွားတာပေါ့။ နောက်ရက်ကလေးတွေနဲ့သွားကစားတော့ သူကကြွားပြီပေါ့ ။မင်းတို့ပြောသလိုငါ့မှာ အမေမရှိဘူးဆိုတာမဟုတ်ဘူးကွ ငါ့မှာ မေမေရှိတယ်။
   ကလေးတွေက ၀ိုင်းဟားကြတယ်။
" ဟေ့ကောင် မင်းကိုလှိမ့်လို့လှိမ့်နေမှန်းမသိဘူး ။ ငါတို့ကို လူကြီးတွေကပြောထားပြီးသား မင်းကိုသနားလို့ကောက်မွေးစားထားတာတဲ့  …."
   ဒီစကားတွေကြားရပြန်တော့ သူစိတ်တော်တော်ထိခိုက်သွားရတယ်။ မင်းကြီးထံသွားမေးပြန်တယ်
"ခမည်းတော်ကြီး အမှန်တိုင်းပြောပါ ကျနော့်မယ်တော်ဘယ်သူလဲ" မင်းကြီးကအထိန်းတော်တွေထံ မျက်စိမှိတ်ပြလိုက်ပြန်ရာ ရှိတဲ့အထိန်းတော်တစ်ယောက်ထွက်လာတယ် မနေ့ကအထိန်းတော်အမျိုးသမီး
တော့မဟုတ်ဘူး။
    ဒီတင်ကုမာရလေး သဘောပေါက်သွားပြီ ။
     "ခမည်းတော်..သားတော်က ကလေးဆိုပေမယ့် ဒီလောက်တော့ နားလည်ပါတယ် ။ဝမ်းနဲ့လွယ်မွေးရတဲ့မိခင်ဆိုတာ နှစ်ယောက်မဖြစ်သင့်ဘူး။ ခုတော့ မနေ့ကတစ်ယောက် ဒီနေ့တစ်ယောက် နက်ဖြန်လည်းတစ်ယောက်ဖြစ်ဦးမယ်။ ကျနော့ကိုအမှန်အတိုင်းပြောပြပါ ခမည်းတော် အဖေအဖေဘယ်သူဘယ်ဝါမှန်းမသိပဲ နေရတဲ့ဘ၀ဟာ အရမ်းစိတ်ထိခိုက်လို့ပါ"ဆိုတော့မှ။

     ကောသလမင်းကြီးလည်း ဒီသူငယ်ကလေးကို ငါလှည့်စားလို့တော့မရတော့ဘူး အမှန်တိုင်းပြောမှပဲ ဆိုပြီး ဖြစ်ကြောင်းကုန်စင်ကိုပြောပြလိုက်တယ်။
    ဒီအကြောင်းစုံကိုကြားသိရတော့မှ ကုမာရကဿပလေး သံဝေဂကြီးစွာရသွားတယ်။ သူတို့သားအမိရဲ့ ကံဆိုးလိုက်တဲ့ဖြစ်ခြင်း …တော်ပြီ ဒီနေ့ကစပြီး ရွှေနန်းတော်ကြီးမှာ ဘ၀မေ့မနေတော့ဘူး ငါဘုရားရှင်ထံသွားပြီး ကိုရင်လေးဝတ်တရားကျင့်တော့မယ်..တဲ့လေ။
ပါရမီပြည့်နေတဲ့ကလေးဆိုတာ ကုမုဒြာကြာလို လရောက်နဲ့ထိတာနဲ့ ပွင့်လာတော့တာပါပဲ။ ဒီလိုနဲ့ကောသလမင်းကြီးရှင်တကာခံပေးပြီး ကိုရင်လေးဝတ်ပေးလိုက်တယ်။

     ခုနစ်နှစ်အရွယ်ကိုရင်ငယ်လေးဆိုပေမယ့် သူ့မယ်တော်ဆီလည်းတစ်ခါမှသွားမလည်ဘူးတဲ့ တော်ကြာသွားလည်ရင် သူ့မယ်တော်သားချစ်စိတ်နဲ့ တရာလမ်းကြောင်းတွေပိတ်သွားမစိုးလို့တဲ့လေ။
ဒါပေမယ့်သူ့မယ်တော်ခမျာမှာတော့ နို့စို့အရွယ်ကလေးထဲက နို့တိုက်စဉ်မင်းချင်းတွေလာခေါ်သွားတော့ ဘယ်လိုမှငြင်းပိုင်ခွင့်မရှိလို့သာ မင်းနန်းတော်ထည့်လိုက်ရတာ ခုသားတော်ပြန်ရောက်လာပြီကြားတော့ အရမ်းတွေ့ချင်တာပေါ့။

     ကုမာရလေးကလည်း မိခင်နဲ့တွေ့ချင်လို့ ကိုရင်ဝတ်လာတယ်လို့ ထင်ခံရမှာစိုးတာရော တရားအလုပ်ပျက်မှာစိုးတာရောကြောင့် မသွားခဲ့ပါဘူးတဲ့။
      ထိုကိုရင်လေးဘွဲ့တော်ကို  "ကုမာရကဿပ "
လို့ခေါ်ကြပါသတဲ့ ကောသလမင်းကြီးက မွေးစားလိုက်လို့လည်း ကုမာရ/မင်းသားငယ်လေးလို့ နာမည်ရတာလို့ ဆိုကြပါတယ် ။
     ကုမာရဆိုတာ ကောင်ကလေး/ကလေးငယ်လို့ ချစ်စနိုးနဲ့ခေါ်တဲ့နာမည်ပါ ။ ကလေးငယ်အရွယ်ထဲက သာသနာ့ဘောင်ရောက်လာတော့ တခါတရံမှာ မြတ်စွာဘုရားရှင်က “ကဿပလေးကို ခေါ်ခဲ့ပါဦး ၊ကဿပလေးအား မုန့်လေးပေးလိုက်ပါဦး ယာဂုလေးကျွေးလိုက်ပါဦး”အစရှိသည်ဖြင့် မိန့်တော်မူလေ့ရှိတာကိုအစွဲပြုပြီး ကုမာရကဿပ၊ ကဿပငယ်လေးလို့ နာမည်ရလာခဲ့တာလို့လည်းဆိုကြပါတယ်။

        နောင်တချိန်အသက်အရွယ်ရောက်လာသည့်တိုင်အောင် ထိုနာမည်သာ
တွင်သွားပြီး ကဿပလေး ၊ကဿပလေးနဲ့ခေါ်ကြပြောကြတော့တာပါပဲ။
(သူကိုယ်တိုင်ပြန်လည်ဟောပြတဲ့ အပါဒါန်ပါဠိတော်ထဲမှာတော့ အရှင်မဟာကဿပကို စွဲ၍ ငါသည် ကုမာရကဿပမည်၏..လို့မိန့်ဆိုခဲ့ပါတယ်။)

      အရွယ်ရောက်လာတဲ့အခါမှာ ဘုရားရှင်ထံမှ ကမ္မဋ္ဌာန်းတောင်းပြီး အန္ဓတောအုပ်ကြီးထဲ(တောကြီးမျက်မည်း)ထဲမှာ တစ်ယောက်ထဲကမ္မဋ္ဌာန်းတရားသွားပြီး ကြိုးစားအားထုတ်နေပါသတဲ့။
      ဒီလိုနဲ့တစ်နေ့ကျ ကဿပဘုရားရှင်သာသနာနောက်ပိုင်းမှာ သူနဲ့အတူတူသူငယ်ချင်းခြောက်ပါး တောင်ထိပ်တက်တရားအားထုတ်တုန်းက အနာဂါဖြစ်ပြီး ဗြဟ္မာ့ပြည်ရောက်နေတဲ့ ဗြဟ္မာကြီးတစ်ဦးက ဘုရားဖူးလာရင်း

     ငါ့သူငယ်ချင်းတွေဘယ်များရောက်နေကြပါလိမ့် …….။
ဘုရားရှင်ပွင့်တော်မူတာကို သိမှသိကြပါလေစ ငါသွားသတိပေးပြောကြားမှတော်မည်" ....လို့စဉ်းစားမိပြိး လိုက်ကြည့်ရာမှာ အန္ဓတောအုပ်ထဲမှာ တရားအားထုတ်နေတဲ့ ကဿပလေးကိုတွေ့ရပါတယ်။

     အော် ငါ့ရဲ့ကဿပဘုရားသာသနာနောက်ပိုင်းမှာ အတူတကွတရားအားထုတ်ဖော် သူငယ်ချင်းကြီးက အခုဘုရားသားတော်လေးအဖြစ်နဲ့တရားအားထုတ်နေပါလား ။ဒါပေမယ့် သူကဘုရားတရားတော်ကိုနားကြားရမှ ညာဏ်ပွင့်ပြီး အကျွှတ်တရားရမှာ ။
    သူဘုရားထံတော်မှောက်ပြဿနာမေးရင်းပြန်ရောက်သွားအောင် သူမဖြေနိုင်တဲ့ပြဿနာတွေသွားမေးဥိးမှပဲဟုဆိုကာ ထိုဗြဟ္မာကြိးက ပြဿနာ(၁၅)ချက်ကိုလာမေးပါတယ်တဲ့။

       ကဲဘယ်လောက်လေးစားအားကျဖို့ကောင်းလိုက်တဲ့ သူငယ်ချင်း
ဓမ္မမိတ်ဆွေကြီးပါလိမ့် ဘုရားနှစ်ဆူကြားမှာတောင် သူတို့တွေရဲ့ မိတ်ဆွေအဖြစ်က ပြတ်ဆဲမသွားဘူး။ ယ္ခုဘုရားပွင့်တာကို သိရပြန်တော့ ငါ့သူငယ်ချင်းတွေ ဘယ်ရောက်နေပါလိမ့် ငါသွားအသိပေးဦးမှပဲ…တဲ့ အကျွန်ုပ်တို့လည်း ဒီလိုသာ မိတ်ကောင်းဆွေကောင်းနဲ့ပေါင်းသင်းရလျှင် သံသရာတစ်လျှောက် ကောင်းကျိုးချမ်းသာများတိုးပွားမှာအသေချာပါပဲ။
      ထိုသူငယ်ချင်းဟောင်းဗြဟ္မာကြီးက ကုမာရကဿပထံရောက်လာပြီး
ပြဿနာ(၁၅)ချက်ကိုမေးမြန်းပါတော့တယ်။
       Xxxxxxxxxxxxxxxxxxxxxxxxxxxxxxxxx
    အိုရဟန်း.. ပုဏ္ဏားတစ်ယောက်သည် ပညာရှိယောက်ျားအား
ညအခါ၌ အခိုးတလူလူထွက်၍ နေ့အခါ၌ တောက်လောင်နေသောတောင်ပို့ကို ထက်စွာသောဓားနက်လက်ဖြင့် တူးဆွစေရာ၊

      ရှေးဦးစွာ တံခါးကျင် (မင်းတုပ်) ကို တွေ့ရလေသည် ။ ဆက်လက်၍တူးစေပြန်ရာ ဖား ၊ လမ်းနှစ်ခွ ၊ဆပ်ပြာရေစစ် ၊လိပ် ၊သန်လျက်နှင့်စဉ်းတီးတုံး ၊သားတစ်တို့ကိုအစဉ်တိုင်းတွေ့ရကြောင်း
ဆုံးခန်းတိုင်မြောက်အောင် ဆက်လက်တူးဆွစေရာ နောက်ဆုံးမှာ နဂါးမင်းကိုတွေ့ရလိုက်ရပါတယ် ၊
     ထိုအခါ  ပုဏ္ဏားက ''နဂါးသည် တည်ရှိပေစေ၊ နဂါးကို မထိခိုက်လင့်၊ နဂါးအားရှိခိုးခြင်းကို ပြုလော့'' ဟု ညွှန်ကြားပါသတဲ့ ။……..အိုရဟန်း သင်သည် ဤငါ၏ဥပမာစကားကပ်တို့၏အနက်အဓိပ္ပါယ်ကိုနားလည်ပါသလော…
     အိုအသင်နတ် …ငါနားမလည်ပါ။

      သင်ရဟန်းမှာ အဘယ်ဆိုဘွယ်ရာရှိအံ့နည်း
လောကမှာ မြတ်စွာဘုရားရှင်တော်မှတစ်ပါး မည့်သည့်တစ်စုံတစ်ယောက်မှ
ဖြေဆိုနိုင်လိမ့်မည်မဟုတ်ပေ။ ထိုဥပမာစကားရပ်တို့၏
အနက်အဓိပ္ပါယ်ကိုမှန်ကန်စွာသိလိုမူ ဘုရားရှင်အားသာ ချည်းကပ်မေးမြန်းလေလော့.......ဟုဆိုကာ ပျောက်ကွယ်သွားလေ၏။

    ထိုပဟေဠိကို သိလိုသော ထိုအရှင်ကုမာရကဿပသည် ဘုရားရှိရာဇေတ၀န်ကျောင်းတော်သို့ပြန်လာခဲ့ပြီး ဘုရားရှင်အားလျှောက်ထားမေးမြန်းရာမှ ဘုရားရှင်၏အဖြေစကားရပ်များမှ လွယ်ကူမှန်ကန်သော ကမ္မဋ္ဌာန်းရှူပွားနည်းကိုရရှိသွားကာ အဟတ္တဖိုလ်ပေါက်ဝိပဿနာပွားကာ ရဟန္တာမထေရ်မြတ်တစ်ပါး
ဖြစ်သွားလေတော့၏။

   (ထိုသူငယ်ချင်းဟောင်းဗြဟ္မာ၏ ဥပမာအမေးပုစ္ဆာတို့၏အဖြေကိုသိလိုပါက မဇ္ဈိမနိကာယ်၊ သြပ္ပမ၀ဂ် ၊၀မ္မိကသုတ်မှာလေ့လာနိုင်ကြပါတယ်။ အရှင်ကုမာရကဿပ၏ဆန်းကြယ်စွာဟောကြားတော်မူသော ဓမ္မကထားများကိုနားကြားလိုပါက မဇ္ဈိမနိကာယ် ၊ပါယာသိသုတ် http://tipitakamyanmar.blogspot.com/2010/06/blog-post_3955.html မှာ သွားရောက်လေ့လာမှတ်သားနာယူနိုင်ကြပါတယ်။)
Xxxxxxxxxxxxxxxxxxxxxxxxxxxxxxxxx
   ရဟန္တာဖြစ်ပြီးနောက် အရှင်ကုမာရကဿပဟာ ဥပမာဥပမေယျများဖြင့်တန်းဆာဆင်လျှင် တရားတော်များကို ဆန်းကြယ်စွာဟောကြားတော်မူနိုင်သောကြောင့်
''ဧတဒဂ္ဂံ၊ ဘိက္ခဝေ၊ မမ သာဝကာနံ ဘိက္ခူနံ စိတ္တကထိကာနံ ယဒိဒံ ကုမာရကဿပေါ”ဟူ၍ တရားဓမ္မများကို ဆန်းကြယ်စွာ
တန်ဆာဆင်၍ ဟောကြားသူဓမ္မကထိကအပေါင်းတို့တွင် ကုမာရကဿပသည် အမြတ်ဆုံးဖြစ်ပေ၏..ဟု ဧတဒဂ်အရာထားတော်မူခဲ့လေသည်။

       ထိုဧတဒဂ်ဘွဲ့ထူးသည်လည်း ယခုမျက်မှောက်မှသာ တရားဟောကောင်း၍ပေးတော်မူသည်မဟုတ်ပဲ လွန်ခဲ့တဲ့ ကမ္ဘာတစ်သိန်းအထက်ကပင် ပဒုမုတ္တရဘုရားရှင်ထံတော်မှောက်၌ တရားဟောကောင်းသူဖြစ်ရပါကြောင်း တောင်းဆုပြုကာ ပါရမီတော်တို့ကို ကမ္ဘာတစ်သိန်းတိုင်တိုင်ဖြည့်ကျင့်ခဲ့သောကြောင့်တည်း။
                   xxxxxxxxxxxxxxxxxxxxxxxxxxxxxxxxxxxxxxxxxxxxxxx
     အရှင်ကုမာရကဿပ မယ်တော် ဘိက္ခုနီမကြီးသည် ရဟန္တာဖြစ်ကာ
တရားဟောဓမ္မကထိကဖြစ်နေသည့် သားတော်ကြီးကို မတွေ့ရ၍ ၁၂-နှစ်တိုင်တိုင် မျက်ရည်စက်လက်နှင့် တသသ ငိုကြွေးနေခဲ့ရရှာ၏၊ သားဇောဖြင့်တရားသဘောတွေလည်း ကွယ်ပျောက်နေရရှာလေသည်။

      တနေ့သ၌ ဆွမ်းခံလမ်း၌ သား အရှင်ကုမာရကဿပ-ကို မြင်လိုက်ရာ အတင်းပြေးလိုက်သောကြောင့် ခလုတ်တိုက်မိကာ လဲကျသွားသည်၊ တဖန် လူးလဲထပြီး အမီလိုက်ကာ သားဖြစ်သူကို ဆွဲကိုင်ထားသည်။

     အရှင်ကုမာရကဿပသည် မယ်တော်ကြီး၏ သံယောဇဉ်ကြိုးကို ပြတ်စေရန် ရည်ရွယ်၍

  “ အသင် ဘယ်အမှုကို ပြုနေသနည်း၊ ချစ်ခင်ခြင်းတခုကိုမျှ ပယ်ဖြတ်ရန် မတတ်နိုင်သလော”ဟု ခက်ထန်စွာပြောပြီး ထွက်ခွါသွားလေသည်။

၁၂-နှစ်တိုင်တိုင် ငိုကြွေးနေခဲ့သော မိခင်ကြီးသည် သားတော်အပေါ်အရမ်း စိတ်နာသွားကာ သားသံယောဇဉ်ကို ဖြတ်၍ တရားအားထုတ်ရာ ရဟန္တာထေရီမကြီးဖြစ်သွားလေသတည်း။
                 xxxxxxxxxxxxxxxxxxxxxxxxxxxxxxx

                 ထိုအရှင်ကုမာရကဿပသည် မွေးမိခင်ကြီးလမ်းမှန်ရောက်ကာ ကိလေသာသံယောဇဉ်တရားဖြတ်တောက်နိုင်အောင် ရင်နင့်ဖွယ်စကားဆိုခဲ့သော်လည်း ထိုစကားတစ်ခွန်းကြောင့်ပင် မခံချင်စိတ်ဖြင့်တရားအားထုတ်ရာမှ ရဟန္တာထေရီမကြီးဖြစ်သွားခဲ့ရသောကြောင့် မယ်တော်ကြီးရဲ့ စစ်မှန်တဲ့ဓမ္မမိတ်ဆွေကြီးဟုသာ မှတ်သားနားလည်ရမည်ဖြစ်၏။

     ဘုရားနှစ်ဆူကြားကာလတွေတောင် ကွာခြားခဲ့ကြပေမယ့် သူငယ်ချင်းကြီးအပေါ်မေတ္တာကြီးမားစွာ လိုက်လံကူညီထောက်ပံ့ပေးနေသော ထိုသုဒ္ဓါဝါသဗြဟ္မာကြီးသည်လည်း အရှင်ကုမာရကဿပအတွက် စစ်မှန်တဲ့ဓမ္မမိတ်ဆွေတော်ကြီးတစ်ယောက်ဖြစ်တဲ့အကြောင်းတင်ပြရင်း အရှင်ကုမာရကဿပအခန်း ဤတွင်ရပ်နားလိုက်ရပေ၏။ ထိုဗြဟ္မာကြီး၏ အခြားတရားကျင့်ဖော် သူငယ်ချင်းများအားလိုက်လံကူညီ အသိပေးပုံတို့ကိုလည်း ဆက်လက်တင်ပြပေးပါဦးမည်။
                      .........................................
                                    မေတ္တာများစွာဖြင့်
                                           လင်္ကာအရှင်(မုံရွာ)