* ဥဇူ စ သုဟုဇူ စ*
မေတ္တာသုတ်တော်လာ ဥဇူစနှင့်သုဟုဇူစအဖွင့်ကိုလေ့လာကြည့်ပါက
(က) *ကိုယ်, နှုတ် ဖြောင့်မတ်သူသည် ဥဇု မည်၏။
*စိတ်ဖြောင့်မတ်သူသည် သုဟုဇုမည်၏။
(ခ) *တစ်ကြိမ် ဖြောင့်မတ်သူသည် ဥဇု မည်၏။
*အမြဲဖြောင့်မတ်သူသည် သုဟုဇု မည်၏။
(ဂ) * စဉ်းလဲ ကောက်ကျစ်မှု မရှိသူသည် ဥဇုမည်၏။
* လှည့်ပတ် ဖြားယောင်းမှု မရှိသူသည် သုဟုဇုမည်၏။
(ဃ) * မိမိ၌ ထင်ရှား မရှိသော ဂုဏ်ကို ထင်စွာမပြုသူ၊ မဖော်ထုတ်သူသည် ဥဇုမည်၏။
*မိမိ၌ ထင်ရှားမရှိသော ဂုဏ်ကြောင့် ဖြစ်ပေါ်လာသော ပစ္စည်းလာဘ်ကို လက်ခံ သိမ်းပိုက်မှု
မပြုသူသည် သုဟုဇုမည်၏။
လို့တွေ့ရပါတယ် အားလုံခြုံကြည့်လိုက်လျှင် ရိုးသားဖြောင့်မတ်မှု ရိုးဂုဏ်ရှိဖိှု့ရန်ညွှန်ကြားထားတော်မူခြင်းဖြစ်ပါတယ်။ မှန်ပါတယ်။
လောကမှာလုပ်နိုင်ကိုင်နိုင်တဲ့ ကာယစွမ်းအားညာဏစွမ်းအားရှရုံနဲ့လည်းမလုံလောက်သေးပါဘူး။
အရည်အချင်းရှိပေမယ့် တကယ်မှန်မှန်ကန်ကန်အသုံးချမှ အကျိုးအမြတ်က ရမှာကလား။
အရည်အချင်းရှိသူတွေကိုလောကအကျိုးသယ်ပိုးနိုင်မယ့်သူတွေလို့မြင်ကြပေမယ့် တကယ်လုပ်ဆောင်ကြပြီ တာဝန်ယူကြပြီဆိုရင်တော့ ဖြောင့်မတ်မှန်ကန်တဲ့သူတွေရှိသလို လိမ်ညာကောက်ညစ်တဲ့သူများလည်းရှိနေတတ်ကြတာပါပဲ။
ဒါပေမယ့်လောကကောင်းကျိုး၊ဘာသာသာသနာအကျိုးကိုတော့ လုပ်နိုင်စွမ်းလည်းရှိပြီး ရိုးသားဖြောင့်မတ်သူများမှသာ အောင်အောင်မြင်မြင်လုပ်နိုင်ကြတာပါ။ ဒီရိုးသားမှုရိုးဂုဏ်က လောကီရေးရာတွေမှာ
တစ်ပါးတစ်ခြားသူများနှင့်ဆက်ဆံနေရာမှာတင်အသုံးတည့်တာမဟုတ်ပဲ ကမ္မဋ္ဌာန်ဘာဝနာပွားများအားထုတ်သူများအတွက်ပါ လွန်စွာအရေးကြီးလှပါတယ်။
ဒါ့ကြောင့် ဘုရားရှင်ကိုယ်တော်မြတ်ကြီးက မဂ်ဖိုလ်နိဗ္ဗာန်ကိုမျက်မှောက်ပြုလိုသူယောဂီတိုင်းပြည့်စုံရမယ့်အင်္ဂါငါးချက်တို့တွင် တတိယမြောက်အင်္ဂါဖြစ်တဲ့အင်္ဂါရပ်ကို ရိုးသားဖြောင့်မတ်ရမယ်လို့ဟောကြားတော်မူခဲ့တာဖြစ်ပါတယ်။
အခုမိမိရေးသားတင်ပြပေးနေတဲ့မေတ္တာသုတ်မှာကလည်း မေတ္တာကမ္မဋ္ဌာန်းစီးဖြန်းပြီးတရားဘာဝနာပွားများအားထုတ်မယ့်ယောဂီပုဂ္ဂိုလ်ဟာ
အားထုတ်နိုင်စွမ်းရှိရုံနဲ့မလုံလောက်သေးပါဘူး။ဒါ့ကြောင့် တတိယပဓာနိယင်္ဂတရားဖြစ်တဲ့ ရိုးသားဖြောင့်မတ်ဖို့၊အထူးတလည်ကိုရိုးသားဖြောင့်မတ်ဖို့လိုအပ်ပါတယ်လို့ ဟောတော်မူခဲ့တာဖြစ်ပါတယ်။
ဒီလိုရိုးသားမှတရားထူးရနိုင်ပုံ ဒါမှမဟုတ် ပဓာနိယင်္ဂတရား(၅)ပါးလုံးစုံလျှင်မနက်အားထုတ်ညရနိုင်ပုံ
ညအားထုတ်မနက်ရနိုင်ပုံကို ဟောကြားထားတော်မူတဲ့မူရင်းသုတ္တာန်တစ်ခုကိုလည်း
စာရှုသူများဗဟုသုတရနိုင်ဖို့ တင်ပြပေးချင်ပါသေးတယ်။
(မဇ္ဈိမနိကာယ်မှသုတ္တာဖြစ်သဖြင့် အတော်အတန်ရှည်လျားပေမယ့်အလွန်မှတ်သားစရာများပြားသဖြင့် တတ်စွမ်းသဖြင့်ရေးသားဖော်ပြပေးလိုက်ရပါတယ် မရှင်းလင်း၍မူရင်းအတိုင်းဖတ်ချင်လျှင်လည်း မဇ္ဈိမနိကာယ်မူလပဏ္ဏာသပါဠိ ရာဖ၀ဂ်လာ ဗောဓိရာဇကုမာရသုတ် မှလေ့လာနိုင်ကြပါတယ်)
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
*ဘုရားရှင်တရားဟောတော်မူခဲ့ရာကောကာနဒပြာသာဒ်ကြီး*
ဘုရားရှင်လက်ထက်တော်အခါက ဘဂ္ဂတိုင်း သုသုမာရဂိရမြို့မှာ ဗောဓိရာဇကုမာရလို့ခေါ်တဲ့
ဘုရင့်သားတော်ကြီးတစ်ပါးရှိခဲ့ပါတယ်၊မြန်မာလိုကတော့ မင်းသားကြီးဦးနိုးပေါ့။
ရှင်သန်နိုးကြားခြင်းအဓိပ္ပါယ်ကိုယူပြီးမှည့်ထားတာဖြစ်မှာပါ။
အဲဒီ ဗောဓိမင်းသားရဲ့  ပြာသာဒ်စံအိမ်တော်ကြီးကို ကမ္ဘာကျော်လက်သ္မားဆရာ ဗိသုကာပညာရှင်ကြီးတစ်ဦးကဦးစီးဆောက်လုပ်ပေးခဲ့ပါတာဖြစ်ပြီး ကောကာနဒပြာသာဒ်ကြီးလို့ နာမည်ကြီးလှပါသတဲ့။
ကောကနဒပြာသာဒ်ဆိုတာကတော့ မြန်မာလိုကနုတ်ပန်းတွေ၊စုလစ်မွန်းချွန်းတွေနဲ့
အလှဆင်ထားတဲ့ ပြာသာဒ်ကြီးပေါ့ ၊“ကောကနဒ” ပါဠိကနေ ကနုတ်လို့ဖြစ်လာတဲ့ ကနုတ်ပန်း ဆိုတဲ့မြန်မာဝေါဟာရလေးကိုတော့ ကြားဖူးကြမှာပါ ၊အခုဒီပြာသာဒ်ကြီးကိုလည်း ခြူးပန်းခြူးနွယ်တွေနဲ့ပုံဖော်ပြီး စုလစ်မွန်းချွန်းအထွဋ်တပ်တဲ့ပြာသာဒ်ဆောင်ကြီးလို့ ပုံဖော်ကြည့်လို့ရပါလိမ့်မယ်။ ဆောက်လုပ်လို့မပြီးသေးပေမယ့် လမ်းသွားလမ်းလာတွေမော့ကြည့်လိုက်ရင် ကောင်းကင်ပေါ်ကိုပျံကြွတော့မည့်ဟန် အသက်ဝင်လှတဲ့ မိုးမျှော်အဆောက်အဦးကြီးတစ်ခုလို့ဆိုကြပါစို့။
ဒီလိုဆန်းကျယ်ခမ်းနားနဲ့အဆောက်အဦးကြီးကိုလက်စွမ်းပြဆောက်လုပ်လိုက်တော့ ဗောဓိမင်းသားရဲ့စိတ်ထဲမှာ အခြားသူတွေကိုလည်းဒီလိုအဆောင်တွေသာဆောက်ပေးနေရင် ကမ္ဘာ့အံဖွယ်အဆောက်အဦးစာရင်းထဲမှာဝင်မှာမဟုတ်တော့ဘူး အံဖွယ်လည်းမဖြစ်တော့ဘူး။ဒီတော့ ဒီအဆောက်အဦးကြီးပြီးတဲ့နေ့မှာပဲ လက်သမားဆရာဗိသုကာပညာရှင်ကြီးကိုငါအဆုံးစီရင်ပစ်မယ်ဟု
ယုတ်မာစွာတွေးမိကြံမိလာပါတယ်။
ထိုအကြံဆိုးကို အရင်းနှီးဆုံးလူယုံ သိဉ္ဇကာပုတ္တလုလင်အား ပြောပြရာ
သိဉ္ဇကာပုတ္တလုင်က ထိုပညာရှင်ကြီးအတွက် လွန်စွာမှစိုးရိမ်သွားမိလိုက်ပါတယ်။
ဟုတ်တယ်လေ။ တကယ်က ဤဗိသုကာ လက်သမား ပညာရှင်မျိုး ဤဇမ္ဗူဒိပ်ကျွန်း မြေအပြင်မှာ နှစ်ယောက်မရှိဘူး။ တန်ဖိုးမဖြတ်နိုင်ဘူး။ ဒီလိုဗိသုကာပညာရှင်မျိုးကိုတော့ မသတ်ထိုက်ဘူးလို့စဉ်းစားမိပြီးလျှို့ဝှက်သတင်းပေးလိုက်ရာ အချိန်မှီလေးသိရှိသွားပြီး စက်ရဟတ်ယာဉ်ကြီးတစ်ခုအမြန်တည်ဆောက်ကာ
ကောင်းကင်ခရီးဖြင့်ထွက်ပြေးရပါတော့တယ်။ ဤသို့ဖြင့် ဘုရားရှင်လက်ထက်တော်မှာ ခမ်းနားဆန်းကြယ်တဲ့  ကောကာနဒပြာသာဒ်ဆိုတာ တစ်ခုတည်းသာရှိခဲ့ပါသတဲ့။
*နေအိမ်တက်မင်္ဂလာ ဘုရားကြွလာပြီ*
ပြာသာဒ်ကြီးဆောက်လုပ်ပြီးနောက်မှာ ဘုရားရှင်နှင့်တကွရဟန်းသံဃာတော်များအား
ထိုကောကာနဒပြာသာဒ်ကြီးသို့ ဆွမ်းဘုဉ်းပေးကြွတော်မူကြပါရန်ပင့်လျှောက်လိုက်ပြီး
ကောကနဒပြာသာဒ်ကိုလည်း နောက်ဆုံး လှေကားထစ်တိုင်အောင် အ၀တ်ဖြူတို့ဖြင့်ခင်းထားစေပြီး
“အကယ်၍ငါ့အား အမွေခံသားသမီးရရှိနိုင်ခွင့်ရှိသေးပါက ဘုရားရှင်သည် ဤအ၀တ်ဖြူအခင်းကိုနင်းလျှက်ပြာသာဒ်ထက်သို့တက်တော်မူပါစေသတည်း..”ဟုအဓိဋ္ဌာန်လည်းပြု
ထားလိုက်ပါသတဲ့။ သနားစရာာကောင်းတာက ထိုဗောဓိမင်းသားတို့ဇနီးမောင်နှံဟာ သားသမီးမထွန်းကားဖြစ်နေသဖြင့်မျိုးနွယ်စဉ်ဆက်ပြတ်မှာလည်းအလွန်စိုးရိမ်မိလို့ ဘုရားရှင်ထံမှ သားဆုတောင်းလို၍စီမံထားခြင်းဖြစ်ပါတယ်။
ဒီလိုအဓိဋ္ဌာန်ပြုထားကြောင်းကိုသိမြင်တော်မူတဲ့မြတ်စွာဘုရားရှင်ဟာ သားသမီးအမွေခံရနိုင်ကိန်းရှိမရှိအနာဂတံသအဘိညာဉ်ဖြင့်လှမ်းမျှော်ကြည့်တော်မူလိုက်ရာ ယင်းတို့နှစ်ဦးသားလုံး သားသမီးမထွန်းကားနိုင်တဲ့အတိတ်ဝဋ်ကြွေးများရှိနေကြောင်းတွေ့မြင်တော်မူလို့
ထိုအ၀တ်ခင်းကိုလုံးဝနင်းတော်မမူပဲ…အောက်ဆုံးလှေကားထစ်ကို ကပ်၍ ရပ်တော်မူနေပါတယ်။ဘယ်လိုမှနင်းကြွတော်မမူပါဘူး…တဲ့။
*သားသမီးမရခြင်း အကြောင်းရင်း*
ဗောဓိမင်းသားတို့ဇနီးမောင်နှံနှစ်ဦးဟာ အတိတ်တစ်ချိန် သံသရာမှာကျင်လည်ခဲ့ကြတုန်းကလည်းဇနီးမောင်နှံနှစ်ဖော်ပဲ။ ပင်လယ်ခရီးသွားကြရင်းသင်္ဘောပျက်သွားပါတယ်။သင်္ဘောပေါ်မှာပါလာတဲ့လူရာပေါင်းများစွာတို့အသက်ဆုံးရှုံးသွားကြပေမယ့် ကံကောင်းထောက်မစွာဇနီးမောင်နှံနှစ်ဦးလုံးပျဉ်ချပ်ကြီးတစ်ခုကိုတွယ်ဖက်လိုက်သွားကြကာ လူသူမရှိတဲ့ကျွန်းတစ်ခုပေါ်ရောက်သွားကြသတဲ့။
ခက်တာကအဲဒီကျွန်းပေါ်မှာစားလို့ရတဲ့အစာကဘာမှမရှိတော့ ငှက်တွေဥထားတဲ့ငှက်ဥတွေဖောက်သောက်ကြတယ်။
နောက်ငှက်ငယ်လေးတွေကိုလည်းမီးဖုတ်စားခဲ့ကြတယ် အဲဒီလူသူမရှိတဲ့ကျွန်းလေးပေါ်မှာပဲနေလာကြတာ ပထမအရွယ်၊ဒုတိယအရွယ်၊တတိယအရွယ်ကုန်ဆုံးတဲ့အထိပဲ၊
အကယ်၍သာ သူတို့အရွယ်သုံးပါးမှားတစ်ပါးပါးမှာအသိတရားရပြီးငှက်ဥတွေငှက်ငယ်တွေသတ်မစားပဲရှောင်လိုက်ရင် အဲဒီရှောင်ကြဉ်တဲ့အရွယ်မှာသားသမီးရနိုင်တဲ့အခွင့်အရေးရှိပါတယ်၊ဒါမှမဟုတ်၊ဇနီးသည်ကဖြစ်စေ၊လင်ယောက်ျားကဖြစ်စေ သူတစ်ပါးအသက်သတ်စားခြင်းငှက်ဥတွေဖောက်သောက်ကြခြင်းသာမလုပ်ဘဲရှောင်ကြဉ်ခဲ့ကြရင်လည်း အကျင့်သီလပြည့်စုံတဲ့တစ်ဦးဦးကိုအစွဲပြုပြီး ဒီဘ၀မှာသားသမီးရနိုင်ကိန်းရှိတယ်။
ခုတော့နှစ်ဦးလုံးမိုက်မဲစွာပါဏာတိပါတတွေနဲ့အသက်ဆက်ခဲ့ကြလို့ ဒီဘ၀မှာမျိုးနွယ်စဉ်ဆက်ပြတ်ရမယ့်ကိန်းဆိုက်ကာသားသမီးတစ်စုံတစ်ယောက်မှမရနိုင်ကြတာဖြစ်ပါတယ်။
ဒီရှေးအတိတ်အကုသိုလ်ကံကိုမြင်တော်မူလို့ဘုရားရှင်ကလမ်းခင်းကော်ဇောအ၀တ်ဖြူကြီးကိုနင်းတော်မမူတာပဲဖြစ်ပါတယ်
………………………………….
ဘုရားရှင်အ၀တ်ခင်းကိုမနင်းလျှောက်ပဲရပ်နေတာမြင်ရတော့ ဗောဓိမင်းသားလည်း မျှော်လင့်ချက်တွေမဲ့သွားတယ်၊ငါတို့မှာသားသမီးမရနိုင်လို့များလား။ဒါနဲ့သေချာအောင် ဘုရားရှင်အား ''ဘုန်းကြီးတော်မူသော မြတ်စွာဘုရား ပုဆိုးတို့ကို နင်းတော်မူပါ၊ လာခြင်းကောင်းတော်မူသော မြတ်စွာဘုရား ပုဆိုးတို့ကိုနင်းတော်မူပါ၊ ယင်းသို့ နင်းခြင်းသည် တပည့်တော်တို့ဇနီးမောင်နှံအား ရှည်မြင့်စွာသော ကာလပတ်လုံး စီးပွါးဖြစ်ရန်ချမ်းသာရန်သာဖြစ်ပါတယ်ဘုရား”လို့ သုံးကြိမ်သုံးခါတိုင်အောင် အသနားခံလျှောက်ထားလိုက်ပါတယ်။
ဒါပေမယ့်ဘုရားရှင်ကိုယ်တော်မြတ်က လုံးဝနင်းကြွတော်မမူပဲ အရှင်အာနန္ဒာဖက်သို့လှည့်ကြည့်တော်မူလိုက်ရာ အရှင်အာနန္ဒာက ဘုရားရှင်နင်းကြွတော်မမူလိုသည်ကိုသဘောပေါက်သွားပြီး
''မင်းသား ပုဆိုးတို့ကို ရုပ်သိမ်းလော့၊ မြတ်စွာဘုရားသည် ပုဆိုးဖြူအခင်းကို နင်းတော်မူမည် မဟုတ်၊ နောင်လာနောက်သား ရဟန်းအများကို မြတ်စွာဘုရားသည် အစဉ်စောင့်ရှောက်တော်မူ၏''ဟု ပြောကာအ၀တ်ခင်းတို့ကိုပြန်လည်ရုတ်သိမ်းစေလိုက်ရပါတယ်
ယင်းအ၀တ်ခင်းများပြန်လည်ရုပ်သိမ်းပြီးသောအခါမှ ဘုရားရှင်ကိုယ်တော်မြတ်ဟာ ရဟန်းတော်များနှင့်အတူ ပြာသာဒ်ထက်သို့ ဆွမ်းစားကြွတော်မူခဲ့ပါသတဲ့။
ဗောဓိမင်းသားလည်း ဆွမ်းဆက်ကပ်ပြီးသည်နှင့် မြတ်စွာဘုရားအား
''မြတ်စွာဘုရား တပည့်တော်စိတ်ထဲမှာ သက်သောင့်သက်သာလွယ်လင့်တကူကျင့်ရုံလေးနဲ့တော့ ချမ်းသာသုခကိုမရနိုင်၊ ဆင်းရဲဒုက္ခနှင့် ရင်းနှီးပြီးအပြင်းထန်ကျင့်မှသာ ချမ်းသာသုခဆိုတာရနိုင်တယ်လို့ အကြံဖြစ်မိပါတယ်ဘုရား''လို့လျှောက်ထားလိုက်ပါတယ်။
(ဒီလျှောက်ထားပုံကိုသေချာကြည့်လျှင် ဗောဓိမင်းသားသည်မိရိုးဖလာအရသာဘုရားရှင်ကို
ဆွမ်းပင့်ကပ်လှူပေမယ့် ရတနာသုံးပါးအပေါ်ကြည်ညိုမှုသဒ္ဓါတရားအစစ်မရှိသေးတာ သေချာလှပါတယ်။ သူ့လျှောက်ထားမှုဆိုလိုချက်မှာ နိကဏ္ဍတို့ကဲ့သို့သောတိတ္ထိဆရာကြီး များက သူတို့ကိုယ်တိုင်လည်းဆင်းရဲပင်ပန်းစွာ
အတ္တကိလမတ္ထအကျင့်တွေကိုကျင့်ကြတယ်။သူတစ်ပါးကိုလည်းကျင့်စေကြတယ်၊ဘုရားရှင်၏တရားရနည်းလမ်းမှာကားလွယ်ကူလွန်းလှပြီး
မည်သူမျှလည်းအပြင်းအထန်ဆင်းရဲပင်ပန်းစွာကျင့်ကြံကြသည်ဟုမကြားရစဖူးချေ၊ထို့ကြောင့်တရားထူးရသွားသည်ဆိုသည်များ
၊သောတာပန်စသောအရိယာသာဝကမျာကိုသူမယုံကြည်နိုင်ဖြစ်နေသောကြောင့်တည်း )
*ဆင်းရဲပင်ပန်းစွာကျင့်ကြံမှ နိဗ္ဗာန်ရမှာလား*
ထိုအခါဘုရားရှင်က ….
မင်းသား ငါ့အားလည်း ဘုရားမဖြစ်မီ သစ္စာလေးပါးကို ထိုးထွင်း၍ မသိသေးသော ဘုရားလောင်းမျှသာ ဖြစ်နေစဉ်က သက်သောင့်သက်သာလွယ်လင့်တကူဖြင့်တော့ ချမ်းသာသုခကိုမရနိုင်၊ ဆင်းရဲဒုက္ခနှင့် ရင်းနှီးမှသာ ချမ်းသာသုခဆိုတာရနိုင်မယ်”လို့အကြံဖြစ်ကာ ခြောက်နှစ်တို့တိုင်တိုင်လမ်းလွဲလိုက်မိခဲ့ဖူးတယ်….
မင်းသား ထိုငါသည် အမှန်တရားကိုလှည့်လည်ရှာဖွေရင်း တစ်နေ့မှာတော့ မဂဓတိုင်း ဥရုဝေလတောအုပ် သေနာနိဂုံးဆီသို့ ရောက်သွားပါတယ်။ နေရာလေးက မွေ့လျော်ဖွယ်ရာလည်းကောင်းတယ်၊ တောအုပ်လေးကလည်းတိတ်ဆိတ်ငြိမ်သက်နေတယ်၊ မြစ်တစ်စင်းကလည်း တစ်သွင်သွင်စီးလို့၊ မြစ်ကမ်းကလည်းသာယာလှပတယ်၊ ပတ်ဝန်းကျင်ရွာကလေးကလည်းဆွမ်းကွမ်းရလွယ်တယ်။
ဒီလိုအရာရာအဆင်ပြေအေးချမ်းတဲ့နေရာလေးကိုကမ္မဋ္ဌာန်းအားထုတ်ဖို့သင့်လျှော်တဲ့နေရာလေးလို့ တွေးမိပြီး သီတင်းသုံးနေထိုင်ရင်း ကမ္မဋ္ဌာန်းတရားရှုပွားရင်းက
ဥပမာသုံးရပ်တို့ငါ့စိတ်မှာထင်လာခဲ့ကြတယ်။
(၁) ရေထဲမှာပစ်ချထားတဲ့ အစိုအစေးရှိတဲ့ သစ်သားနှစ်ခုကိုမီးဖြစ်အောင်ပွတ်နေသူသည် အကျိုးမပြီးအချီးနှီးဖြစ်ကာ ဆင်းရဲပင်ပန်းရသို -
ကိုယ်ဖြင့်လည်းကောင်း၊ စိတ်ဖြင့်လည်းကောင်း လိုချင်မှုကာမတို့မှ မကင်းဆိတ်တဲ့ ရဟန်းပုဏ္ဏားအချို့သည် ကိုယ်တွင်းသန္တာန်ဝယ် လိုချင်ဖွယ်ဝတ္ထုတို့၌ လိုချင်တပ်မက်မှု လိုချင်မှုအစေး လိုချင်သောအားဖြင့်တွေဝေခြင်း လိုချင်မှုမွတ်သိပ်ခြင်း လိုချင်မှုပူဆာခြင်းကို ကောင်းစွာ မပယ်ရသေး၊ ကောင်းစွာ မငြိမ်းရသေးသမျှကာလပတ်လုံး မည်မျှပင် ဆင်းရဲပင်ပန်းစွာအားထုတ်ပါသော်လည်း မှန်ကန်တဲ့သစ္စာညာဏ်အမြင်ကို မရရှိနိုင်ကြကုန်
(၂) ကုန်းပေါ်မှာပစ်ချထားတဲ့ အစိုအစေးရှိနေသေးတဲ့ သစ်သားနှစ်ခုကိုလည်း မီးဖြစ်အောင်ကြိုးစားပွတ်တိုက်ငြားသော်လဲ မီးမရဘဲပင်ပန်းရုံသာဖြစ်သလို
ရဟန်းပုဏ္ဏားအချို့ကတော့ ကိုယ်ဖြင့်လည်းကောင်း၊ စိတ်ဖြင့်လည်းကောင်း လိုချင်မှုကာမတို့မှ ကင်းဆိတ်လျက် နေကြပေမယ့် ကိုယ်တွင်းသန္တာန်ဝယ် လိုချင်ဖွယ်ဝတ္ထုတို့၌ လိုချင်တပ်မက်မှု လိုချင်မှုအစေး လိုချင်သောအားဖြင့်တွေဝေခြင်း လိုချင်မှုမွတ်သိပ်ခြင်း လိုချင်မှုပူ ဆာခြင်းကို ကောင်းစွာ မပယ်ရသေး၊ ကောင်းစွာ မငြိမ်းရသေးသမျှ မည်မျှအပြင်းအထန်
ကြိုးစားအားထုတ်ကြသော်လည်း အမှန်တရားကိုသိမြင်နိုင်ကြမည်မဟုတ်ပေ။
(၃) ကုန်းပေါ်မှာပစ်ချထားတဲ့ ခြောက်သွေ့နေတဲ့ သစ်သားနှစ်ခုကို မီးဖြစ်အောင်ပွတ်တိုက်လျှင်ကား မီးဖြစ်လာနိုင်သကဲ့သို့ အချို့သော သမဏဗြာဟ္မဏတို့သည်
ကိုယ်ဖြင့်လည်းကောင်း စိတ်ဖြင့်လည်းကောင်း လိုချင်မှုတို့မှ ကင်းဆိတ်လျက် နေကုန်၏။ ကိုယ်တွင်းသန္တာန်ဝယ် လိုချင်ဖွယ်ဝတ္ထုတို့၌ လိုချင်တပ်မက်မှု လိုချင်မှုအစေး လိုချင်သောအားဖြင့်တွေဝေခြင်း လိုချင်မှုမွတ်သိပ်ခြင်း လိုချင်မှု ပူဆာခြင်းကို ကောင်းစွာ ပယ်ပြီးဖြစ်၏၊ ကောင်းစွာ ငြိမ်းပြီးဖြစ်၏၊
ထိုရဟန်းပုဏ္ဏားတို့သည် တရားထူးရရန်အပြင်းထန်အားထုတ်သော်၎င်း၊ပုံမှန်အားထုတ်သော်၎င်း သစ္စာလေးပါးကိုထိုးထွင်းသိမြင်နိုင်သောညာဏ်ကိုရရှိနိုင်ကြတယ်လို့ ငါ၏ညာဏ်မှာထင်မြင်သဘောပေါက်လာခဲ့တယ်။
ခါးစပ်ပြင်းထန်တဲ့ဒုက္ကရစရိယအကျင့်တို့ကိုခြောက်နှစ်တို့တိုင်တိုင်အပြင်းအထန်ကျင့်တော်မူခဲ့ပြီး ဆင်းရဲဒုက္ခတို့သည် တရားထူးမရနိုင်ရုံမျှမဟုတ်ပဲ တည်ကြည်တဲ့စိတ်သမာဓိလေးပင်မဖြစ်စေနိုင်ခဲ့ပုံတွေကိုသဘောပေါက်လာခဲ့တယ်။
တဆက်ထဲငါ့သန္တာန်မှာ ''ဤသို့ အလွန်ပိန်ကြုံသောအဖြစ်သို့ ရောက်သော ကိုယ်ဖြင့် ထို (ပဌမဈာန်) ချမ်းသာကို ရရန်မလွယ်၊ ငါသည် ကြမ်းတမ်းသောထမင်း မုယောမုန့် အစာအာဟာရကို စားရမူ ကောင်းပေမည်''ဟု ဤအကြံဖြစ်ကာ အစာရေစာဖြတ်မှုအကျင့်တို့ကိုစွန့်လွှတ်ကာ တဖန်ဆွမ်းခံလှည့်လည်ကာ မဇ္ဈိမပဋိပဒါအကျင့်ကိုစတင်ကျင့်သုံးခဲ့တယ်။
ထိုသို့အကျင့်မှန်လမ်းမှန်ကိုလိုက်မိမှ ဈာန်သမာပတ်များပြန်လည်ရရှိကာ ပုဗ္ဗေနိဝါသာနုဿတိအဘိညာဉ်၊ဒိဗ္ဗစက္ခုအဘိညာဉ်နဲ့အာသ၀က္ခယအဘိညာဉ်တို့ကိုရရှိတော်မူခဲ့ပြီး သဗ္ဗညုတညာဏ်ရှင်အဖြစ်သို့ရောက်တော်မူခဲ့တယ်..စသဖြင့်ဘုရားဖြစ်တော်မူသည်မှ မိဂဒါဝုန်တော်ကြွသွားကာ ပဉ္စ၀ဂ္ဂီငါးဦးတို့အားတရားဦးဟောတော်မူကာ သံဃာရတနာဖြစ်ပေါ်လာသည်အထိအကျယ်တ၀ံ့ဟောပြတော်မူလိုက်ပါတယ်။
Xxxxxxxxxxxxxxxxxxxxxxxx
*တရားရဖို့အရေးကြီးလှသော ပဓာနိယင်္ဂတရား(၅)ပါး *
ပဉ္စ၀ဂ္ဂီတို့ကျလွယ်လင့်တကူတရားထူးများရသွားကြပုံကိုကြားနာရသောအခါမှာ လွန်စွာအံ့သြသွားပြီး ဘုရားရှင်အား
“အသျှင်ဘုရား မြတ်စွာဘုရားဟူသော ဆုံးမသူဆရာကို ရသောရဟန်းသည် အဘယ်မျှလောက် ကြာမြင့်အောင်အားထုတ်မှ အရဟတ္တ ဖိုလ်အကျိုးကို ယခုဘဝ၌ပင် ကိုယ်တိုင် ထူးသောဉာဏ်ဖြင့် မျက်မှောက်ပြုကာ ရောက်၍နေရပါသနည်း''ဟု မေးလျှောက်လိုက်ပါတယ် ထိုအခါဘုရားရှင်က
“မင်းသား သင်ဆင်စီးအတတ်ကိုတတ်မြောက်ကျွမ်းကျင်ပါသလား”လို့ မေးမြန်းတော်မူရာ။
ကျွမ်းကျင်တတ်မြောက်ကြောင်းလျှောက်ထားလိုက်ပါတယ်။
ထိုအခါဘုရားရှင်က “ဆင်စီးအတတ်သင်လိုသူတစ်စုံတစ်ဦးသည် သင့်ထံတပည့်ခံပြီးလာရောက်သင်ကြားနေသော်လဲ (၁)သင်၏ဆင်စီးအတတ်ပညာကျွမ်းကျင်မှုကိုလည်းမယုံကြည်၊
(၂)ကျန်းမာရေးကလည်းချုချာ၊
(၃)ဆရာခိုင်းတဲ့အတိုင်းလည်းမလုပ်ပဲရှေ့မှာသာဟန်ဆောင်သင်ယူပြီးလိမ်ညာနေမယ်၊ (၄)တတ်မြောက်ကျွမ်းကျင်ဖို့လည်းကြိုးစားမသင်ယူဘူး၊
(၅)ညာဏ်လည်းထုံထိုင်းဖျင်းအနေသူဖြစ်မယ်ဆိုရင်
သင်ဆင်စီးအတတ်ပညာကိုကျွမ်းကျင်အောင် သင်ပေးနိုင်ပါ့မလား..လို့မေးမြန်းလိုက်ပါတယ်။
ဗောဓိမင်းသားက “ဝေးပါသေးတယ်ဘုရား၊ အထက်ပါအပြစ် ငါးမျိုးထဲကတစ်မျိုးမျိုးရှိနေရင်ကို
တတ်မြောက်မှာမဟုတ်ပါဘူး။ငါးမျိုးလုံးသာရှိနေမယ်ဆိုဘယ်လိုမှကိုသင်ပြလို့ရမှာမဟုတ်ပါဘူး..လို့ပြန်လျှောက်ထားလိုက်ပါတယ်။
ဒီလိုဆိုဟုတ်ပြီ ဆင်စီးအတတ်သင်ယူချင်တဲ့နောက်တစ်ယောက်ကတော့
(၁)သင်မင်းသားရဲ့ပညာစွမ်းရည်ကိုလည်းယုံကြည်တယ်
(၂)ကျန်းမာသန်စွမ်းသူလည်းဖြစ်မယ်
(၃)ဆရာကိုမလိမ်ညာမလှည့်စားဘဲစိတ်ထားလည်းဖြောင့်မတ်မယ်
(၄)ကျိုးစားလည်းသင်ယူမယ်
(၅)ညာဏ်ပညာလည်းထက်မြက်မယ်ဆိုရင်ကော
တတ်မြောက်အောင်သင်ပေးနိုင်ပါ့မလား လို့ မေးမြန်းတော်မူလိုက်ပြန်ရာ။
ဗောဓိမင်းသားက ဒီလိုအင်္ဂါတွေထဲကတစ်ပါးပါးနဲ့ပြည့်စုံရင်ကိုသင်ပေးလို့ရနိုင်ပါတယ်ဘုရား၊ငါးပါးလုံးစုံတဲ့တပည့်မျိုးဆို
ရင်တော့ ပြောနေစရာပင်မလိုပါ၊ ဆရာ့ခြေရာကိုလိုက်နင်းနိုင်မယ့်သူမျိုးပါ။ သေချာပေါက်သင်ယူတတ်မြောက်နိုင်ပါတယ်လို့ ဖြေလိုက်ပါတယ်။
XXXXXXXXXXXXXXXXXXXXXXXXXXXX
*ညအားထုတ်မနက်ရနိုင်သည် ၊ မနက်အားထုတ်ညရနိုင်သည်*
ထိုဆင်စီးအတတ်သင်ကြားပေးပုံဥပမာကိုအမေးအဖြေနဲ့နားလည်စေတော်မူပြီးတဲ့အခါမှာတော့
ဘုရားရှင်က ဆက်လက်ပြီး သစ္စာတရားများထိုးထွင်းသိမြင် နားလည်သဘောပေါက်နိုင်ရန်အတွက် သူ၏နောက်လိုက်တပည့်များပြည့်စုံကြရမည့်အင်္ဂါရပ်(၅)ချက်ကို အောက်ပါအတိုင်း ဆက်လက်ဟောကြားတော်မူခဲ့ပါတယ်။
မင်းသား တရားဘာဝနာပွားများအားထုတ်လိုတဲ့ ရဟန်းသည်
(၁) ဆရာဘုရားအပေါ်မှာလည်း ယုံကြည်မှုအပြည့်ဝရှိတယ်။
(၂) အနာကင်း၏၊ ရောဂါကင်းပြီးအညီအမျှ ကျေကျက်စေတတ်သော
မအေးလွန်း မပူလွန်းသောအလယ်အလတ်ဖြစ်သော ကမ္မဋ္ဌာန်းစီးဖြန်းရန်ခံ့သော ပါစကတေဇောဓာတ် (ဝမ်းမီး) နဲ့လည်းပြည့်စုံမယ်၊
(၃) ဟန်ဆောင်ခြင်း လှည့်ပတ်ခြင်း မရှိ၊ ဆရာဖြစ်သော မြတ်စွာဘုရားအထံ၌ လည်းကောင်းပညာရှိကုန်သော
သီတင်းသုံးဖော်တို့အထံ၌လည်းကောင်းဟုတ်မှန်သည့်အတိုင်း မိမိကိုယ်ကို ထင်စွာ ပြုတက်တယ်၊
(၄) အကုသိုလ်တရားတို့ကို ပယ်ရန် ကုသိုလ်တရားတို့ကို ပြည့်စုံစေရန် ထက်သန်သော လုံ့လ၀ီရိယနဲ့လည်းပြည့်စုံမယ်။
(၅) ပညာရှိတယ် ၊အဖြစ် အပျက်ကို သိစွမ်းနိုင်သော ပညာနှင့် ပြည့်စုံမယ်၊ စင်ကြယ်သော (ကိလေသာ ကို) ဖောက်ခွဲဖျက်ဆီးနိုင်သော ကောင်းစွာ ဒုက္ခ၏ကုန်ရာ နိဗ္ဗာန်သို့ ရောက်စေနိုင်သော ပညာနှင့် ပြည့်စုံမယ်ဆိုရင်
ထိုတပည့်သားရဟန်းသည် မြတ်စွာဘုရားတည်းဟူသော ဆုံးမသူဆရာကို ရသည်ရှိသော်
အလွန်ဆုံးလှ (၇)နှစ်ဆိုလျှင် အရဟတ္တဖိုလ်အကျိုးကို ယခုဘဝ၌ပင် ကိုယ်တိုင်
ထူးသောဉာဏ်ဖြင့် မျက်မှောက်ပြုကာ တရားထူးရနိုင်ပါတယ်။
*ညတရားနာယူရမူ နောက်ရက်နံနက်မှာ တရားအထူးကို ရပေလိမ့်မည်၊
*နံနက်အခါ တရားနာကြားရမူကား ညချမ်းကာလရောက်သည်နှင့်
တရားထူးရနိုင်သစ္စာညာဏ်ကိုအမြင်ပေါက်နိုင်သည်…ဟုမိန့်တော်မူလိုက်ပါတယ်။
………………………
ထိုအခါမှ ဗောဓိမင်းသားလည်း သူ၏ ဆင်းရဲပြင်းထန်စွာ
သေကောင်ပေါင်းလဲတရားအားထုတ်မှသာ မှန်ကန်တဲ့ညာဏ်အမြင်ကိုရနိုင်တယ်
ဆိုတဲ့အယူမှားကြီးကိုစွန့်လွှတ်လိုက်ကာ…..
''ညချမ်းအခါ၌ဆုံးမသည်ရှိသော် နံနက်အခါ၌ တရားအထူးကို ရစွမ်းနိုင်၏၊
နံနက်အခါ၌ ဆုံးမသည်ရှိသော်ညချမ်းအခါ၌ တရားအထူးကို ရစွမ်းနိုင်၏၊
မြတ်စွာဘုရားသည် အံ့သြဖွယ်ကောင်းလှပါ၏၊ တရားတော်သည် အံ့သြဖွယ်ကောင်းလှပါ၏၊ တရားတော်၏ ကောင်းစွာဟောကြားထားသည်၏ အဖြစ်သည် အံ့သြဖွယ်ကောင်းလှပါ၏''ဟု ပြန်လည်လျှောက်ထားလိုက်ပါတယ်။
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
ဗောဓိမင်းသားက ဘုရားရှင်နှင့်တရားတော်၏အံ့ဖွယ်ဂုဏ်ကိုသာချီးမွမ်းနေပြီး သရဏဂုံကိုလည်း မလျှောက်ကြား ၊ဥပါသကာအဖြစ်လည်းမခံယူခြင်းအပေါ် သူငယ်ချင်းဖြစ်သူ သဉ္ဇိကာပုတ္တလုလင်က သိပ်သဘောမကျဖြစ်ကာ။
ဗောဓိမင်းသားကို ''မင်းနှယ်ကွာ ဒီလောက်အနှစ်သာရပြည့်ဝကောင်းမွန်တဲ့တရားဓမမတွေကိုနာကြားရတာတောင် သရဏဂုံလေးမှမယူ ဥပါသကာအဖြစ်မှမလျှောက်ကြားဘူး၊ဘုရားချွတ်လို့မကျွတ်မယ့်သူဆိုတာ မင်းကိုရည်ရွယ်ပြောတာထင်ပါရဲ့..” လို့စကားနာထိုးလိုက်ရာ
ဗောဓိမင်းသားကပြန်လည်၍..ဟာ သူငယ်ချင်း ဘယ်လိုပြောလိုက်ပါလိမ့်ကွာ
လောကမှာငါလောက် ဘုရားကိုကိုယ်ကွယ်ဆည်းကပ်နိုင်သူရှိနိုင်ပါဦးမလား…
ငါ့မယ်တော်ကြီးကပြောပြဖူးတယ်
“ငါကကိုယ်ဝန်တည်စဉ်ထဲအမေ့ဗိုက်ထဲက သရဏဂုံယူပြီးသား၊ဘုရားတပည့်သား ဖြစ်ပြီးသားတဲ့ကွ၊”
(က)“ မြတ်စွာဘုရား ကောသမ္ဗီပြည် ဃောသိတာရုံကျောင်း၌ သီတင်းသုံးတော်မူစဉ်က ကိုယ်ဝန်ဆောင်ရက်ကြီးနဲ့ ငါ့မယ်တော်ဟာ မြတ်စွာဘုရားအထံသို့ ချဉ်းကပ်၍ မြတ်စွာဘုရားကိုရှိခိုးပြီးလျှင် တစ်ခုသောနေရာ၌ ထိုင်နေလျက် ''အသျှင်ဘုရား အကျွန်ုပ်၏ ဝမ်းတိုက်ရှိ ဤသတို့သား၊ သို့မဟုတ် သတို့သမီးသည် အသျှင်ဘုရားကို ကိုးကွယ်ရာဟူ၍ ဆည်းကပ်ပါ၏၊ တရားတော်မြတ်ကိုလည်းကောင်း၊ ရဟန်းသံဃာအပေါင်းကိုလည်းကောင်း ကိုးကွယ်ရာဟူ၍ ဆည်းကပ်ပါ၏၊ မြတ်စွာဘုရားသည် ထိုသူငယ်ကို ယနေ့ကို အစပြု၍ အသက်ထက်ဆုံး ကိုးကွယ်ရာဟူ၍ ဆည်းကပ်သော ဥပါသကာဟူ၍ မှတ်တော်မူပါလော့''ဟု လျှောက်ခဲ့ဖူးတယ်လို့ ပြောပြခဲ့ဖူးတယ်”
(ခ)နောက်တစ်ကြိမ်သရဏဂုံရခဲ့တုန်းကတော့ ငါကကလေးလေးပဲရှိသေးတာ၊ မြတ်စွာဘုရား ဘဂ္ဂတိုင်း သုသုမာရဂိရမြို့ သားသမင် တို့ကိုဘေးမဲ့ပေးရာဖြစ်သော ဤပဲစင်းငုံတော၌ပင်လျှင် သီတင်းသုံးနေစဉ်တုန်းကလည်း ငါ့ကိုထိန်းရတဲ့ နို့ထိန်းကြီးက ရင်ခွင်ဖြင့်ပွေ့ ပိုက်ချီ၍ မြတ်စွာဘုရားအထံသို့ ချဉ်းကပ်ပြီးလျှင် ရှိခိုးလျက်
''အသျှင်ဘုရား ဤဗောဓိမင်းသားသည် မြတ်စွာဘုရားကို ကိုးကွယ်ရာဟူ၍ ဆည်းကပ်ပါ၏၊ တရားတော်မြတ်ကိုလည်းကောင်း၊ ရဟန်းသံဃာအပေါင်းကိုလည်းကောင်း ကိုးကွယ်ရာဟူ၍ ဆည်းကပ်ပါ၏၊ မြတ်စွာဘုရားသည် ထိုဗောဓိမင်းသားကို ယနေ့ကို အစပြု၍ အသက်ထက်ဆုံး ကိုးကွယ်ရာဟူ၍ ဆည်းကပ်သော ဥပါသကာဟူ၍ မှတ်တော်မူပါလော့'လို့လျှောက်ထားခဲ့ဖူးသတဲ့။
(ဂ)အဲလိုကိုယ်ဝန်တည်စဉ်အမိဝမ်းထဲကိုက ရတနာသုံးပါးကိုကြည်ညိုဆည်းကပ်တဲ့ ဘုရားရှင်ရဲ့တပည့်သား၊ လူမမည်အရွယ်ကလေးဘ၀ထဲက နို့ထိမ်းကြီးကျေးဇူးကြောင့်နှစ်ကြိမ်မြောက် ဆည်းကပ်ခွင့်ရခဲ့တဲ့ငါက ယခုလိုဆွမ်းပင့်ကပ် တရားနာပြီးမှ ဘာလို့ရတနာသုံးပါးကိုးကွယ်ဆည်းကပ်သူအဖြစ်မလျှောက်ရမှာလဲ ၊ သူငယ်ချင်းသဉ္ဇိကာပုတ္တ ယခုငါသည်သုံးကြိမ်မြောက်လည်း မြတ်စွာဘုရားကို ကိုးကွယ်ရာဟူ၍ ဆည်းကပ်ပါ၏၊ တရားတော်မြတ်ကိုလည်းကောင်း ရဟန်းအပေါင်းကိုလည်းကောင်း ကိုးကွယ်ရာဟူ၍ ဆည်းကပ်ပါ၏၊……ဟုပြောဆိုကာ
ထိုနေ့မှစ၍ အသက်ထက်ဆုံး (ရတနာသုံးပါးကို) သုံးကြိမ်မြောက်ကိုးကွယ်ဆည်းကပ်သူတစ်ယောက်ဖြစ်သွားပါတော့တယ်။
XXXXXXXXXXXXXXXXXXXXXXXXXXXXXXXXXXXXXXX
ဒီလောက်ဆိုလျှင် မေတ္တာသုတ္တာန်မှာဘုရားရှင်ဟောတော်မူထားတဲ့
ရိုးသားဖြောင့်မတ်ခြင်း(ဥဇူ စ)အထူးကိုရိုးသားဖြောင့်မတ်ခြင်း(သုဟုဇူ စ)ဆိုတဲ့
ရိုးဂုဏ်နှင့်ပြည့်စုံရမယ်ဆိုတဲ့ အင်္ဂါရပ်ဟာ ယခုဗောဓိရာဇကုမာရသုတ်တော်လာ
”ယုံကြည်၊ကျန်းမာ၊ဖြောင့်မတ်စွာနှင့်၊လျော်စွာအားထုတ်၊နာမ်နှင့်ရုပ်ကိုဖြစ်ချုပ်သိမြင်ဤ(၅)အင် ၊မှန်ပင်မဂ်ရကြောင်းဆိုတဲ့”ပဓာနိယင်္ဂတရားငါးပါးထဲက တတိယမြောက် “ဖြောင့်မတ်စွာနှင့်”ဆိုတဲ့အင်္ဂါရပ်နှင့်တစ်ထပ်တည်းကျနေကာ နိဗ္ဗာန်ရဖို့အလွန်အရေးကြီးလှကြောင်းသဘောပေါက်နားလည်ကြမည်ထင်ပါသည်။
ရိုးသားစွာကြိုးစားနိုင်ကြပြီးသံသရာဝဋ်ဒုက္ခမှလွတ်မြောက်နိုင်ကြပါစေ
( လင်္ကာအရှင်-မုံရွာ)
No comments:
Post a Comment