ဘုရားရှင်ကိုယ်တော်မြတ်ကြီးသည် ၀ါတွင်းကာလကြီးမှာ တောစောင့်နတ်များကမနေနိုင်အောင် နှောက်ယှက်ခြောက်လှန့်ကြသဖြင့် သာဝတ္ထိပြည်ဇေတ၀န်ကျောင်းတိုက်သို့ ပြန်ရောက်လာကြသော ရဟန်းတော်ငါးရာအား ထိုတောအုပ်သို့သာ ပြန်သွားအားထုတ်ကြရန်တိုက်တွန်းတော်မူပြီး မေတ္တာကြီးမားသူများသည် ရန်သူကိုပင် မိတ်ဆွေဖြစ်အောင် လုပ်နိုင်သည်ဟု မိန့်ကြားတော်မူကာ
ဆက်လက်၍ မေတ္တာသုတ္တာန်ကို ဟောကြားတော်မူလေသည်။
မေတ္တာသုတ္တာန်စစချင်းပင် မေတ္တာဘာဝနာပွားများလိုသူတို့ ပြည့်စုံရမည့်အင်္ဂါရပ်များကို
(၁) ကရဏီယမတ္ထကုသလေန၊ ယန္တသန္တံ ပဒံ အဘိသမေစ္စ။
သက္ကော ဥဇူ စ သုဟုဇူ စ၊ သုဝစော စဿ မုဒု အနတိမာနီ။
လို့..စတင်ဟောကြားပေးတော်မူပါတယ်။ အဓိပ္ပါယ်ကတော့ ….
ဒုက္ခခပ်သိမ်း ကင်းငြိမ်းရာမှန် မြတ်နိဗ္ဗာန်သို့ မဂ်ဉာဏ်ဖြင့် ထိုးထွင်းသိမြင်လိုသော
အကျိုးစီးပွါး၌ လိမ္မာသောသူသည် (ဤဆိုလတ္တံ့သော စည်းကမ်းနည်းလမ်းကို) ပြုကျင့်အပ်၏-
ကျင့်စွမ်းနိုင်ရမည်၊
ကိုယ်နှုတ် ဖြောင့်မတ်ရမည်၊
စိတ်နေစိတ်ထား ကောင်းစွာ ဖြောင့်မတ်ရမည်၊
ဆိုဆုံးမ လွယ်ရမည်၊
စိတ်ထား နူးညံ့သိမ်မွေ့ရမည်၊
လွန်ကဲမြင့်မောက်သော မာနမထားရာ လို့ပဲဖြစ်ပါတယ်။
အကျိုးစီးပွားနဲ့စပ်ယှဉ်တဲ့ လုပ်ငန်းတွေမှာကျွမ်းကျင်လိမ်မာရမယ် လို့ အကျဉ်းဥဒ္ဒေသအားဖြင့်ပဲ ဟောတော်မူလိုက်ရာမှာ ဘုရားရှင်လက်ထက်တော်ကတော့ ဗုဒ္ဓသာဝကအဖြစ်နဲ့ ကျွတ်တမ်းဝင်ကြမယ့် ရဟန်းတော်ငါးရာဖြစ်တာကြောင့် အတ္ထကုသလေန လို့ ဆိုလိုက်တာနဲ့ အကျိုးစီးပွားကဘယ်အရာတွေ ၊အကျိုးမဲ့ကိုဖြစ်စေနိုင်တာတွေက ဘယ်အရာတွေဆိုတာကို ထိုးထွင်းသိနားလည်ကြပါတယ်။ ယခုမိမိတို့မှာကတော့ ထိုမထေရ်မြတ်များလောက် ညာဏ်ပညာမကြီးမားကြတဲ့ မန္ဒပုဂ္ဂိုလ်များဖြစ်ကြတဲ့အတွက် ။ အကျိုးအပြစ်ကိုခွဲခြားပြီး အကျယ်သိနိုင်ဖို့လိုပါလိမ့်မယ်။
မှန်ပါတယ် ဘုရားရှင်ကိုယ်တော်မြတ်ကြီးကလည်း အင်္ဂုတ္ထိုရ်စတုက္ကနိပါတ်၊ဥဂ္ဃဋိတညူသုတ်မှာ လူတန်းစား လေးမျိုးလေးစားရှိကြောင်း ရှင်းလင်းဟောပြခဲ့ပြီးဖြစ်ပါတယ်။
ယင်းလူတန်းစား(၄)မျိုးကတော့
(၁) ဥဂ္ဃဋိတညူ- အရိပ်ပြအကောင်မြင်၊အပွေးမြင်အပင်သိ ချက်ဆို နားခွက်က မီးတောက်တဲ့ အလွန်အကင်းပါးတဲ့သူမျိုး၊
(၂) ဝိပဉ္စိတ- ဒူးလောက်တင်မှ ရင်လောက်ကျဆိုတာလို ဥပမာဥပမေယျများစွာနဲ့ အာပေါက်အောင်ရှင်းပြပေးမှ ပြောလိုရင်းကို
နားလည်သွားတဲ့သူမျိုး၊
(၃)နေယျ- ကျောချမှ ဓားပြမှန်းသိ ဆိုတာလို အမျိုးမျိုးအဖုံဖုံ ရှင်းပြနေတုန်းက
ဘာပြောနေတယ်ဆိုတာ ကောင်းကောင်းနားမလည်ဘူး၊ ကိုယ်တွေ့ကြုံရမှ ရှင်းရှင်းလင်းလင်းသဘောပေါက်သွာတဲ့လူ နဲ့
(၄)ပဒပရမ-နွားရှေ့သံချက်စက်ဖွင့်ဆိုတာလို ဘယ်လောက်ရှင်းပြရှင်းပြ သေချာကျနသဘောမပေါက်တဲ့လူဆိုပြီး
လူတန်းစားလေးမျိုးလေးစား ဟောပြထားတော်မူခဲ့တယ်မဟုတ်ပါလား။
ဘုရားရှင်ရဲ့ လက်ျာရံ အဂ္ဂသာဝကကြီးဖြစ်တဲ့ အရှင်သာရိပုတ္တရာကတော့ ချက်ဆို နားခွက်ကမီးတောက်တဲ့ ဥဂ္ဃဋိတညူပုဂ္ဂိုလ်မျိုးဖြစ်ပါတယ်၊ အရှင်အဿဇိက ဂါထာတစ်ပုဒ်ထဲဟောပြရာမှာ ဂါထာတောင်မဆုံးသေးဘူး။ ယေဓမ္မာ ဟေတုပ္ပဘ၀ါ။အကြောင်းကြောင့် အကျိုးဖြစ်သကွာ ၊လို့ဟောလိုက်ခါရှိသေး။ အကြောင်းအကျိုး အကောင်းအဆိုးနဲ့ အမှားအမှန်ကို သေချာကျနစွာသိမြင်သဘောပေါက်သွားပြီး လမ်းမှန်ပေါ် ချက်ချင်းရောက်သွားပါတော့တယ်။
ဝိပစိတညူဆိုတာကတော့ ဘုရားရှင်ကိုယ်တော်တိုင်တရားပြပြီး တစ်ညလုံးတရားပြပြီး ညလုံးပေါက်ကို ဓာတုဝိဘင်္ဂသုတ္တာန်ကို အကျယ်ဝေဖန်ဟောကြားလိုက်မှ ကာမဂုဏ်အပြစ်တွေကို ရှင်းလင်းစွာသိမြင်သဘောပေါက်သွားတဲ့ ပက္ကုသာတိမင်းလိုပေါ့။
နေယျ-ပုဂ္ဂိုလ်ဆိုတာကတော့ ဘုရားရှင်ပေးတဲ့ကမ္မဋ္ဌာန်းနီးနဲ့ အပြင်းအထန်ကမ္မဋ္ဌာန်းတရား ကြိုးစားအားထုတ်ပြီးမှ ထိုဟောကြားပေးတဲ့သစ္စာတရားတော်တွေကို ကိုယ်တွေ့သိမြင်သဘောပေါက်သွားတဲ့ အရှင်စက္ခုပါလလို မထေရ်မျိုးပေါ့။
ပဒပရမဆိုတဲ့ စာသမားတွေကတော့ ကျင့်စဉ်နည်းလည်းတွေကို သင်ကြားပို့ချ နာယူမှတ်သားနေကြပေမယ့် တစ်ဘ၀တာသာ ကုန်ဆုံးသွားရော ဘာတရားထူး ၊ဘာအသိညာဏ်ထူးမှ ကိုယ်တွေ့ရမသွားရရှာတဲ့ စာတတ်ကျမ်းတတ်အကျော်တွေ၊ သာမန်တပည့်သာဝကတွေလို့ ဆိုလိုပါတယ်။
သူတို့တွေကတော့ သံသရာခရီးထောက်တည်ရာမရသွားကြရှာပါဘူး အဲဒီဘ၀ကိုပြောတာနော် အင်္ဂုတ္ထိုရ် စတုက္ကသောတာနုဂတသုတ္တာန်မှာ ဘုရားရှင်က …စာပေပရိယတ်တရားများသင်ကြားပြီး လက်တွေ့အားထုတ်ခဲ့ပါက မျက်မှောက်ဘ၀မှာတရားထူးမရရှိခဲ့သော်လည်း နောက်ဘ၀နတ်ဘုံမှာပဋိသန္ဓေရသည်နှင့်တပြိုင်နက် တရားထူးရနိုင်ကြောင်း၊ထိုသို့မရခဲ့လျှင်တောင်မှ
တန်ခိုးဣဒ္ဓိပ္ပါဒ်ကြီးမားတဲ့ ရဟန်းတော်တစ်ပါးပါးက နတ်ပြည်လာတရးဟောလို့ဖြစ်စေ၊
ဓမ္မကထိကနတ်သားကတရားဟောလို့ဖြစ်စေ ထိုပရိယတ်တရားဓမ္မများပြန်ကြားရတဲ့အခါ ၊သို့မဟုတ် အခြားသောနတ်ပြည်ရောက်နှင့်နေသည့် သီတင်းသုံးဖော်များနှင့်တရားစကားဆွေးနွေးကြသည့်အခါ တရားထူးတရားမြတ်များရနိုင်ခွင့်ရှိပေသည်ဟုဟောကြားထားတော်မူခဲ့ပြီးဖြစ်၍ ပရိယတ်ဝန်ဆောင်အရှင်မြတ်များကိုလည်း အသုံးမကျလူ့ဗာလနီးနီးသွားမပုတ်ခတ်မိကြဖို့လည်း အရေးကြီးလှပါတယ်။ သို့မဟုတ်ပါက ပရိယတ်ဝန်ဆောင်တွေကို ပဋိပတ်သမားက ရစရာမရှိအောင်အပြစ်ပြောကြတဲ့အခါ ကိုယ်ပါရောယောင်ပြောမိတတ်ကြမှာစိုးလို့တင်ပြပေးရခြင်းလည်းဖြစ်ပါတယ်။
တချို့လူများဟာ တရားရိပ်သာလေးခဏတဖြုတ်ဝင်ပြီးတာနှင့် ပရိယတ်ဝန်ဆောင်အရှင်များကို လိုက်လံပုတ်ခတ်ဝေဖန်နေကြတာလည်း တွေ့ကြုံရဖူးပါတယ်။
ပရိယတ်ဝန်ဆောင်အရှင်များအနေဖြင့်ကလည်း သင်သိပြီးလျှင် ကျင့်သိဖြင့် ထိုးထွင်းသိမြင်နိုင်အောင်လည်း သမထ၊၀ိပဿနာဘာဝနာများ ကြိုးစားအားထုတ်ကြဖို့လိုပါတယ်။သို့မဟုတ်ပါက ဘုရားရှင်ဓမ္မပဒမှာ ဟောကြားတော်မူထားသကဲ့သို့ နွားနို့အရသာကိုမခံစားရပဲ နွားကျောင်းခလေးသာရသွားရှာတဲ့ နွားကျောင်းသားကဲ့သို့ ပဒပရမစစ်စစ် အမှန်တကယ်ဖြစ်သွားပါလိမ့်မယ် ။
ကဲဒီတော့ မိမိတို့က
ချက်ဆို နားခွက်ကမီးတောက်သူတွေလား၊
အာပေါက်အောင်ပြောမှ အပေါ်ယံလောက်သဘောပေါက်နားလည်သူလား။
နောက်ပြန်ပြီး စေ့စေ့တွေးမှ ရေးရေးပေါ်တဲ့ ကိုထုံတို့လို လူစားမျိုးလား။ ဆိုတာတော့ ကိုယ့်အကြောင်းကိုယ်ပဲ အသိဆုံးဖြစ်ကြပါလိမ့်မယ်။
ဦးဇင်းကိုယ်တိုင်ကတော့ ချက်ဆိုနားခွက်ကမီးမတောက်လို့ အဋ္ဌကထာဆရာတော် အကျယ်တ၀ံ့ရှင်းလင်းဖွင့်ဆိုထားတဲ့ ကရဏီယမတ္ထကုသလေနဆိုိတဲ့ ဘုရားစကားတော်ဟာ ဘာကိုဆိုလိုတယ်ဆိုတာကစပြီး အသေးစိတ်လေ့လာမှတ်သားရဦးမှာဖြစ်ပါတယ် ။ဦးဇင်းလိုဘ၀တူ ကိုထုံများအတွက်လည်း ဦးဇင်းနဲ့ထပ်တူ သိရှိနားလည်သွားကြစေဖို့ မှတ်သားမိသမျှလေးကိုလည်း နောက်ပို့စ်များမှာ အသေးစိပ်တင်ပြပေးသွားမယ်လို့ စိတ်ကူးထားပါတယ်။
သို့မှသာ မိမိတို့နှုတ်တက်အာဂုံရနေတဲ့ ဘုရားရှင်ရဲ့မေတ္တာသုတ္တာန်ကဘာကိုဆိုလိုနေတယ်။ မေတ္တာဘာဝနာပွားများချင်သူများအဖို့ မည်သည့်ဂုဏ်အင်္ဂါတွေနဲ့ပြည့်စုံဖို့လိုတယ်၊ မည်သို့မည်ပုံပွားများရမယ်ဆိုတာ အသေးစိတ် သိနားလည်သွားကြမှာမဟုတ်ပါလား။ ပါဠိပါတ်သားတစ်ခုချင်းစီရဲ့ ဆိုလိုရင်းအဓိပ္ပါယ်တွေကိုလည်း သေချာကြနမှတ်သားထားကြဖို့လိုပါတယ် သို့မဟုတ်ပါက ပါဠိသာ ချောင်းချောင်းပြေးရပြီး ဘာမှအဓိပ္ပါယ်နားမလည်တဲ့ သာလိကာစကားတတ်နည်းမျိုးလိုဖြစ်နေမှာစိုးရပါတယ်။
ကရဏီယမတ္ထကုသလရဲ့အနက်အဓိပ္ပါယ်ကိုတော့ နောက်လာမည့်ပို့မှာ ဆက်လက်လေ့လာကြပါကုန်။
မေတ္တာများစွာဖြင့် အရှင်ဝိမလာလင်္ကာရ(လင်္ကာအရှင်-မုံရွာ)
No comments:
Post a Comment