အရင်ပို့စ်မှာက သီလစခန်းမှ သမာဓိလမ်းမတော်ပေါ်သို့တက်လှမ်းကာ ဈာန်သမာပတ်တရားများပွားများအားထုတ်နိုင်သူများကိုဖော်ပြပေးခဲ့ပြီးဖြစ်ပါတယ်။ ဒါပေမယ့် မိမိတို့သာသနာ့ပန်းတိုင်က ဈာန်သမာပတ်နဲ့အထွဋ်တပ်အမွှန်းတင်ထားတာမဟုတ်ပါဘူး။
ဘုရားရှင်တော်ပွင့်တော်မူလာခဲ့ရခြင်းအကြောင်းရင်းကလည်း အနိစ္စ၊ဒုက္ခ၊အနတ္တဆိုတဲ့ လက္ခဏာရေးသုံးတန်ကိုဖွင့်လှန်ပြပြီး အနုသယအငုတ်ဓာတ်ကိလေသာကို အမြစ်ပါမကျန်အောင်ပယ်လှန်နိုင်ဖို့ မဟုတ်ပါလား။ ဒါ့ကြောင့် အဋ္ဌကထာဆရာတော်က
ကရဏီယမတ္ထကုသလေနက အတ္ထကုသလအဖွင့်မှာ မဂ်ဖိုလ်နိဗ္ဗာန်အထွဋ်တပ်ပြီး
“ ယော ဝါ ပန သမာပတ္တိတော ဝုဋ္ဌာယ သင်္ခါရေ သမ္မသိတွာ အရဟတ္တံ ပါပုဏာတိ၊ အယံ အတ္ထကုသလာနံ အဂ္ဂေါ”လို့ဖွင့်ပြတော်မူခဲ့တာဖြစ်ပါတယ်။
အဓိပ္ပါယ်ကတော့ မိမိအကျိုးစိးပွား၌လိမ္မာကျွမ်းကျင်တဲ့သူတွေကတော့ ဈာန်သမာပတ်အဆင့်မှာပဲ ရပ်တန့်သာယာနေတော်မမူကြပဲ သမာပတ်မှထပြီး ယင်းဈာန်သမာပတ်တရားတွေလည်းပဲ ဖောက်ပြန်ပြောင်းလွဲမတည်မြဲကုန်။
ဖြစ်ခြင်းပျက်ခြင်းတို့နဲ့ဆက်ဆံနေရလို့ဆင်းရဲလှ၏။ကိုလိုသလိုပြောင်းလွဲမရတဲ့သဘောဓမ္မတာဖြစ်၍
လည်းအနတ္တသဘောသာဖြစ်ချေသည်။ စသဖြင့် လက္ခဏာရေးသုံးတန်တင်ပြီးရှုပွားနိုင်ပါတယ်။
ဒီတော့မှ လောကသာယာဖွယ်ထင်နေတဲ့ဒီဈာန်ချမ်းသာတွေအပေါ်တွယ်တာမှုသဘောတွေကို
အပြီးစွန့်ခွါကာ လွတ်ငြိမ်းချမ်းသာတဲ့ ဘ၀တစ်ခုကို ပိုင်ဆိုင်ခွင့်ရရှိနိုင်မှာဖြစ်ပါတယ်။
ဒီလိုအကျိုးစီးပွားအဆင့်ဆင့်ကျင့်ပြီး အမွန်မြတ်ဆုံးအကျိုးဖြစ်တဲ့နိဗ္ဗာန်ကို
မျက်မှောက်ပြုနိုင်သူသည်သာ အတ္ထကုသလ-အကျိုးစီးပွား၌ကျွမ်းကျင်လိမ္မာသူအစစ်ဖြစ်ပါသတဲ့။
XXXXXXXXXXXXXXXXXXXXXXXXXXXXXXXXXXXXXXX
ဒီနေရာမှာ အကျိုးစီးပွားကိုကျွမ်းကျင်လိမ္မာသူတွေက ဈာန်သမာပတ်မှတဆင့်ဝိပဿနာကူးကာ နိဗ္ဗာန်ရအောင်ကျိုးစားအားထုတ်နိုင်ကြတယ်ဆိုတော့ မကျွမ်းကျင်မလိမ္မာတဲ့သူတွေကတော့ မိမိတို့ရည်ရွယ်ဆုတောင်းနေကြတဲ့ မဂ်ဖိုလ်နိဗ္ဗာန်ဆိုတဲ့အကျိုးထူးတရားတွေကိုမရရှိနိုင်ဘူးလို့ နားလည်သဘောပေါက်ရမှာပေါ့။
ဈာန်သမာပတ်အရာမှာ မကျွမ်းကျင်မလိမ္မာရင် ရပြီးသားဈာန်အဆင့်တွေတောင်လျောကျပြီး အရင်းရှုံးသွားရတတ်ပုံကို အင်္ဂုတ္တိုရ်ပါဠိတော် န၀ကနိပါတ် မဟာဝဂ်၌လာရှိသော ဂါဝီဥပမာသုတ်မှ ထုတ်နှုတ်တင်ပြပေးချင်ပါသေးတယ်။
……………………………
အသွားအလာခက်ခဲပြီး ညီညာပြန့်ပြူးမှုမရှိတဲ့ တောင်ကုန်းပေါ်တက်မိတဲ့
နွားမနှစ်ကောင်ဟာ အမြင်တွေကျယ်လာကြတယ်။ခပ်ဝေးဝေးမှာလှမ်းမြင်နေရတဲ့ မြက်ခင်းပြင်ကြီးနဲ့
ရေအိုင်ကြိးတစ်ခုကိုမြင်လိုက်ကြရတယ်တဲ့လေ။
ဒီတော့ မရောက်ဖူးသေးတဲ့ နယ်သစ်ပယ်သစ်သို့လည်းရောက်ချင်မိကြ၊ မစားဖူးသေးတဲ့
မြက်စိမ်းမြက်နုလေးတွေကိုလည်းစားချင်မိကြတယ်၊မသောက်ဖူးသေးတဲ့ ရေကြည်ရေအေးတွေကိုလည်း သောက်ချင်လာမိကြတော့တာပေါ့။
ဒါပေမယ့် လိမ္မာပါးနပ်တဲ့ နွားမက ထိုလှမ်းမြင်နေရတဲ့မြက်ခင်းပြင်ကြီးဆီ
အရောက်သွားနိုင်ဖို့ ရှေ့ခြေနှစ်ချောင်းကို သေချာတွက်ကုပ်ပြီး ကိုယ့်ကိုယ်ကိုယ်ထိန်းနိုင်ပြီ၊ထောက်တည်ရာရပြီဆိုတော့မှ နောက်ခြေနှစ်ချောင်းကို
နေရာရွှေ့ရွှေ့ထောက်ကာ ပြုတ်မကျအောင်ထိန်းသွားလိုက်တာ နောက်ဆုံးမတော့ သူရောက်ချင်လှပါတယ်ဆိုတဲ့ မျက်ခင်းစိမ်းစိမ်းကြီးနဲ့ရေကန်ကြီးရှိတဲ့ နယ်ပယ်သစ်ကို အရောက်သွားနိုင်ခဲ့ပါသတဲ့။
ချောက်ကြားအရပ်မှာ မည်သို့မည်ပုံလှည့်လည်သွားလာရမယ်ဆိုတာကို မလိမ္မာ မကျွမ်းကျင်တဲ့ နွားမခမျာမှာတော့ ရှေ့ခြေနှစ်ဖက်နဲ့ သေချာအားပြုမထောက်ပဲ နောက်ခြေနှစ်ချောင်းကိုိုနဲ့သာ ကြွကြွသွားနေတော့ နောက်ဆုံးမှာ ချေချော်ကာ တောင်အောက်ပြုတ်ကျကာ သေရှာပါလေရော။
ဒီ တောင်ကမ်းပါးယံမျိုးဆိုတာက မြေပြန့်လိုအောက်ခြေလိုမှမဟုတ်တာပဲ အမြင့်ကကျရင်အကျနာမယ်။ ပုံမတော်ရင် ချိုကျိုးနားရွက်ပဲ့ဖြစ်သွားနိုင်တယ်။အခြေနေမကောင်းရင် အသက်ပါဆုံးသွားနိုင်တယ်မဟုတ်ပါလား။ ဒါ့ကြောင့်မိမိရောက်နေတဲ့နေရာအဆင့်အတန်းက လျှောကျမသွားဖို့လည်း မြဲအောင်တွယ်ကုပ်ပြီး
ခြေချော်လက်မြဲလုပ်ထားဖို့လဲလိုအပ်ပါတယ်။ အခုတော့ ခက်ခဲကြမ်းတမ်းတဲ့တောင်တန်းခရီးမှာ အသွားလာမကျွမ်းကျင်ရှာတဲ့နွားမမိုက်ခမျာ တောင်အောက်ကိုကားကနဲကျကာ အသက်ပါဆုံးသွားရှာ..တယ်လို့ဆိုပါတယ်။
ဒါကတော့ ဘုရားရှင်က ယောဂီရဟန်းတော်များ နားလည်လွယ်အောင် ဥပမာလေးပါ။
…………………………………..
နောက်တရားနာနေတဲ့ယောဂီရဟန်းတော်တွေကို ဘုရားရှင်ဆက်လက်ဟောပြသွားပုံကတော့
တောင်ပေါ်တက်ကျက်စားတဲ့နွားမနှစ်ကောင်ဟာ အမြင့်ရောက်ပြီး အမြင်ကျယ်လာကြသလို ပထမဈာန်အဆင့်အတန်းကိုရောက်လာကြတဲ့ ယောဂီတွေဟာတစ်ခါမှမခံစားရဖူးတဲ့
ဈာန်ချမ်းသာတွေကိုခံစားရင်း ထို့ထက်ထို့ထက် သာလွန်ကောင်းမြတ်တဲ့ ဒုတိယဈာန်ချမ်းသာဆိုတာလည်းရှိနေပြန်သေးတယ်ဆိုတာ သိလာမြင်လာကြရပြန်ပါတယ်။
ဒုတိယဈာန်ဆိုတဲ့ နောက်တစ်ဆင့်ကလည်း ရောက်ချင်စရာပဲ ၊ပီတိ သုခ ဧကဂ္ဂတာဆိုတဲ့ ချမ်းသာသုခတွေကိုခံစားစံစားနိုင်ဖို့ ပထမဈာန်မှာလို မုသွင်းစရာမှမလိုတာ။ ၀ါရင့်အကယ်ဒမီရ ရုပ်ရှင်မင်းသမီးမင်းသားကြီးများဇာတ်ကားရိုက်ရင် မုသွင်းနေစရာ စိတ်ကိုဖျစ်ညှစ်ပြီးသရုပ်ဆောင်နေစရာမလိုပဲ အော်တိုအသက်ဝင်နေသလိုပဲ။အချိန်လည်းမကြာတော့ပဲ ကမ္မဋ္ဌာန်းထိုင်ပြီဆိုတာနဲ့
ပီတိ။သုခ၊ဧကဂ္ဂတာ ဆိုတဲ့ချမ်းသာမှုတွေတန်းရရှိသွားတော့ လိုချင်ကြတာပေါ့။ဒီတော့ ဒုတိယဈာန်အဆင့်ကိုတက်လှမ်းနိုင်ကြဖို့ ကြိုးစားအားထုတ်ကြပြန်ပါတယ်..တဲ့။ ဒီနေရာမှာတော့ နွားမနှစ်ကောင်လိုပါပဲ အကျိုးရလာဘ်ကကွဲပြားသွားပါပြီ ။
……………………………………..
နယ်သစ်ပယ်သစ်ကို ပြောင်းရွှေ့ချင်ကြတယ်ဆိုတာကလည်း မိမိမူလနေရာရဲ့အပြစ်တွေနဲ့နယ်ပယ်သစ်ရဲ့
အကျိုးမြတ်တွေကိုမြင်လို့မဟုတ်ပါလား။
ဒါပေမယ့် တကယ်တန်းရောက်သွားလုပ်ကိုင်တဲ့အခါမှာတော့ မိမိမျှော်မှန်းထားခဲ့သလိုဖြစ်လာရင်ပြဿနာမရှိဘူး၊အဆင်မပြေခဲ့ပါက မူလချက်ကြွေ မွေးရပ်မြေကိုပြန်အခြေချရမှာမဟုတ်လား။ ဒီလိုမဟုတ်ပဲ ဇာတိရွာက အိမ်တွေယာတွေရောင်းချရင်းနှီးရင်တော့ နယ်ပယ်သစ်မှာအဆင်ပြေရင်တော်ရဲ့ အဆင်မပြေရင် မူလနေရာလည်းပြန်ပြေးလို့မရတော့ပဲ သေချင်တဲ့ကျားတောပြောင်းမိတဲ့ပုံစံမျိုး
သူဋ္ဌေး မဖြစ်ပဲ အရင်းပြုတ်ပြီးဒုက္ခရောက်သွားဖို့သေချာပါတယ်။
ဒီလိုပါပဲ ဒုတိယဈာန်အဆင့်တန်းကိုဆက်လက်တက်လှမ်းလိုတဲ့ယောဂီဟာ အရင်ဦးဆုံး မိမိရရှိဝင်စားနိုင်ပြီဖြစ်တဲ့ပထမဈာန်သမာဓိကို သန်းခေါင်ကျော်တစ်ရေးနိုး ဘယ်အချိန်ထ၀င်စားစားဝင်စားနိုင်ဖို့လေ့ကျင့်ထားရပါတယ်။ပြီးမှ ထိုမိမိရရှိထားတဲ့ပထမဈာန်ကို
*ဤပထမဈာန် သမာပတ်သည် ကာမစ္ဆန္ဒနီဝရဏစတဲ့ ရန်သူတွေနဲ့အရမ်းနီးကပ်လွန်းနေတယ်။
*ပီတိ သုခ ဧကဂ္ဂတာဈာန်ချမ်းသာများခံစားရနိုင်ဖို့ ၀ိတက်နဲ့ဝိစာရတို့ကစနေရလို့အရမ်းဖင့်နှေးတယ်..စသဖြင့်
အပြစ်အမျိုးမျိုးရှာရှုရပါတယ်။ လွမ်းစရာကို နာစရာနဲ့ဖုံးကွဲ့ဆိုတာလို ဒီပထမဈာန်ကို
သာယာမက်မောမှုသဘောလေးကုန်သွားအောင် အပြစ်ကိုနာနာရှုပေးရပါတယ်။
ဒီလိုရှုမြင်နိုင်မှ လက်ရှိအဆင့်ကိုအပြစ်မြင်ကာ နောက်တစ်ဆင့်မြင့်တဲ့နေရာကိုိတက်နိုင်တဲ့သဘောလည်းရှိတာကိုး။
လိမ္မာကျွမ်းကျင်တဲ့ယောဂီသူတောင်ကောင်းက အထက်ပါနည်းအတိုင်းပဲ ဈာန်သမာပတ်ရှစ်ပါးကို တစ်ဆင့်ပြီးတစ်ဆင့်တက်သွား ကြိုးစားအားထုတ်သွားရတဲ့တရားဖြစ်လို့ ယောဂီပုဂ္ဂိုလ်ဟာ အလွန်လိမ္မာကျွမ်းကျင်မှ သမာပတ်ရှစ်ပါးပေါက်တဲ့အထိ အကျိုးထူးများရရှိနိုင်တာဖြစ်ပါတယ်။ ရှေ့ခြေနှစ်ဖက်မြဲမြဲတွယ်ကုပ်ပြီး တောင်ကြားခရီးကတစ်ဆင့်မြက်ခင်းပြင်ကြီးဆီအရောက်သွားနိုင်တဲ့ နွားမလိမ္မာလိုပေါ့။
ဒီသမာပတ်ရှစ်ပါးမှတစ်ဖန်ထကာ ဈာန်ချမ်းသာခံစားနေမှုကိုရပ်ကာ ထိုသမာပတ်ချမ်းသာကိုပင် လက္ခဏာယာဉ်သုံးတန်တင်ပြီး
ဝိပဿနာရှုမှတ်ကာ မဂ်ချမ်းသာ ၊ဖိုလ်ချမ်းသာ၊နိဗ္ဗာန်ချမ်းသာတွေကို ရရှိခံစားရနိုင်တာဖြစ်ပါတယ်။
ဒါပေမယ့် ပထမဈာန်အဆင့်သမာဓိကိုလည်းအပါးဝစွာမလေ့လာအားမထုတ်ပဲ ။ ဒုတိယဈာန်ရလိုပြီးပထမဈာန်ရဲ့အပြစ်တွေကိုပြန်ရှုနေခဲ့မယ်ဆိုပါက
အဲဒီယောဂီမျိုးဟာ ဒုတိယဈာန်လည်းမရ။မိမိရရှိပြီးတဲ့ပထမဈာန်ကိုလည်းပြန်ဝင်စားလို့မရတော့ဘူးပေါ့။ မိမိရောက်နေရာအဆင့်ကိုထိန်းမထားနိုင်တဲ့ မလိမ္မာတဲ့နွားမတောင်ချောက်ကြားထဲ ကားကနဲကျသွားသလိုဖြစ်သွားရပါတယ်။
ဒီတော့ ဘာဖြစ်လာသလဲ။ အထည်ကြီးပျက်များလိုသာ သူဘယ်လောက်အဆင့်ရောက်ခဲ့ကြောင်း ဘယ်လောက်သမာဓိကောင်းခဲ့ကြောင်း၊ ဘာတွေမြင်ခဲ့ကြောင်းကိုသာ အာဘောင်အာရင်းသန်စွာကြွားဝါနေပြီး
သီလသမာဓိဘာဝနာတရားများ ဆက်လက်အားမထုတ်နိုင်တော့ပဲ
သီလ၊သမာဓိ၊ပညာ သူတော်ကောင်းတရားများ ဆုံးရှုံးသွားရပါတော့တယ်။
ဆင်းရဲဒုက္ခမှလွတ်ငြိမ်းချမ်းသာမယ့်အခွင့်အလမ်းကို ဆုံးရှုံးလက်လွတ်သွားရပါတော့တယ်။
xxxxxxxxxxxxxxxxxxxxx
ကဲ ဒီလောက်ဆို စာရှုသူများလည်း အကျိုးစီးပွားမှာ ကျွမ်းကျင်လိမ္မာကြသူများသာ မဂ်ဖိုလ်နိဗ္ဗာန်ဆိုတဲ့အကျိုးတရားများကို ခံစားရရှိနိုင်ကြောင်းသဘေပေါက်လောက်ပြီထင်ပါတယ်။
မေတ္တာသုတ်အစဂါထာ ကရဏီယမတ္ထကုသလေနအဖွင့်မှ
အတ္ထကုသလ-အကျိုးစီးပွား၌ကျွမ်းကျင်လိမ္မာသူဆိုတာ “ဈာန်သမာပတ်ရှစ်ပါးကို အဆင့်ဆင့်ရအောင်လိမ္မာပါးနပ်စွာအားထုတ်ပြီး ယင်းသမာပတ်တရားများကိုလည်း လက္ခဏာသုံးတန်တင်ရှုပစ်လိုက်ခြင်းအားဖြင့် လောကအားလုံးအသာရက၊အနတ္ထက၊
အနှစ်မဲ့-အကျိုးမဲ့ဆိုတဲ့သဘောကို ရှင်းကနဲ လင်းကနဲ သဘောပေါက်ကာ ဘုံဘ၀နဲ့ကာမချမ်းသာတို့၌
တွယ်တာမှုတဏှာကို ပယ်ခွါနိုင်သူ၊ တဏှာကင်းတဲ့ နိဗ္ဗာန်ချမ်းသာကို ရရှိပိုင်ဆိုင်သူ”ကို ရည်ရွယ်ဟောကြားထားတော်မူတယ်လို့ မှတ်ယူရမှာဖြစ်ပါတယ်။
ဘုရားရှင်ကိုယ်တော်မြတ်ကြီးကတော့ နိဗ္ဗာန်တည်းဟူသောအထွဋ်တပ်ကာ “အတ္ထကုသလဆိုတာ နိဗ္ဗာန်ပေါက်အားထုတ်တဲ့သူတော်ကောင်းယောဂီများဖြစ်တယ်”လို့ဟောကြားပြသလိုက်ပါပြီ။
ညာဏ်ကြီးသူ တရားဓမ္မအနှစ်သာရကိုနားလည်ကြသူများအဖို့ကတော့ ကရဏီယမတ္ထကုသလေနဆိုတဲ့မေတ္တာသုတ်အစဂါထာထဲက “အတ္ထကုသလ” ဆိုတဲ့ တစ်ပုဒ်တည်းဖြင့်ပင် နိဗ္ဗာန်အရောက် အားထုတ်ကြိုးစားရမယ့်နည်းနာနိဿယတွေကို ရရှိသွားနိုင်ပါတယ်။
ဓမ္မမိတ်ဆွေများလည်း အထက်ပို့များမှာတစ်ဆင့်ခြင်း ရှင်းလင်းဖော်ပြပေးခဲ့သလို
*သီလစခန်းမှတစ်ဆင့် သမာဓိလမ်းမတော်သို့ရောက်အောင် ကြိုးစားပွားများအားထုတ်နိုင်ကြပါစေ။
*သမာဓိလမ်းမှတစ်ဆင့် မဂ်ပညာဖိုလ်ပညာထိပေါက်ကာ ကိလေသာခပ်သိမ်းငြိမ်းတဲ့နိဗ္ဗာန်နန်းတော်ကြီးဆီထိရောက်အောင်
ကျိုးစားအားထုတ်နိုင်ကြပြီး မိမိအကျိုးစီးပွားမှာ အမှန်တကယ် ကျွမ်းကျင်လိမ္မာကြသူများဖြစ်နိုင်ကြပါစေလို့ ဆန္ဒပြုလိုက်ရပါတယ်။
ဦးဇင်းကဆုတောင်းပေးနေလို့ မေတ္တာသုတ်တရားတော်က ဒီတင်ပြီးသွားပြီလို့လည်း ထင်မှတ်မမှားကြနဲ့ဦးနော် ၊ အခုမှ မေတ္တာသုတ်တရားကစဖို့နိဒါန်းပျိုးနေတုန်းရှိပါသေးတယ်။ ကရဏီယမတ္ထကုသလေနအဖွင့်တွေကို ရှင်းလင်းပေးပြီးနောက်မှ ယန္တသန္တံပဒံ အဘိသမစ္စအဖွင့်ကိုဆက်လက်ဟောကြနာကြတာပေါ့။
ဒီလိုမကျဉ်းမကျယ်ရေးပြပေးရတာကလည်းမေတ္တာသုတ်တော်ရဲ့ နက်နဲကျယ်ဝန်းပြီး အကျိုးကြီးမားလှပုံကိုလည်း သိရှိနားလည်နိုင်ကြစေဖို့ဖြစ်ပါတယ်။
ကိုယ်စိတ်နှစ်ဖြာ ကျန်းမာချမ်းသာကြပါစေ
လင်္ကာအရှင်-မုံရွာ
No comments:
Post a Comment