* မာန်(၉)မျိုး*
လောကမှာ အခြေခံလူတန်းစားများ၊ အလယ်အလတ်တန်းစားနဲ့ အထက်တန်းလွှာဆိုပြီး(၃)မျိုးသုံးစားရှိကြပြီး
ဘယ်အလွှာမှာပဲဖြစ်ဖြစ် မိမိထက်ရာထူးဂုဏ်သိန် စည်းစိမ်ဥစ္စာအားဖြင့်မြင့်မြတ်တဲ့သူတွေကို
တွေ့ပြန်တော့လည်း “အိုကွာ ငါတို့ကသူတို့လောက်လောဘမရှိလို့ ဒီအဆင့်တင်ကျေနပ်နေတာပါ။ သူချမ်းသာကြွယ်ဝတာက သူ့အတွက်ပဲ ကိုယ့်အတွက်ဘာအကျိုးရှိတာမှတ်လို့၊ လောကမှာကိုယ်လုပ်မှကိုယ်စားရတဲ့ဟာကို အထင်မကြီးပါဘူး”ဆိုပြီးဖြစ်တတ်တဲ့ အောက်ကလူရဲ့
ဟီနမာန်။
အဆင့်အတန်းတူသူတွေကိုတွေ့တော့လည်း “အိုကွယ် ဇီးကွက်လောက်တော့ ငှက်တိုင်းလှပါရဲ့၊သူ့အဆင့်တန်းလောက်တော့ငါမှာလည်းရှိတယ်။ငါလည်းကြိုးစားရင်ရပါတယ်”ဆိုပြီး အလျှော့မပေးချင်တဲ့ အဆင့်တန်းတူသူရဲ့ သဒိသမာန် ။
မိမိထက်အောက်ကျတဲ့သူကိုတွေ့လျှင် တို့နဲ့က အဆင့်တန်းချင်းတူတာမဟုတ်ဘူးဆိုပြီး
အဖက်မလုပ်ချင်တဲ့ အထက်ကလူရဲ့ သေယျမာန် ဆိုပြီး သုံးမျိုးသုံးစားစီရှိတော့ အားလုံး မာန်(၉)မျိုးထိရှိပါတယ်။
ထိုမာန်ကိုးမျိုးတို့တွင် ဟီနဆိုတဲ့ အခြေခံလူတန်းစားတွေရဲ့ဟီနမာန်မျိုး ၊အဆင့်တန်းတူသူသဒိသပုဂ္ဂိုများရဲ့ သဒိသမာန်မျိုးနဲ့ အထက်တန်းစားသေယျပုဂ္ဂိုလ်များရဲ့ သေယျမာန်မျိုးကတော့ ရဟန္တာဖြစ်မှသာ ပယ်ခွါနိုင်မှာဖြစ်ပါတယ်။အဲဒီမာန်မျိုးကိုတော့ သဘာဝကျတဲ့မာန်မို့ ယထာဝမာန်လို့ခေါ်ပါသတဲ့။
ကျန်မာန်နှစ်မျိုးကတော့ မသင့်သောအားဖြင့်နှလုံးသွင်းပြီးဖြစ်ပေါ်လာလို့ အယထာဝမာန်လို့ခေါ်ပြီး သောတာပတ္တိမဂ်ညာဏ်ရစဉ်ထဲက ပယ်ခွါနိုင်ပြီးဖြစ်ပါတယ်။
…………………………………..
မေတ္တာသုတ္တာန်လာ ကရဏီယမတ္ထကုသလေန ဂါထာမှာပါတဲ့ အနတိမာနီ’ ဆိုတာကတော့ အယထာဝမာန်လို့ခေါ်တဲ့ လွန်ကဲမြင့်မောက်တဲ့မာန်မာနမျိုး မရှိတဲ့သူ ဖြစ်ရမယ်လို့ဆိုလိုတာပါ။
အဲဒီမာန်မာနဖြစ်ပေါ်လာရတာကတော့ မြင့်မြတ်တဲ့တော်ဝင်အမျိုးအနွယ်မှာမွေးဖွားလာခြင်း၊အနာရောဂါမရှိခြင်း၊
ငယ်ရွယ်နုပျိုခြင်းအသက်ရှည်ခြင်း၊လာဘ်လာဘပေါများခြင်း၊ချီးမြှောက်ကော်ရော် ပူဇော်ကြခြင်း၊
သူတစ်ပါးတို့ကရိုသေလေးစားခြင်း၊အဖွဲ့အစည်းရဲ့ ရာထူးကြီးကြီးတွေကိုယူပြီးခေါင်းဆောင်လုပ်နေရခြင်း၊ခြွေရံသင်းပင်းများခြင်း၊
ပစ္စည်းဥစ္စာချမ်းသာခြင်း၊အဆင်းလှခြင်း၊အကြားအမြင်ဗဟုသုတများခြင်းစတဲ့အခြေနေတွေမှာ မှန်ကန်စွာနှလုံးမသွင်းနိုင်ကြလို့ပဲဖြစ်ပါတယ်။
*မာန်သုံးမျိုး*
မှန်ကန်စွာနှလုံးမသွင်းနိုင်ကြလို့ မာန်မာနဖြစ်ကြရပုံကို အင်္ဂုတ္တိုရ် တိကနိပါတ် သုခုမာလသုတ်တော်မှာ ဘုရားရှင်က
(၁)ပျိုမြစ်နုနယ်ငယ်ရွယ်သူများကလည်း ငယ်ဂုဏ်အပေါ်မှာမာန်တက်လေ့ရှိကြကြောင်း
(၂)ကျန်းမာသူများကလည်း မိမိအနာရောဂါကင်းခြင်းအပေါ်ဂုဏ်ယူကာ ရောဂါကင်းခြင်းအပေါ်ဂုဏ်ယူဝင့်ကြွားကာ
ရောဂါသယ်များအပေါ်မာန်မာနတက်လျှက်အဖက်ပင်မလုပ်မပြုစုချင်ကြကြောင်း
(၃)အသက်အရွယ်ကြီး၍ အတွေ့အကြုံများသူများကလည်း လူငယ်လေးများကိုသုံးစားမရသူများအဖြစ်ရှုမြင်ကာ မိမိုတို့အသက်အရွယ်အရ အတွေ့အကြုံနဲ့အတွေးအကြံများရင့်ကျက်မှန်ကန်ပြီး ခံနိုင်ရည်ရှိမှုအပေါ်မှာ
မာန်တက်လေ့ရှိကြကြောင်း။
ဒီမာနတွေကြောင့်ပဲ အသက်ကြီးရွယ်အိုများနဲ့မျိုးဆက်သစ်တို့အကြား၊ကျန်းမာသူအိမ်သူအိမ်သားများနဲ့ မကျန်းမမာဒုက္ခိတများအကြားမှာအဆင်မပြေမှုများလည်းဖြစ်လာကြရကြောင်း။ထိုမာန်မာနကိုအခြေခံကာ
မပြောသင့်သည်များပြောမလုပ်သင့်သည်များလုပ်မိတတ်ကြကာ ငရဲသို့ကျသွားရကြောင်း
*မာန်မာနကြောင့် လူဝတ်လဲကြခြင်း*
အသက်အရွယ်ငယ်ရွယ်သေးသောရဟန်းများကလည်း လူ့ဘ၀မှာငါလုပ်ကိုင်စားသောက်နိုင်စွမ်းရှိတယ် ငယ်ရွယ်သူအတွက်အနာဂတ်တံခါးကြီးကိုဆွဲဖွင့်ခွင့်ရှိပါသေးတယ်ဟုဆိုကာ ငယ်မာန်တက်ကာလူထွက်သွားတတ်ကြကြောင်း
ကျန်းမာတဲ့ရဟန်းများကလည်း ငါကျန်းမာတယ် လူ့လောကမှာ ဘယ်အလုပ်မဆိုငါလုပ်စားလို့ရပါတယ်ဟု ရောဂါကင်းခြင်းအပေါ်မာန်တက်ကာလူထွက်လေ့ရှိကြပြန်ကြောင်း၊
ရဟန်းဘ၀အများသူငါဆရာအဖြစ်နဲ့အနေကြာလာကြပြန်တော့ လူအများနဲ့ဆက်ဆံလူ့အတွေးလူ့အကြံအပေါ်
အထာညက်လာသူများကလည်း ငါလိုတတ်သိနားလည်သူ တစ်ယောက်အဖို့လူ့ထွက်လျှင်လည်း အသုံးပြုကြမှာမလွဲဘူး ဟုဆိုကာ အသက်ရှည်မှုနဲ့ဆက်စပ်ပြီးမာန်မာနထောင်လွှားကာလူထွက်သွားကြပြန်ကြောင်း။
*မာန်ပယ်နိုင်ကြောင်း နည်းလမ်းကောင်း *
ထို့ကြောင့် ငယ်ရွယ်သူများကလည်း မိမိရဲ့ နုပျိုငယ်ရွယ်မှုအပေါ်မှာ မာန်မာနထောင်လွှားမှုမဖြစ်စေရန် အိုခြင်းသဘောတရားကို ဆင်ခြင်ရမည်ဖြစ်ကြောင်း။
ကျန်းမာသူများကလည်း မိမိရဲ့ရောဂါကင်းခြင်းကို စွဲ၍ မာန်တက်မှုမဖြစ်စေရန် နာခြင်းသဘောကိုဆင်ခြင်ရမည်ဖြစ်ကြောင်း
အသက်အရွယ်ကြီးရင့်သူများကလည်း အသက်ရှည်စွာနေရခြင်းအပေါ်မှာ မာန်မာနထောင်လွှားမှုမဖြစ်စေရန် သေခြင်းသဘောကိုဆင်ခြင်ပေးရမည်ဖြစ်ကြောင်း
သေခြင်းတရားသဘောကို ဆင်ခြင်နှလုံးသွင်းရမည်ဖြစ်ကြောင်း
မာန်မာနရဲ့အပြစ်များကိုဟောကြားပြီး ။အပြစ်ကိုထောက်ပြရုံသာမဟုတ်ဘဲ ပယ်ခွါနိုင်ဖို့ နှလုံးသွင်းရမယ့်နည်းလမ်းကိုပါ တပါတည်းဟောကြားတော်မူခဲ့ပါတယ်။
ဒီလောက်ဆို ယင်းမာန်မာနတရားတွေဟာ တရားဆိုးများဖြစ်ပြီး ဘယ်လောက်ထိ ဒုက္ခပေးနိုင်စွမ်းရှိတယ်ဆိုတာသဘောပေါက်ကျမှာပါ။
xxxxxxxxxxxxxxxxxxxx
ဒီမာနတရားက သာမန်လူမှုဆက်ဆံရေးစိးပွားရေးနယ်ပယ်များမှာသာဒုက္ခပေးသည်မဟုတ်သေးပဲ တရားဘာဝနာပွားများအားထုတ်သူများကိုပင်လျှင် လမ်းမှားအောင်လိုက်လံနှောက်ယှက်လေ့ရှိတဲ့ အန္တရာယ်ကောင်ကြီးလို့ပဲ ဆိုရမှာပါပဲ။
*တရားအားထုတ်ရာ၌လိုက်လံနှောက်ယှက်နေတဲ့အဓိမာန*
ဘုရားရှင်အလွန်ပင်အရေးပေးမြှောက်စားတော်မူခဲ့တဲ့ ဓုတင်ဆောင်မဟာသာဝကကြီး အရှင်မဟာကဿပဟာ ရံဖန်ရံခါဘုရားရှင်ကိုဖူးမြော်ဖို့ရန် သီတင်းသုံးရာမြို့တော်သို့ကြွလာတတ်ရာ။
တစ်နေ့ ရာဇဂြိုဟ်ဝေဠုဝန်သို့ ဘုရားရှင်အားအဖူးမြှော်ကြွရောက်လာစဉ် ရဟန်အများကတရားဟောတော်မူပါရန်လျှောက်ထားတောင်းပန်၍ အဓိမာနနဲ့ပတ်သက်တဲ့တရားတစ်ပုဒ်ဟောကြားတော်မူခဲ့ပါတယ်။ အင်္ဂုတ္တိုရ်ပါဠိတော်၊ဒသကနိပါတ်၊ အဓိမာနသုတ်မှာလာရှိပါတယ်။
ထိုအရှင်မဟာကဿပထေရ်ကြီးက
ငါ့သျှင်တို့ မိမိကိုယ်ကိုယ် ရဟန်းကိစ္စပြီးပြီး အရဟတ္တဖိုလ်ဖြင့်နိဗ္ဗာန်ကိုမျက်မှောက်ပြုနိုင်ပြီဟု ၀န်ခံပြောဆိုနေတဲ့ရဟန်းတစ်ပါးကို အမှန်တကယ်တရားထူးရမရ စစ်ဆေးမေးမြန်းကြတဲ့အခါ
မိမိကိုယ်ကိုလွဲမှားစွာအထင်ကြီးမှု အဓိမာနကြောင့်သာပြောဆိုနေတာလား၊
သို့တည်းမဟုတ် အမှန်အကုန်ပင်ကိလေသာကုန်ခန်းရဟန္တာဖြစ်ပြီလားဆိုတာကို အောက်ပါအချက်(၁၀)ချက်တို့ဖြင့် ထောက်ဆသိနိုင်ပါတယ်။
(၁)အဘိဇ္ဈာဆိုတဲ့ သူတစ်ပါးစည်းစိမ်ကိုမတရားသဖြင့်လိုချင်တပ်မက်ခြင်း
(၂)ဒေါသကြီးခြင်း
(၃)ထိနမိဒ္ဓများခြင်း
(၄)စိတ်ပျံ့လွန့်ပြီးသမာဓိမရှိခြင်း
(၅) တွေဝေမှုများပြီး ကိုယ်ပိုင်ညာဏ်နဲ့မဆုံးဖြတ်နိုင်ခြင်း
(၆) လူမှုကိစ္စများ များစွာလုပ်ဆောင်နေခြင်း
(၇)အလ္လာပသလ္လပစကားပြောဆိုခြင်းဖြင့်အချိန်ဖြုန်းနေခြင်း
(၈)အအိပ်အနေများခြင်း
(၉)ဆိတ်ငြိမ်ရာအရပ် ချဉ်းကပ်လေ့မရှိပဲ တပည့်တပမ်းကြားမှာပဲ တရုန်းရန်းနှင့်မွေ့လျှော်နေခြင်း
(၁၀)ကျင့်ကြံအားထုတ်မှုလည်းမပြီးဆုံးသေး၊သိစရာများကိုလည်းကုန်စင်အောင်မသိမမြင်နိုင်သေးဘဲ လမ်းခုလတ်၌ရပ်တန့်ပြီးဆုံးခြင်း
ဒီအကြောင်းဆယ်ချက်ကိုတွေ့ရှိရလျှင် ထိုသူ၏ တရားထူးကိုသိမြင်ကာ အရဟတ္တဖိုလ်ဖြင့် နိဗ္ဗာန်ကိုမျက်မှောက်ပြုခြင်းမဖြစ်နိုင်၊ မိမိကိုယ်ကို စိတ်ကြီးဝင်အထင်ကြီးကာ ထင်မိထင်ရာ ပြောဆိုနေခြင်းမျိုးတည်း..ဟု
ဟောကြားတော်မူခဲ့ပါတယ်။
ထို့ကြောင့် ထိုမာနတရား၏တရားဘာဝနာကျိုးစားအားထုတ်နေသူများကိုပါ စိတ်ကြီးဝင်စေလျှက်နိဗ္ဗာန်လမ်းတံခါးကိုပိတ်ဆို့ထားတတ်ကြောင်းမှတ်သားရမှာဖြစ်ပါတယ်။
*မာနကြောင့် ရှေ့ဆက်မရသူ*
အရှင်အနုရုဒ္ဓါမထေရ်မြတ်ဟာသောတာပန်ဖြစ်ပြီး ဒိဗ္ဗစက္ခုအဘိညာဉ်နဲ့လည်းတစ်လောကလုံးကိုရှင်းလင်းစွာမြင်ရတယ်။ ဒီတင်တယ်ဟုတ်တဲ့ငါပါလားလို့ ...မာနလေးမသိမသာဖြစ်လာပါသတဲ့၊
ဒီမာနကရှေ့က ကာဆီးထားတော့ ရှေ့ဆက်သွားလို့မရတော့ဘူး။
ဒီတင်ဘာ့ကြောင့်ရှေ့ဆက်ရှုလို့ရမှရပါ့မလားလို့ စိုးရိမ်ပူပန်မှုသဘောလည်းဖြစ်လာပြန်တာပေါ့။
ခရီးတစ်ခုကိုထင်သလောက်လျှောက်လို့မရတော့စိတ်ကလည်းအာရုံတစ်ခုထဲမှာထားမရပဲ အတွေးတွေဝင်ကာဥဒ္ဓစ္စတွေဖြစ်လာတယ်။
ဒီတင်ရှေ့ဆက်တရားအားထုတ်လည်း အသိညာဏ်ကတက်မလာတော့ဘူး။
စိတ်ပျက်လက်ပျက်ဖြစ်ပြီး အရှင်သာရိပုတ္တရာကိုသွားလျှောက်ထားလိုက်တော့မှ
“အရှင်ဘုရားစိတ်ထဲမှာ မာန၊ကုက္ကုစ္စနဲ့ဥဒ္ဓစ္စတရားသုံးခုက ပိတ်ဆို့ကာဆီးထားလို့နိဗ္ဗာန်ကိုမမြင်နိုင်တာပါ။
‘တယ်ဟုတ်တဲ့ငါပါလား တစ်လောကလုံးတောင်မြင်နိုင်ပြီဆို’ တာမာနသဘောပဲ။
လမ်းမှန်ပေမယ့် အဲဒီမာနကရှေ့သွားမယ့်လမ်းပိတ်လို့သွားမရတာကို မိမိလျှောက်နေတဲ့လမ်းအပေါ်မှာ
ဘယ်နေရာမှားသွားပါလိမ့်လို့ ပူပန်မှုကုက္ကုစ္စနဲ့ စိတ်ပျံ့လွင့်မှုဥဒ္ဓစ္စတွေဖြစ်လာတယ်။
မြူမှုံသဲမှုံဟာ ကြမ်းတမ်းတဲ့လက်မနဲ့လက်ညှိးကြား မှာထည့်ပြီးပွတ်ချေကြည့်လို့ဘာမှမဖြစ်ဘူး။
ဒါပေမယ့်နူးညံ့တဲ့မျက်စေ့ထဲထည့်လိုက်ရင်တော့ မခံမရပ်နိုင်အောင်စပ်သလိုပဲ
ဒီတရားသုံးပါးကစိတ်တွင်းမှာပဲဖြစ်ပေါ်နေတဲ့အကုသိုလ်အနုစားလေးတွေဆိုပေမယ့် တကယ်သိမ်မွေ့နူးညံ့တဲ့ တရားဓမ္မလမ်းပေါ်လျှောက်နေသူယောဂီပုဂ္ဂိုလ်အတွက်ကတော့ဧရာမရန်သူကြီးများဖြစ်ကြတယ်။ ဒီတရားသုံးပါးကိုစိတ်ထဲကပယ်ခွါနိုင်မှ ရှေ့ဆက်အားထုတ်လို့ရပါလိမ့်မယ်”လို့ ပြန်ပြီး လမ်းတည့်ပေးလိုက်ရပါတယ်..တဲ့ ၊
ဒီမာနဆိုတဲ့မြူမှုံကို ညာဏ်မျက်စီကပယ်ထုတ်လိုက်မှ နိဗ္ဗာနသန္တိသုခဓာတ်ကြီးကို
ညာဏ်မျက်စိနဲ့မြင်ခွင့်ရတော့တယ်လို့ ဆိုပါတယ်။
Xxxxxxxxxxxxxxxxxxxxxxxxx
ကဲဒီလောက်ဆို မာနဆိုတာ လောကီဖက်မှာလည်း ဆုံးရှုံးပျက်စီးမှုများစွာဖြစ်စေနိုင်သလို လောကုတ္တရာဖက်မှာလည်း
နိဗ္ဗာန်တံခါးကိုပါပိတ်ဆို့ကာဆီးထားတတ်တဲ့တရားဖြစ်တယ်ဆိုတာ သဘောပေါက်လောက်ပါပြီ။
ဘုရားရှင်မေတ္တာသုတ်မှာဟောတော်မူခဲ့တဲ့ အနတိမာနီဆိုတဲ့အတိုင်း
မာန်မာနကိုခ၀ါချထားနိုင်သူများဖြစ်ကြပါစေ
လင်္ကာအရှင်-မုံရွာ
No comments:
Post a Comment