ဥမကွဲ သိုက်မပျက် နိဗ္ဗာန်ဘုံမှာ ခိုလှုံချင်သူ

         ဦးဇင်းရဲ့ပစ္စည်းလေးပါးတကာကြီးမိသားစုက ဘာသာသာသနာအပေါ်မှာပါလေးစားကြည်ညိုကြတဲ့မိသားစုပါပဲ တရားပွဲတွေရိပ်သာတွေဆိုလည်း သူတို့က ကမကထပါဝင်လှုဒါန်းလေ့ရှိပါတယ် တကယ်လည်းကုသိုလ်ရေးမှာတက်ကြွပါဝင်ကြတဲ့မိသားစုပါပဲ ။ ရန်ကုန်ကနေမုံရွာကို နယူးမန္တလာထွန်းနဲ့ပြန်လာတော့တကာကြီးကိုယ်တိုင် မုံရွာကားကွင်းထိလာကြိုပါတယ်။
                 ကျွန်ုပ်နယ်ဘက်ကိုအလယ်ပြန်ရောက်လာတိုင်းလည်း သူဖတ်ထား နာထားသမျှတရားတွေထဲက မရှင်းမလင်းတာတွေကိုမေးမြန်းဆွေးနွေးလေ့ရှိပါတယ် ။ တခါတစ်လေလည်း သူနာကြားထားတဲ့တရားခွေတွေစာအုပ်တွေပေးလှုနာကြားစေပြီး ပြန်လည်ဆွေးနွေးစေပါတယ် ။ သူ့ကြောင့်လည်းဦးဇင်းမှာဗဟုသုတတွေတိုးခဲ့ရတာတွေလည်းရှိတာပေါ့။
             ဒီတစ်ခါတော့ ကားကွင်းကနေအိမ်ကိုရောက်မဆိုက်ပဲ ဦးဇင်းကိုတပည့်တော်လျှောက်စရာတစ်ခုရှိတယ်ဘုရာ့ လို့စလာတယ် ။ ခရီးဝေးကားစီးလာခဲ့ရတာကြောင့်ပင်ပမ်းပေမယ့် တကာကြီးရဲ့ကျေးဇူးတွေထောက်ထားပြီး သူသိချင်တာတွေကိုချက်ချင်းပဲဆွေးနွေးခွင့်ပေးလိုက်ပါတယ်။
        ဦးဇင်းရယ် တပည့်တော် ခု နာမည်ကြီးဓမ္မကထိကဆရာတော်… ရဲ့တရားနာလိုက်ရမှပဲ နိဗ္ဗာန်အကြောင်းရှင်းရှင်းလင်းလင်းသိရတော့တယ်ဘုရား ….ဟားလုပ်ပါအုံးတကာကြီးရဲ့ဘယ်လိုရှင်းသွာတာလဲ အရင်ကဆိုနိဗ္ဗာန်ဆိုတာေ၀၀ါးဝါးဘုရား ခုမှဆရာတော့အမ်ပီးသရီးဝိပဿရှုနည်းဟောစဉ်ခွေထဲမှာ နိဗ္ဗာန်အကြောင်းရှင်းပြတာနာလိုက်ရတယ်ဘုရား ။နိဗ္ဗာန်ကိုတပည့်တော်တို့မိသားစုတွေအတူတကွသွားလို့ရပြီပေါ့ဘုရား ….။  ဗျာ ဗျာ ဥိးဖင်းလည်းမျက်လုံးပြူးသွားတာအမှန်ပါပဲ(တရားဟောဆရာတော်ဟောတာမှန်တာမမှန်တာအပထား လောလောဆယ်ကို ငါ့တကာကြီးတော့ သဿတဒိဋ္ဌိသမားကြီးဖြစ်နေပါပေါ့လားဟုပင် တွေးလိုက်မိပါတော့သည်) ။ ကြည့်ပါလား သားတွေသမီးတွေဇနီးမယားတွေနဲ့အတူတစ်ကွ မအိုရာမနာရာမသေရာ နိဗ္ဗာန်မှာအတူတူနေချင်ပါသတဲ့လေ။  ဗုဒ္ဓအပါဒါန်မှာတိုက်ရိုက်လာတယ်တဲ့ဘုရား ပရိနိဗ္ဗာန်စံဝင်တော်မူပြိးကုန်သောဘုရားရှင်နှင့်ရဟန္တာအရှင်မြတ်ကြိးတွေကို စကြာဝတေးမင်းကဆွမ်းပင့်ကပ်တာ ဆွမ်းဘုဉ်းပေးကြွလာသတဲ့ဘုရား ဒါ့ကြောင့်နိဗ္ဗာန်ဆိုတာ ဘုံတစ်ခုအနေနဲ့ တစ်နေရာရာမှာ ရှိတဲ့အရှိတရားတဲ့ဘုရား
            နောက်ပြိး ယုန်ချို လိပ်မွှေး သမင်သွေးလို မရှိကိုအရှိလုပ်ပြောတဲ့တရားမဟုတ်ပါဘူး သူကိုယ်တိုင် ပထမရွှေကျင်ဆရာတော်ကြီးကိုယ်တိုင်ရေးခဲ့တဲ့လက်ရေးမူစာအုပ်ကို သူကိုယ်တိုင်လက်ဆင့်ကမ်းဖတ်ကြည့်လိုက်လို့ ခက်ခဲနက်နဲစွာသိခွင့်ရတာ စာချတန်းနည်းတွေအရဆိုရင် ဒြပ်မရှိရင် ဒြပ်မှာတည်တဲ့ဂုဏ်လည်းမရှိနိုင်ပါဘူး နိဗ္ဗာန်ဆိုတာမရှိရင် အိုခြင်း နာခြင်း သေခြင်း ကင်းတဲ့နိဗ္ဗာန်ဆိုတဲ့ဂုဏ်ပုဒ်ဟာလည်းမရှိနိုင်ပါဘူးလို့ဟောတယ်ဘုရား…။ ။
              ဟာဗျာ ဒါဆိုသုံးဆယ့်တစ်ဘုံထဲမှာဘယ်ဘုံမှာနိဗ္ဗာန်ကတည်ရှိနေတာလဲ ဥိးဇင်းတို့စာပေတွေမှာတော့လောကုတ္တရာဘုံကိုတည်ရာမဲ့အ၀တ္ထာဘုံလို့ပဲသင်ဖူးတယ်ဗျာ ။ဒါမှမဟုတ်ရင်တော့ပရိနိဗ္ဗာစံဝင်ပြီးဘုရားရှင်တွေ ရဟန္တာအရှင်သူမြတ်တွေသီတင်းသုံးတဲ့နိဗ္ဗာန်ဘုံဆိုပြိးတစ်ခုထပ်တိုးပြီး သုံးဆယ့်နှစ်ဘုံလို့ပြောင်းသတ်မှတ်ရပါလိမ့်မယ် ။
     ဦးဇင်းသူကလည်း စာတတ်နော် ….ဟာ တကာကြိးကလည်း ဘုရားရှင်ကိုယ်တော်တိုင်တောင် မာ ပိဋကသမ္ပဒါနေန၊ တိပိဋကဆောင်ကြီးက ဟောကြားထားတာပဲဆိုပြိးလည်းမျက်စိမှိတ်လက်မခံလိုက်ပါနဲ့ မှန်မမှန်အကျိုးရှိမရှိ စဉ်းစားဆင်ခြင်ပြိးမှလက်ခံပါလို့ ကာလာမသုတ်မှာအတိလင်းမိန့်ထားခဲ့တာပဲ ။ ဦးဇင်းကတပည့်တော်ပြောလို့ပါ ကဲအခုတပည့်တော်စီဒီခွေဖွင့်ပြမယ်ဘုရားခရီးပမ်းလာလည်းနဲနဲတော့သည်းခံပေါ့ ။ ကဲကဲရပါတယ်ဗျာဖွင့်လိုက်ပါ..။ (ပြောသာပြောလိုက်ရတယ် ခေါင်းတွေကတော့တစ်ညလုံးကားစီးခဲ့ရလို့နောက်ကျိကျိဖြစ်နေတာလေ)။ ဟာ..နာကြည့်တော့ တကာကြိးရှေ့ကပြောသွားတဲ့အတိုင်းပဲ အဲဒိအရှင်က သူ့ဝိပဿနာဟောစဉ်တွေမှာ နိဗ္ဗာန်အကြောင်းရှင်းပြထားတဲ့နေရာပါလား ။သူဟောပြသလိုသာဆိုရင် ရုပ်နာမ်ခန္ဓာခပ်သိမ်း ချုပ်ညိမ်းရာနိဗ္ဗာန်ဆိုတာတွေ နောင်တစ်ဖန်ပြန်လည်မမွေးဖွားတော့ဘူးဆိုတာတွေ ဒါတွေအကုန်မှားကုန်တော့မှာပေါ့ ။ ဦးဇင်းတို့အဘိဓမ္မာ သင်ခဲ့ရတဲ့ပရိယတ္တိခရီးတစ်လျှောက်မှာ ဒီလိုမျိုးရှင်းလင်းချက်တွေ တစ်ခါမှမကြားခဲ့ရဖူး ။ အေးဗျာ နိဗ္ဗာန်ကိုရောက်သွားကြတဲ့အရှင်မြတ်တွေကလည်းပြန်လည်ပြီးမဟောပြောနိုင်ကြတော့ဘူး စာပေအရရေးသားနေကြတဲ့သူတွေကိုယ်တိုင်လည်း ကိုယ်တွေ့မရောက်ဖူးကြသေးဘူးဆိုတော့ အခက်သားလား ။ ဦးဇင်းကြားဖူးတဲ့အဖြစ်တစ်ခုလိုလည်းဖြစ်နေပါဦးမယ် တကာကြီးနှစ်ယောက်နိဗ္ဗာန်ကို အရှိတရား မရှိတရားနဲ့ငြင်းခုံကြသတဲ့လေ ။နောက်အမှားမှန်ရိပ်သာမှာတရားပြနေတဲ့ဆရာတော်ကြိးသွားလျှောက်ကြတော့ ဆရာတော်ကြိးကမိန့်လိုက်သတဲ့ မင်းတို့လည်းနိဗ္ဗာန်မရောက်ဖူးကြသေးဘူး ငါလည်းမရောက်ဖူးသေးဘူးကွ တို့တွေရောက်ပြိးသိပြိးမှပဲ ဆက်လက်ပြီးအမှားအမှန်ဆုံးဖြတ်ကြတာပေါ့ ကိုယ့်တရားကိုယ်သာ ဆက်လက်အားထုတ်ကြပါ လမ်းမှန်ရှိနေရင် ပန်းတိုင်တော့ရောက်ကိုရောက်ရမှာပေါ့လို့ပဲ …အဖြေပေးလိုက်ရသတဲ့လေ။
    ဆရာတော်တချို့ရဲ့နိဗ္ဗာန်နဲ့ပတ်သက်လို့ပေးထားတဲ့ဥပမာအချို့ကိုလည်းအမှတ်ရမိသေးတယ် ကုန်းပေါ်ကျက်စားသွားလာနိုင်တဲ့ဖားကရေထဲကငါးကို ကုန်းမြေအကြောင်းပြောပြတော့ ကုန်မြေဆိုတာ ရေနဲ့ဘယ်လိုကွာသလဲဆိုတော့ မြေကမာတယ်တဲ့လေ အေးလေ မာတယ်ဆိုတာ ကျောက်ခဲလိုပဲလား ? ကျောက်ခဲလိုမာတာတော့မဟုတ်ဘူးလေ ဒါဆိုကုန်းမြေကဘာနဲ့တူသလဲဆိုတော့ ဖားလည်းငါးနားလည်အောင်မရှင်းပြတတ်ဘူးတဲ့လေ ။ဖားအောင်ဆရာတော်ကြီးရဲ့ တရားခွေတွေမှာလည်းနိဗ္ဗာန်အကြောင်းကိုဆရာတော်တွေအမျိုးမျိုးယူဆကြပုံတွေသေချာရှင်းပြထားတယ် တချို့ဆရာတော်ကြိးတွေကလည်း နိဗ္ဗာန်ဆိုတာ ရုပ်ထူးနာမ်ထူးနဲ့ဘုံတစ်ဘုံအဖြစ်နဲ့ယူဆလက်ခံထားကြတယ်ဆိုပဲ ။
     အမှန်တကယ်ပြောရရင်တော့ ထိုဓမ္မကထိကဆရာတော် ဟောပြောဖွင့်ဆိုချက်တွေကိုလုံးဝလကမခံနိုင်ဖွယ်မရှိပါဘူး ဒါပေမယ့် သူကျမ်းညွှန်းတဲ့အပါဒါန်ပါဠိတော်ကိုတော့တစ်ချက်ကြည့်မှဖြစ်မယ်လို့ တကာကိုပြောပြီး ဒီပြဿနာကိုအချိန်ဆွဲထားလိုက်ရတယ်။
              နောက်အဲဒီဆရာတော်ကျမ်းညွှန်းတဲ့အတိုင်းလိုက်ရှာတော့ အပါဒါန်ပါဠိတော် (မြန်မာပြန်)ဗုဒ္ဓဂ်ဗုဒ္ဓအပါဒါန်မှာ ဘုရားလောင်းစကြာမင်းကြိးကသူ၏အဓိဋ္ဌာန်ဖြင့် ရတနာအတိပြီးသောပြဿဒ်ကြီးဖန်ဆင်းပြီး အထက်မှာ သံဃာတော်နှင့်တကွဖြစ်သော ခပ်သိမ်းသောရှေးဘုရားရှင်တို့ကိုပကတိအသွင်ဖြင့်(စိတ်၌)ဖန်ဆင်းပင့်ဆောင်သည်လို့ပဲလာတာတွေ့ရပါတယ် ။ သို့သော် အောက်နားမှာဆက်လက်ဖွင့်ဆိုသွားသော ရှေးရှေးဘုရားရှင်တို့သည်ငါ၏ပြဿဒ်ထက်၌ တက်ရောက်ကာသီတင်းသုံးတော်မူကြကုန်၏ဆိုိတဲ့ဂါထာပိုဒ်ကို တရားဟောဆရာကကွက်ကြည့်သွားပြီး ပရိနိဗ္ဗာန်ပြုပြီးဘုရားရှင်များကို ဆွမ်းပင့်ကပ်တယ်လို့အယူမှားသွားဟန်ရှိပါတယ်။
           မိုးကုတ်ဆရာတော်ကြိးရဲ့ဟောစဉ်တရားများဖတ်ကြည့်လိုက်ပြန်တော့ ရဟန္တာများသေရင်ဘ၀ပြတ်ပြီးနောင်ဘ၀မရှိတော့ဘူးလို့အယူဖြစ်နေတဲ့ ရဟန်းတစ်ပါးကို ဘုရားရှင်က မင်းအယူမှားတယ်လို့မိန့်တော်မူတာတွေ့လိုက်ရတော့ ခေါင်းနပမ်းကြိးသွားတယ် ၊ငါများတကာကြီးကိုရှင်းပြခဲ့တာတွေမှားနေပြီလားပေါ့      
            ဒီတရားကိုငါအသေချာဖတ်မှရမယ် ဆရာတော်ကြိးကို ကိုယ်ကလည်းရဟန္တာတစ်ပါးအဖြစ်ယုံကြည်လက်ခံထားတာကိုး ဆရာတော်ကြိးဟောတာတော့မလွဲနိုင်ဘူးပေါ့လေ ။ဒီလိုနဲ့ဆက်ဖတ်လိုက်တော့မှ အဲဒီရဟန်းက ခဏိကမရဏဆိုတဲ့ ခဏမစဲတဖွဲဖွဲသေဆုံးနေတာကိုကိုယ်ပိုင်ညာဏ်နဲ့မသိပဲ ပစ္စက္ခဘ၀နဲ့ဖုံးလွှမ်းယူဆထားပြီး မသေခင်မှာဘ၀ဟာတည်မြဲနေပြီး ဇီဝိတိန္ဒြိယုပစ္ဆေဒ မရဏ လို့ခေါ်တဲ့ ဘ၀တစ်ခုသေဆုံးသွားပြီးနောက်မှာတော့ ရဟန္တာအရှင်မြတ်တွေ ဆက်မဖြစ်တော့ဟု(ပရိနိဗ္ဗာန်မပြုခင်ဘ၀အစဉ်ကို သဿတအဖြစ်/ ပရိနိဗ္ဗာန်ပြုပြီးနောက်ကို ဥစ္ဆေဒဒိဋ္ဌိ အနေနဲ့ယူထားလို့မှားယွင်းတယ်ဆိုတာသိလိုက်ရတယ် ၊ ရဟန္တာဆိုတာနောက်ဘ၀မရှိတော့ပါဘူး ဒါပေမယ့် မှန်ကန်စွာရှုမြင်မသုံးသပ်နိုင်ရင်မိစ္ဆာအယူဖြစ်သွားမယ်လေ ။ ဟူးးးးး တော်သေးတာပေါ့ စာကိုသာသေချာဆုံးအောင်မဖတ်မိရင် မိမိပါရောယောင်သွားမှာ ဆိုလိုချက်နဲ့လွဲသွားနိုင်တယ်လေ။
   အဲဒီအထောက်အထား ဖြေရှင်းချက်တွေအကုန်လုံးနဲ့တကာကြီးကိုရှင်းပြလိုက်တော့မှ သားတွေသမီးဇနီးနဲ့အတူတကွ မအိုမနာမသေ ထာဝရတည်ရှိနေတဲ့ နိဗ္ဗာန်ဘုံမှာ ပျော်ပျော်ကြီးစံချင်ပါတယ်ဆိုတဲ့သူ့ရဲ့မှားယွင်းတဲ့ရည်မှန်းချက်ကိုလည်း လက်လျော့စွန့်လွှတ်လိုက်ပါတော့တယ်။ 
                      by လင်္ကာ အရှင် on Saturday, December 17, 2011 at 6:14pm ·